Orbilmanía

Entroido no colexio

2012-02-17T21:08:00.000+01:00

Entroido no colexio Pena de Francia 2012 - diapositivas

Un toque mariño na cara

2012-02-16T20:08:00.000+01:00

CARAS MARIÑAS - diapositivas

A MAR DE XOGUETES

2012-02-15T13:55:00.000+01:00

A MAR DE XOGUETES - diapositivas

Gafas para todo.

2012-02-14T20:10:00.000+01:00

Día de gafas - presentacion imagenes

Tod@s cun gorro de praia

2012-02-13T17:23:00.000+01:00

Moda de gorros no entroido - diapositivas

Charles Dickens, 200 anos despois.

2012-02-05T23:44:00.001+01:00

O vindeiro 7 de febreiro cumprirase 200 anos do nacemento do escritor Charles Dickens, a pesar dos anos transcurridos os seus libros seguen sendo moi lidos e, salvando as distancias, con certa actualidade, tanto máis agora que as desigualdades sociais están a ser máis potentes. Novelas basadas na crítica social, na denuncia das desigualdades sociais e na defensa dos pobres.

Naceu o 7 de febreiro de 1812, en Portsmouth,nunha familia humilde. Pasou a maior parte da súa infancia en Londres e Kent, lugares que apareceron con frecuencia nas súas obras. Comezou a asistir á escola aos nove anos de idade, pero os seus estudos quedaron interrompidos cando o seu pai, un pequeno funcionario, foi a cadea, en 1824, por non pagar as súas débedas. Con once anos tivo que porse a traballar nunha fábrica londiniense de tinguiduras. Esta experiencia produciulle unha sensación de humillación e abandono que lle acompañou durante o resto da súa vida. Entre 1824 e 1826 asistiu de novo á escola, aínda que a maior parte da súa educación foi autodidacta. En 1827 conseguiu un traballo como secretario legal e, tras estudar durante un breve período de tempo o oficio, converteuse en xornalista no Parlamento.

Dickens foi un activista social tanto na súa obra como na súa vida, na que promoveu diversas campañas para mellorar a educación e a sanidade dos pobres e fundou un centro para mulleres marxinadas en colaboración coa millonaria filántropa Angela Burdett-Coutts.

Grazas a el, entre outros, puxo de manifesto a explotación brutal de que se facía vítima á poboación infantil inglesa. A el débeselle o que os dereitos de autor dos escritores, empezasen a ser tomados en conta, xa que as súas obras eran "pirateadas", por editores desaprensivos aos que beneficiaba a falta de lexislación respecto diso. Tamén foi autor teatral, en numerosas ocasións axudou a montar obras escénicas ou colaborou activamente nelas como actor.
Principais obras:

"Esbozos por Boz" (Sketches by Boz), 1836.

"Los papeles póstumos del Club Pickwick" (The Posthumous Papers of the Pickwick Club), 1837.

"Oliver Twist", 1837-1938.

"La tienda de antigüedades" (The Old Curiosity Shop), 1840-1841.

"Barnaby Rudge", 1840-1841.

"Martin Chuzzlewitt", 1843-1844.

"Canción de Navidad" (A Christmas Carol), 1843.

"Dombey e hijo" (Dombey and son), 1848.

"David Copperfield", 1849-1850.

"La casa desierta" (Bleak House), 1852-1853.

"Tiempos difíciles" (Hard Times), 1854.

"Historia de dos ciudades" (A Tale of Two Cities), 1859.

"Grandes esperanzas" (Great Expectations), 1861.

"Nuestro mutuo amigo" (Our Mutual Friend), 1864-1865

Frases pronunciadas por el:

"O corazón humano é un instrumento de moitas cordas; o perfecto coñecedor dos homes sábeas facer vibrar todas, como un bo músico"

"Cada fracaso ensínalle ao home algo que necesitaba aprender"

"Hai grandes homes que fan a todos os demais sentirse pequenos. Pero a verdadeira grandeza consiste en facer que todos se sintan grandes"

"Hai cordas no corazón humano que sería mellor non facelas vibrar"

"O home nunca sabe do que é capaz ata que o intenta"

Enerxías renovables para tod@

2012-01-30T22:46:00.000+01:00

A Organización de Nacións Unidas (ONU)proclama o 2012 como ano Internacional das enerxías sostibles.O obxectivo é que a poboación mundial tome consciencia sobre a importancia de incrementar o acceso sustentable da enerxía renovable no ámbito local, rexional e global.A «enerxía sustentable» é aquela enerxía que se produce e úsase de forma que fomenta a longo prazo o desenvolvemento humano no ámbito social, económico e ecolóxico.

O fín é xeneralizar o uso de fontes de enerxía non contaminantes e sistemas que reduzan a perda deste recurso básico. Na actualidade hai mil catrocentos millóns de persoas que carecen do acceso á electricidade e preto de dous millóns morren de forma prematura por cociñar ou quentarse con sistemas obsoletos.

A falta de acceso á enerxía non contaminante é un verdadeiro obstáculo para o logro dos Obxectivos de Desenvolvemento do Milenio, de alí que para 2012 a ONU poña o foco sobre esta problemática e as posibilidades que nos dá a enerxía renovable para emendalo.

A continuación aparece unha páxina de actividades lúdicas sobre aforro de auga, eficiencia enerxética, transporte... Comentan unha situación e despois realizan unha pregunta cas posibles resposta, e van dando ou quitando puntuación segundo se avance no laberinto do xogo. XOGO

Vivir en paz

2012-01-23T19:50:00.004+01:00

O Nobel da Paz 2011 premia a loita das mulleres en África

Dende a Biblioteca queremos recordar e recoñecer a estas tres grandes e valentes mulleres loitadoras .

A presidenta de Liberia, Ellen Johnson-Sirleaf, a tamén liberiana Leymah Gbowee e a yemení Tawakkul Karman ganaron o Premio Nobel da Paz 2011.A súa "loita non violenta pola seguridade das mulleres e polos dereitos das mulleres para participar plenamente nas tarefas de pacificación".

Non se pode alcanzar "a democracia e unha paz duradeira no mundo ata que as mulleres non obteñan as mesmas oportunidades que os homes para influir no desenrolol social a todos os niveles".

Ellen Johnson Sirleaf, de 72 años, é desde 2006 a primeira muller africana elexida democráticamente para presidir o seu país.

Leymah Roberta Gbowee, de 39 años, é unha activista conocida por ter organizado o movemento pacifista que logrou por fin a segunda guerra civil en Liberia no 2003, o que posibilitou a eleción democrática de Johnson Sirleaf.

Pola súa parte, Tawakkul Karman, é unha política yemení e activista pro dereitos humanos que lidera o grupo de Mulleres Periodistas Sen Cadeas, creado en 2005.

Algúns dos libros expostos

A comisión de Biblioteca do colexio,nun expositor, propón unha serie de libro para traballar A Paz.

Tamén dende o Departamento de Orientación propóñennos neste mes xaneiro, para mellorar a convivencia, sensibilizarnos hacía Paz.

Cartel con poesía sobre a Paz

A continuación unha cortametraxe preciosa sobre o valor da amizade e o triste que é perder os soños.

" A PAZ é a única forza capaz de transformar un inimigo en amigo”.Martín Luther King

Fomentando a paz e a Non Violencia

2012-01-17T00:32:00.000+01:00

Reflexións de Gandhi

O día 30 de Xaneiro conmemórase a morte do líder nacional e espiritual da India, o Mahatma Gandhi, o 30 de Xaneiro de 1948, asasinado a tiros por un fanático hinduista. Gandhi naceu en Porbandar, India, en 1869, e tras graduarse en dereito en Inglaterra, instalouse en África do sur e loitou alí contra a discriminación de que eran obxecto os indios. Ao volver á India organizou a resistencia non violenta contra o colonialismo e a non cooperación coa administración inglesa. Foi a cadea en numerosas ocasións. El ensinounos co seu exemplo que "Non hai camiños para a paz, a paz e o camiño"

Por outra banda, tamén celebramos nesta xornada o Día Escolar da Non-Violencia e da Paz. Este foi fundado en 1964 polo Inspector de Ensino Lorenzo Vidal. É definida como unha xornada educativa de pacificación, co fin de realizar unha reflexión persoal ao descubrimento da mensaxe de que "o amor é mellor que o odio, a Non-violencia mellor que a violencia e a paz mellor que a guerra" (Vidal, 1972).

O noso colexio quere sumarse a dita celebración nese día cun acto que se realizara despois do recreo, onde cada aula formulará un desexo e haberá música e coreografía conxunta, acorde coa data.

Recursos

A continuación aparecen recursos diversos sobre a paz e a non violencia, elaborada polo Colexio Público Víctor Sáenz, que nos mostra unha páxina cunha recompilación moi completa, agradecémoslles ao equipo de profesionais que fixo posible estes magníficos traballos.

Agustín Fernández Paz candidato ao Premio Andersen

2012-01-12T23:33:00.000+01:00

A Organización Española para o Libro Infantil e Xuvenil (OEPLI) propuxo ao escritor galego Agustín Fernández Paz como candidato español ao Premio Andersen, que concede o IBBY (Organización Internacional para o Libro Xuvenil, polas siglas en inglés International Board on Books for Young People) cada dous anos, como recoñecemento a unha contribución duradeira á literatura infantil e xuvenil dun escritor e dun ilustrador.

O fallo do xurado deste prestixioso galardón, considerado o Nobel da literatura infantil, farase público na Feira do Libro Infantil de Bolonia o luns 19 de marzo de 2012, entre os 27 escritores e 30 ilustradores elexidos como candidatos.

A cerimonia de entrega de premios terá lugar durante o 33º Congreso Internacional de IBBY, que se realizara en Londres do 23 ao 26 de agosto de 2012.

Desde a constitución do Premio Andersen, en 1956, só obtívoo un español, José María Sánchez-Silva, autor da novela “Marcelino pan y viño”, en 1968.

Sentímonos moi honrados como galegos que un escritor de tan alto nivel literario represéntenos como candidato ao premio Hans Christian Andersen 2012 e por tratarse dunha persoa coherente, defensora da nosa lingua.

Centenario do nacemento de Celso Emilio Ferreiro

2012-01-10T00:38:00.001+01:00

Cúmprense cen anos do nacemento de Celso Emilio Ferreiro Míguez, nacido en Celanova o 6 de xaneiro de 1912 e falecido o 31 de agosto de 1979 en Vigo, foi un escritor e político galeguista. A súa poesía en lingua galega é un referente. Neste año 2012 tamén conmemórase medio século da publicación do seu poemario Longa noite de pedra.

LONGA NOITE DE PEDRA

O teito é de pedra.

De pedra son os muros

i as tebras.

De pedra o chan

i as reixas.

As portas,

as cadeas,

o aire,

as fenestras,

as olladas,

son de pedra.

Os corazós dos homes

que ao lonxe espreitan,

feitos están

tamén

de pedra.

I eu, morrendo

nesta longa noite

de pedra.

TEÑO O CORAZÓN SENLLEIRO

Teño o corazón senlleiro

e orfo na noite fría.

Non importa, agardaréi

polo albor do novo día.

Teño lobos, teño sombras,

teño a sorte fuxidía.

Non importa, agardaréi

polo albor do novo día.

Está mudo o reixiñol

que outrora cantar solía.

Non importa, agardaréi

polo albor do novo día.

Que está comigo a esperanza,

fiando, fía que fía…

Ela fía i eu confío

no albor do novo día

Estamos no Nadal

2011-12-14T13:43:00.000+01:00

Como tódolos anos nestas datas de Nadal, queremos aproveitar para felicitar as festas e para recomendar un libro para os/as nenos/as como agasallo dos Reis Magos.Este libro empregarase despois na escola para facer actividades de animación á lectura e ademáis teremos a visita do autor.

Educación Infantil

Vanessa non quere ser princesa

Xosé Antonio Perozo.

Editorial Sotelo Blanco

1º Ciclo

El perro que buscaba estrellas.

Autor Ricardo Gómez.

Editorial Edelvives

2º Ciclo

Los zorros del norte

Autor Ricardo Gómez.

Editorial Edelvives

3º Ciclo

El hermano secreto de Caperucita Erre.

Autor Ricardo Gómez.

Editorial Edelvives

O Nadal trae recordos, trae luces, e tamén historias e contos que se multiplican co tempo. O equipo da Biblioteca do noso centro recopilou unha serie de lecturas nas que podemos atopar dende historias, contos de inverno e de Nadal, que se mostran nun expositor.

A continuación preséntanse uns recursos para traballar na aula neste tempo de inverno:

Preme para coñecer sobre lendas, cantos, contos de Nadal....da nosa Terra

Escoitar e ler un conto de Rosa Aneioros, O Nadal de Bruñelo

A Coordinadora Galega de equipos de Normalización e Dinamización lingüística agasállannos con todos estes materiais:

10 DE DECEMBRO: DIA DOS DEREITOS HUMANOS

2011-12-10T12:05:00.005+01:00

Para celebrar o Día dos Dereitos Humanos as bibliotecas escolares galegas colaboran nunha actividade solidaria: axudar a que os nenos que viven unha situación de desigualdade de oportunidades poidan gozar dun dereito tan básico como o dereito a ler, a formarse, a soñar, a aprender. E para iso, colaboran na doazón de libros para o Niño do Bubisher (a nova biblioteca) nos campos de refuxiados do Sáhara.
Neste video podedes ver en que consiste o Bubisher.

63 anos despois da súa proclamación, segue sendo necesario lembrar esta data,10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e Dereitos Humanos. "O segrel do Penedo". Blogue da Biblioteca do IES de Fene

Texto de Maribel Serantes (CEIP Os Casais)

Imaxe atopada aquí

A convivencia en valores: O compañeirismo.

2011-12-06T23:20:00.000+01:00

Mural

Dende o Departamento de Orientación propóñennos neste mes de decembro, para mellorar a convivencia, o compañeirismo.

O dicionario designa compañeirismo como o vínculo e relación amigable que existe entre compañeiros/as.

Utilízase o termo compañeirismo para designar a un tipo de relación ou vínculo que se establece entre compañeiros e que ten como características principais as actitudes de bondade, respecto e confianza entre os membros que son parte dela. O compañeirismo é especialmente característico de certo tipo de vínculos por exemplo as relacións fraternais, as relacións de camaradas laborais, os compañeiros escolares, etc.

Unha das principais funcións da escola, especialmente nos seus primeiros anos, aínda que debe profundarse e perfeccionarse o seu ensino ao longo de toda a vida é lograr a socialización do individuo, para que a súa incorporación á sociedade sexa en forma solidaria e participativa. Por tanto no colexio deben estimularse as tarefas grupales de axuda mutua, tratando de que todos/as cheguen na medida das súas posibilidades, e neste caso a tarefa do docente é moi importante para que non sexa un só o que faga o traballo por todos, senón que se logre un produto mellor, co esforzo compartido.Con ese obxectivo creouse un grupo de traballo entre mestres do centro sobre cooperativimo, para ensinarlle ao alumnado a traballar en equipo.

O ideal é que os compañeiros cheguen a ser amigos, sentindo entre eles afecto, confianza e compartindo momentos incluso fóra do establecemento escolar. Os amigos/as serán un gran apoio no crecemento e maduración dos nenos e sobre todo dos adolescentes, que necesitan do grupo. Pero ben sabemos que as persoas elixen as súas amizades e é case imposible sentir a todos os compañeiros/as como amigos/as.

O importante é recoñecer no outro un suxeito digno de respecto e valoración, que pode ter opinións e metas distintas das propias, pero que sempre que sexan positivas merecen ser escoitadas e analizadas, aínda que non se compartan.

Así o lema deste mes di: "Se o compañerismo quero practicar nos demais debo pensar"

Frases célebres:

"O amigo é outro eu. Sen amizade o home non pode ser feliz". Aristóteles

"O amigo debe ser como o diñeiro, que antes de necesitalo, sábese o valor que ten". Sócrates

"Compañeirismo non sempre é amizade. Pero amizade sempre é compañeirismo".José Narosky

Día Internacional da Discapacidade.

2011-11-28T23:55:00.000+01:00

O día 3 de Decembro celébrase o día Internacional das persoas con Discapacidade, para lembrar os seus dereitos e a necesidade dunha integración social. Sería preferible falar de “ Capacidades Diferentes”, e non tanto de discapacidade ou carencia.Si ben somos todos e cada un seres únicos na nosa individualidade, algúns máis que outros, independentes no nosos desenrolo, hai quen atopa obstáculos moi fortes para desenvolverse nunha sociedade coma a actual. E o que máis desexan é que se lles mire, e que se lles mire sen diferencia.

Aínda que non debería ser necesario designar un día para falar dos “dereitos de “, na realidade é unha necesidade patente e actual e foi aprobada pola Asamblea Xeral da O.N.U. en 1982. A pesares de se lle recoñecer dereitos, os máis de 500 millóns de persoas no mundo que padecen algunha discapacidade de tipo física, psíquica ou sensorial, siguen atopándose moitas veces en situación de desventaxa.

Quen vive esta realidade falan da necesidade de abrir a mente e o corazón, o entendimento ao feito de que non é “un castigo ante algo que saiu mal” senón que amplía oportunidades, máis chea e extensa da realidade humán.

Cal sería o camiño a seguir dende a sociedade, pero tamén dende a escola?Talvez si comenzásemos por falar de capacidades (de amar, de escoitar, de ver, de entender, de respetar) en lugar de discapacidades…porque, si unha discapacidade se define pola limitación ou carencia física, mental, social; conxénita ou conquerida para desenvolverse na vida, podemos atoparnos moitas discapacidades inherentes as nosas limitacións humáns.

Dende a Comisión de Biblioteca queremos sensibilizar ao alumnado, pero tamén aos mestres/as, pais/nais, a entender cuestións relacionadas con este tema, e que brinden a oportunidade de reflexionar coa necesidade do disfrute cheo e igual dos dereitos humáns e a participación na sociedade das persoas con discapacidade.

Propostas de actividades

Publish at Calaméo or browse others.

A continuación aparecen algúns recursos educativos:

Por cuatro esquinita de nada. Un libro sobre a amizade, a diferenza e a exclusión. Escrito e ilustrado por Jérôme Ruillier.

Cuadradiño quere xogar na casa dos seus amigos redondiños, pero non pasa pola porta porque a porta é redonda como os seus amigos. Que pode facer? Cuadradiño é diferente. Nunca será redondo.

O cazo de Lorenzo. Con palabras simples e unhas ilustracións tenras e divertidas, Isabelle Carrier (a autora) recrea o día a día dun neno diferente: as súas dificultades e os obstáculos que ten que afrontar.

Un conto metafórico para falar das diferenzas. A superación dun neno con dificultades para soportar o día a día.

Tráiler dun documental que narra a viaxe dun pai e unha filla que buscan unha forma de comunicarse. Unha adaptación ao cinema da novela gráfica do mesmo nome, 'María y yo', de Miguel Gallardo, galardoado co Premio Nacional do Cómic 2008, que é a historia dunha relación de afecto entre dúas persoas, un pai e unha filla con autismo.

Bibliotecas Escolares Galegas

2011-11-28T21:29:00.001+01:00

Estas son algunhas das fotos que realizou a profesora Maruxa no Congreso de Bibliotecas Escolares en tránsito, celebrado en Compostela os días 10, 11 e 12 de novembro, organizado pola Consellería de Educación en colaboración co Ministerio de Educación.
Tamén nos trouxo un vídeo moi interesante que foi rodado en centros do Plan de mellora de bibliotecas escolares de diferentes recunchos de Galicia, que se presentouse no Congreso. As imaxes amosan o que se está a realizar nos diferentes centros así como a distribución de espazos.

Trinta anos de sida

2011-11-28T00:13:00.000+01:00

O 1 de decembro celébrase o día mundial do Sida e foi elixido debido a que o primeiro caso de SIDA foi diagnosticado neste día en 1981, o vindeiro xoves fara trinta anos, dende entón a sida matou a máis de 25 millóns de persoas en todo o mundo, facéndoa unha das epidemias máis destrutivas da historia rexistrada, a pesares de que existe un maior acceso ao tratamento e o coidado en moitas rexións do mundo.

O concepto de dedicar un día á loita contra a sida no mundo orixinouse no Cume Mundial de Ministerios da Saúde de 1988, dentro dos programas para a prevención da sida. Desde entón, foi tomado por gobernos, organizacións internacionais ao redor do mundo.

A semana pasada, o 24 de novembro, cumpríanse 20 da morte por causa do sida de Freddie Mercury, o cantante do grupo de Queen. Sendo un dos primeiros artistas en asumir publicamente esta enfermidade. Recordémolo escoitando algunha das súas magníficas interpretacións.

Vivir en igualdade. Vivir sen violencia.

2011-11-21T18:36:00.006+01:00

A biblioteca do centro, con motivo do 25 de novembro, adquireu este libro que nos fala da violencia hacía os cativos/as e hacía as mulleres por parte do pai/marido.

Rosario e o seu irmán viven cun monstro. É forte e alto; cospe espuma pola boca e, en moitas ocasións, os seus ollos tínguense de vermello. "Este relato achéganos ás emocións de dous irmáns que viven situacións de violencia no seu fogar. As vivencias son descritas desde o punto de vista dos nenos que afrontan os feitos desde unha mirada tímida e inocente. Ramón Trigo logra, coas ilustracións, equilibrar un texto dramático que nos mostra unha realidade na que están inmersos moitos menores".

As actividades na aula deste libro poderían estar enfocadas en torno:

1. Lectura do conto.

2. Análise dos personaxes.

3. Quen é o “monstro?

4. Coñecemos algún monstro?

5. Que se pode facer para acabar con este tipo de monstros?

6. Cal podería ser outro final?

7. Debuxar o que nos suxire o conto?

A continuación preséntanse as creacións de diferentes diseñadores realizaron contra a violencia de xénero

25 de novembro: Día Internacional contra a violencia de xénero

2011-11-16T13:32:00.000+01:00

Estamos a vivir nunha sociedade que empeza a sensibilizarse e a rexeitar a violencia que se exerce contra das mulleres. A escola e a familia son ámbitos privilexiados dende os que se pode e se debe traballar para erradicala. Profesorado e, sobre todo, os proxenitores, xogan un papel decisivo no establecemento dos xeitos de relación das rapazas e rapaces. O exemplo é o que máis educa.

As criaturas aprenden dentro da familia a integrar as súas relacións,absorben como esponxas os xeitos de comportamento das persoas adultas e máis tarde na escola ao se relacionaren cos seus iguais van incorporando outra serie de habilidades sociais tales como cooperar, poñerse no lugar da outra persoa, facer amizades.Polo tanto, o traballo dende o sistema educativo tamén é necesario; a prevención da violencia de xénero convértese en algo ineludíbel e pode abranguer actuacións xerais, básicas e concretas. A escola debe ser o lugar para fornecer valores como o respecto, a igualdade dentro da diversidade e da diferenza, o espírito crítico, é un espazo onde se aprende a pensar, a analizar, a descubrir,...é por isto un dos sitios idóneos para previr calquera tipo de violencia.

Dende a Comisión da Biblioteca facemos unhas propostas encamiñadas a sensibilizar ao noso alumnado na difícil función de facer unhas relacións entre os sexos máis respectuosas e pacíficas.

Propostas de actividades

Publish at Calaméo or browse others.

PREME SOBRE OS ENLACES PARA VISUALIZAR O CONTIDO:

NI UN BIQUIÑO Á FORZA

VIDEO DE MAMÁS E PAPÁS

CANCIÓN DE ANDY Y LUCAS

LETRA DA CANCIÓN EN TU VENTANA DE ANDY Y LUCAS

Violencia de xénero é toda aquela violencia que se produce contra a muller por pensar que esta é inferior. Non esquecemos países nos que a muller é maltratada polo mero feito de selo. Non esquecemos o sufrimento, o medo, o terror...que padecen. Non queremos esquecer, por iso dende a escola imos elaborar un gran lazo de esperanza, que colocaremos na entrada, para que posteriormente todo o alumnado coloque o seu encima.

Convivencia en valores: A Orde

2011-11-14T21:29:00.006+01:00

Mural sobre a orde

O departamento de orientación do centro segue neste curso a programar o proxecto de mellora da convivencia escolar baseada en valores.

Este mes de novembro o valor elexido a traballar é a ORDE. A orde non só está no exterior, é dicir no cuarto, na caixa de xoguetes, na aula de clases. Tamén está dentro dun, na forma en que organizamos a vida, na forma en que ordenamos as cousas que debemos facer e que queremos facer pola súa importancia e valor. A orde é importante para lograr maior eficiencia e resultados felices nos estudos, no traballo e na vida cotiá.

Pitágoras dixo que " Con orde e tempo encóntrase o segredo de facelo todo, e de facelo ben."

Celebrando O Magosto.

2011-11-11T22:15:00.000+01:00

Como non podía ser doutra maneira o día do San Martiño, 11 de novembro,celebramos o magosto no colexio.

Como chovía tivemos que ir ao pavillón. Alí ao son da música entre tod@s alumn@s de Educación Infantil e Primaria e profesorado formamos unha cadea humana que se foi convertindo nunha espiral para rematar nun círculo, nese momento comenzamos a bailar e entoar as cancións aprendidas tanto a da Pinga como a cantiga da Castaña de Cores, ademais os nenos/as de sexto acompañados da profesora Cristina cantáronnos Castañas do Magosto.

Con tanta festa, as castañas xa estaban asadas, os comensales desexándoas probar. As castañas este ano estiveron riquísimas!!

Para rematar voltamos a bailar con coreografía, agora xa, cas barrigas cheas.

A continuación unha pequena mostra da festa.

http://www.youtube.com/watch?v=yO3aGY5mzqQ
http://www.youtube.com/watch?v=Y7CJXtT4lj8

O Magosto

2011-11-04T23:57:00.001+01:00

O venres día 11 de novembro celebramos o magosto no colexio; asaremos castañas e por suposto comerémolas, pero antes cantaremos, neste curso non contamos co cantante principal, o mestre Arcadio, para cantarnos por exemplo “pinga, pinga sen parar as castañas...” ante esta ausencia recolleremos algunha cantiga axeitada para a ocasión.

De seguido aparecen uns enlaces interesantes sobre o magosto.

PARA LER UN CONTO SOBRE UNHA CASTAÑA

RECURSOS EDUCATIVOS

PARA ESCOITAR UNHA CANCIÓN CON COREOGRAFÍA

Congreso de Bibliotecas Escolares en Tránsito.

2011-11-03T00:00:00.000+01:00

Actualmente o mundo da educación asiste a importantes transformacións nos usos e prácticas da cultura escrita. Os centros educativos deben dar resposta ós retos que presenta a sociedade da información e poñer en xogo estratexias organizativas e metodolóxicas que faciliten a formación do alumnado como lectores competentes e como usuarios eficaces das distintas fontes informativas dispoñibles. As bibliotecas escolares maniféstanse como recursos imprescindibles para o exercicio destas funcións, ao ser espazos de aprendizaxe nos que se integra a cultura impresa e a cultura dixital.

Os días 10,11 e 12 de novembro celébrase en Compostela un Congreso de bibliotecas escolares de responsables ou integrantes dos equipos de biblioteca, membros de equipos directivos ou dos servizos de Inspección, responsables das Administracións educativas de todas as Comunidades Autónomas, con participación no deseño, xestión e desenvolvemento de programas de bibliotecas escolares, e asesores de formación no ámbito das bibliotecas escolares e a lectura.
Organizado polo Ministerio de Educación e a Consellería de Educación e cun magnífico programa, que inclúe relatores/as de enorme prestixio, terase a ocasión de actualizar os coñecementos e afondar e reflexionar sobre o papel das bibliotecas escolares no panorama educativo actual.O obxectivo é abrir foros de reflexión conxunta, para o intercambio de experiencias e debatir sobre o papel das Administracións educativas no impulso de prácticas excelentes para a mellora de resultados.

O noso Centro foi invitado, por estar dentro do plan de mellora das Bibliotecas Escolares, estando representado da man da profesora Maruxa.

O Samaín

2011-10-28T09:17:00.005+02:00

Estamos entrando en novembro, e con el chega o tempo dos difuntos, das caveiras de cabaza, de demos, de frío, de escuridade ...é o mes de ter MEDO!!!!

Estamos no Samaín que non significa máis que o fin do verán, principio do inverno.

Por este motivo a Biblioteca está decorada con moito misterio e agasállannos cunha exposición de libros de medo. Visitarnos e veredes que temos o medo necesario.

COMPROBA CANTO SABES SOBRE O SAMAÍN

SE QUERES BAILAR E APRENDER INGLÉS PREME SOBRE A IMAXE

PREME SE QUERES CANTAR

Día das Bibliotecas Escolares

2011-10-25T00:05:00.014+02:00

O 24 de Outubro celébrase o día das Bibliotecas Escolares e na nosa escola quixémolo conmemorar tamén, na hora do proxecto lector cunha sesión de contacontos, que levou a cabo os/as axudantes colaboradores da biblioteca, contándolles ao alumnado o seu conto favorito de cando eran máis pequenos.A actividade foi enfocada para Educación Infantil e 1º Ciclo de Primaria.

Foi un momento máxico ver a atención prestada e como os nenos/as colaboradores volcáronse nas narracións e incluso nas interpretacións e dramatizacións.

¡Noraboa a estes aventaxados aprendices¡

A Biblioteca está en marcha

2011-10-24T22:38:00.000+02:00

Listado de colaboradores/as

Empezou a funcionar a biblioteca: os libros están ordenados e preparados para ser empregados, a decoración a punto, os recursos multimedia xunto ca catalogación en marcha, o alumnos/as desexando ir a biblioteca e os bibliotecarios desexando que veñan moitos/as lectoras.
Este curso houbo formación previa, os membros da Comisión de Biblioteca encargáronse de explicar como funcionaba a nosa biblioteca e como estaba organizada a cada grupo clase , mostrándolle por exemplo como se encontra un libro e como se coloca. Con ese fín elabórase unha guía de usuarios para a utilización axeitada.
Tamén houbo formación para os colaboradores/as voluntarios, que por certo este curso houbo moitos/as. As funcións que realizarán estes, en colaboración co mestre/a encargado, serán as seguintes:
 Recollida e colocación nos andeis correspondentes dos libros devoltos ou utilizados no horario de apertura.
 Axudar aos profesores/as da Comisión da Biblioteca no servizo de préstamo.
 Asesorar aos usuarios das diferentes zonas, da súa debida utilización, da sinalización e da ubicación dos diferentes fondos.
 Aconsellar lecturas ou coleccións aos usuarios máis pequenos.
 Reparación de exemplares deteriorados.
 Participar na decoración e sinalización da Biblioteca.
 Axudar na preparación de actividades específicas de animación á lectura ( en especial, contacontos para Educación Infantil )
 Colaborar en manter en orden e silencio a Biblioteca.

GUÍA DA BIBLIOTECA ESCOLAR

Publish at Calaméo or browse others.

O aniversario de Peter Pan.

2011-10-10T19:40:00.085+02:00

A biblioteca únese ao centenario da publicación do libro de Peter Pan con decoracións especiais, propostas de actividades para traballar na aula, animacións, exposicións, onde o alumnado participa traendo material relacionado con esta personaxe. Nesta recollida encontramos vídeos, libros, axendas, camisetas, bonecos, cancións e xogos para xogar na rede.

PREME SOBRE A IMAXE PARA XOGAR

PREME SOBRE PETER PAN PARA LER E ESCOITAR AS CANCIÓNS DE DISNEY

Wangari Maathai. O colibrí que quiso salvar ao mundo deixou de voar.

2011-10-07T13:45:00.000+02:00

Moito do alumnado do noso colexio coñeceu a Wangari no curso pasado, cando celebramos o ano Internacional dos Bosques, a través do seu libro “Wangari y los árboles de la paz “, onde se conta a historia da súa vida.
Maathai, conocida no seu país como "nai das árbores", era considera defensora da democracia e a paz.
Destacada loitadora polos dereitos da muller e a protección do medio ambiente.
En 1977, Maathai creou o Movemento Cinto Verde dirixido a plantar árbores e evitar o deterioro das condicións ambientais e sociais, e ao mesmo tempo crear empregos para as mulleres e realzar a súa imaxe social. Esta organización plantou máis de 40 millóns de árbores en África.
Sufriu azoutes, prisión e ameazas de morte na súa longa loita pola preservación dos bosques de África.
Personalidade importante no ecoloxismo no seu país a partir dos anos 70, Wangari Maathai adquiriu notoriedade internacional en 2004, ao ser recompensada co Premio Nobel da Paz polo traballo do seu Movemento Green Belt (Cinto Verde), que fundou en 1977.
“O colibrí que quixo salvar ao mundo" é un ensino a modo de fábula legada por Maathai á humanidade, na cal ensina que non importa que insignificantes sexamos, senón o que cada un poida facer por salvar ao home e o seu entorno.
Dende o domingo 25 de setembro Wangari xa non esta connosco, pero grazas a súa valentía e empeño o mundo é un pouco mellor.

PETER PAN CUMPLE CEN ANOS

2011-09-26T23:22:00.000+02:00

Esta personaxe creada por James Barrie cobrou vida o 11 de outubro de 1911, cando se publicou a novela.

A pesares dos anos, Peter Pan sigue sendo un neno que non quere medrar, no País de Nunca Xamais, unha illa chea de fadas e piratas, co capitán Garfio á cabeza, na que convive cos nenos e nenas perdidos.

Na historia,Wendy Darling, unha nena de 12 anos, que vive nos arredores de Londres, acompaña a Peter Pan, xunto aos seus irmáns pequenos, Michael e John, ate o País de Nunca Xamais, para facer de nai dos meniños/as perdidos, provocando os ciumes de Campanilla, a fada que sempre acompaña a Peter.

James Barrie, para escribir o texto, inspirouse en Peter, o fillo mediano duns amigos seus, para construír un mito literario infantil en torno ao cal xurdiron múltiples historias sobre o neno que non quería medrar, aínda que o máis coñecido é a popular versión de debuxos animados estreada por Disney en 1953.

Por este motivo, a biblioteca do noso colexio vai celebrar este aniversario tan especial con actividades diversas.

BENVIDA AO CURSO 2011/2012

2011-09-12T10:18:00.000+02:00

Ola rapaces e rapazas, mestres e mestras, pais e nais e todos os amigos/as da lectura ¡¡¡
Damos comenzo a un novo curso cargado de moita ilusión e moitos proxectos.
Nesta andaina que imos recorrer, sen o profesor Manolo, gustaríanos seguir contando cos seus sempre sabios consellos e por suposto de todas aquelas persoas que queiran aportar os seus coñecementos a nosa gran biblioteca e o blog.
Un saúdo

Despedida

2011-06-28T00:37:00.046+02:00

Mos, 22 de xuño de 2011.

As despedidas sempre son tristes e melancólicas e esta, moi ao meu pesar, non va a ser distinta.

Por mor da miña xubilación, pode considerarse esta a última entrada que fago neste blogue como responsable da Biblioteca e a modo de despedida.

Hai xa cinco anos desde a posta en marcha da Biblioteca Escolar do noso colexio tal e como a entendemos hoxe.

O entón director Antonio Mandianes e máis eu, co apoio do claustro e do consello escolar, con motivo da 1ª convocatoria do Plan de Mellora das Bliotecas Escolares ( PLAMBE), presentamos un proxecto de biblioteca, que aínda que o primeiro ano non o conseguíu, ao segundo intento si o acadou.

Precisamente ese mesmo ano, o entón director, trasladouse de colexio e tomou posesión Jesús Calvo que tomou con moito interese o proxecto aprobado.

Con este propósito, e aproveitando que tiñamos que cambiar físicamente de lugar, decidimos cambiar e reformar o espazo da biblioteca, segundo o proxecto presentado. Ao ano seguinte, tivemos que volver a cambiar a situación por mor da construcción do novo ximnasio. En tres anos cambiamos dúas veces a biblioteca de lugar !!

O noso primeiro obxectivo foi converter a antigua biblioteca, que era unha especie de “almacén de libros”, onde os fondos estaban ordenados por ciclos e colores e o sistema de préstamos era por grupos de clase o que tiñamos ata esa data, nunha biblioteca que fose un lugar onde cada un vira satisfeita a súa necesidade de coñecemento, de encontro coa lectura, de descubrimento de todo o que o pensamento, a ciencia, a arte… poñen a nosa disposición en todo tipo de soportes.

A idea era, organizar a biblioteca é crear un novo espazo educativo lonxe das tarefas obrigadas e dos criterios dos libros de texto, para deixar que os intereses do alumnado, co consello dos profesores, poideran satisfacerse.

Para organizar a biblioteca houbo que traballar sobre dous aspectos fundamentais:

Un referido á parte técnica, que atende as tarefas como catalogar, poñer etiquetas, clasificar e organizar espazos. Neste sentido, foi de gran axuda o programa de xestión de biblioteca Proxecto Meiga.

E logo outro, referido á animación á lectura, traballo este dedicado a planificar e motivar as actividades lectoras.

Tardamos bastante tempo en informatizar a biblioteca, en catalogar ( tarefa sempre inacabable ), etiquetar, organizar lecturas por idades, clasificar segundo a CDU (Clasificación Decimal Universal)... unha tarefa feita con moita ilusión, moito empeño e a que lle dedicamos moito tempo. Pero pagou a pena, pois o control dos libros, CD’s, vídeos e outros fondos, únicamente se puede facer se están ben organizados.

Ben, hoxe toca pasar o testigo ao novo/a responsable da biblioteca que será nomeado/a no mes de setembro. As renovacións son sempre positivas porque supoñen a presenza de novos impulsos para seguir mellorando, e máis neste caso, que aporta simultáneamente novas ideas e continuidade nas medidas propostas no traballo pola comisión da biblioteca para o vindeiro curso.

Deixo o cargo satisfeito de ter contribuído a mellorar a nosa biblioteca no que puiden e quero pedirvos perdón en todo aquilo no que non soubera estar á altura que a biblioteca e a vosa formación esixía, pero agora sei o complicado que é ser responsable dunha biblioteca e o tempo que hai que dedicarlle.

O meu agradecemento aos compañeiros do equipo directivo do centro nas diferentes etapas, a todos as mestras e os mestres do colexio pola súa colaboración especialmente aos diferentes equipos da comisión da biblioteca, ao personal non docente pola súa axuda inestimable na elaboración e montaxe dos diferentes andeis, as nais e os pais que participaron na comisión da biblioteca, ao concello polas axudas para transporte á biblioteca municipal, a ANPA polas súas aportacións, ao alumnado que participou nos diferentes equipos de colaboradores e tamén aos críticos da miña labor, porque tamén axudan a intentar mellorar.

Por outro lado, gustariame que todo o profesorado se comprometese no futuro coa biblioteca para darlle continuidade ao proxecto que puxemos en marcha no curso 2006-07 coa súa integración no PLAMBE e que tanto traballo custou.

E xa por último, pedir que potenciedes a protección do noso ben patrimonial máis prezado: a nosa lingua. O noso alumnado non mellora no seu uso. É unha tarefa de todos e todas a súa potenciación. Desde a biblioteca sempre o intentamos, pero ás veces non sempre o conseguimos. Unha das cousas que máis me impactou nos últimos tempos foi escoitar a Belén Regueira, presentadora do programa da TVG “O pais dos ananos”, na entrega dos premios Mestre Mateo escoitar:…” unha gran parte dos nosos nenos e nenas entre 6 e 11 anos non saben falar galego porque non llo aprenden nin na casa nin na escola…”. Que non decaiga a nosa actitude ao respecto !!

A partir de agora, xa sen horario, voume a dedicar máis as miñas afeccións favoritas como a informática recreativa, a filatelia, aos paseos, a lectura, a “ver obras”…

E que dicir despois de ler a Revista Escolar do colexio. Xa me gostaría ser ese mestre do que falades !! Quero agradecervos a todos e todas as mostras de afecto de toda a comunidade educativa durante todo este tempo de estancia no colexio, que fixeron que fose un periodo marabilloso para min e que nunca esquecerei.

Un forte abrazo para todos e todas, en especial a todas e todos os que fostes asiduos á biblioteca.

Ata sempre !!

Manuel Alonso Santorum

Aquí vos deixo algúns momentos destes 5 anos de historia nuns poucos minutos da nosa biblioteca:

Antigua biblioteca, como comezou o cambio, funcionamento, visita de autores, ilustradores, contacontos, exposicións… en fin, un pouco de todo.

Nova Biblioteca - diapositivas

Revista Escolar

2011-06-27T01:10:00.010+02:00

Grazas ao esforzo do equipo de Dinamización da Lingua Galega, que fixo posible a súa realización, chegou un ano máis a Revista Escolar, como un agasallo de fín de curso, onde se recolle o realizado no Centro durante todo o ano escolar.

Revista CEIP Pena de Francia

CURTAS DE ANIMACIÓN

2011-06-23T19:15:00.049+02:00

A Secretaria Xeral de Política Lingüística acaba de enviar á biblioteca tres curtas de animación para Educación Infantil. Trátase dos contos Fiz, o coleccionista de medos, Os sete cabritos e A pota que trota. Cada un dos audiovisuais vai acompañado dunha proposta didáctica para o uso destes vídeos nas aulas.
Con eles, quérese ofrecer aos docentes ferramentas de apoio para traballaren na nosa lingua na etapa de infantil. Serán útiles tanto nas aulas que se desenvolven habitualmente en galego coma naquelas en que a lingua predominante do alumnado é o castelán, pois tamén nestas compre buscar espazos e tempos para o uso do idioma propio de Galicia, co fin de que os nenos e nenas alcancen ao final da etapa educativa o dominio lingüístico contemplado na lexislación.

Recomendacións verán 2011

2011-06-20T19:24:00.000+02:00

Feliz lectura !!!

Xa están aí as vacacións. Para que non perdades o hábito lector neste tempo, aquí tedes unha pequena selección de libros de lectura para o verán. Os lectores da nosa biblioteca recomendan como mellor lectura, polo que engancha aos lectores/as, a colección titulada “Gerónimo Stilton” , da editorial “Destino Infantil y Juvenil” e que consta ata esta data con 43 libros publicados, e que foi todo un éxito de lectura na nosa biblioteca.
Moitos títulos desta colección están dispoñibles na nosa biblioteca. Estos libros son moi fáciles de ler, e entreteñen aos nenos/as, e que ademais dispón dun club:http://www.clubgeronimostilton.es/index.php e unha web http://www.geronimostilton.com/ de apoio á lectura con máis actividades e xogos para animar a seguir lendo.
Outras series que tiveron moito éxito foron Sito Kesito, Pablo Diablo e o Capitán Calzoncillos da colección O Barco de Vapor da editorial SM.
Este ano tamén Bat Pat tivo moito éxito entre os nosos lectores.
Pero temos máis recomendacións para que podades elexir, as hai para todos os gustos.
Que teñades unhas lecturas moi refrescantes !!!.
As nosas recomendacións.

Se queredes ver aínda máis títulos, visitade estas ligazóns con máis recomendacións:

Bibliotecas Escolares de Galicia
http://www.edu.xunta.es/biblioteca/blog/?q=node/322
Club kiriko
http://www.clubkirico.com/
Servicio de Orientación de lectura
http://www.sol-e.com/
Biblioteca de literatura infantil y juvenil
http://www.filix.org/home.html

E xa para rematar non deixedes de visitar a biblioteca municipal de Mos.
A biblioteca é un lugar máxico para moitos nenos e nenas, chea de excelentes libros, programas divertidos e moitos medios para informarse e aprender. Entérate sobre os programas que ofrece a nosa biblioteca municipal, tanto para nenos e nenas coma para pais e nais, e disfruta dela.
Feliz verán para todos e todas !!!

A comisión da biblioteca

Uxía no colexio

2011-06-06T23:25:00.005+02:00

O mércores día 1 de xuño tivemos a sorte de disfrutar da música e das cancións de Uxía, acompañada do músico Brasileiro Sergio Tannus. Embelesounos coa súa voz e fíxonos viaxar coas melodias e letras das súas cantigas. Xuntos cantamos vai tu, vai tu, vai ela... e tamén a canción da Alegría ca que nos obsequiou Sergio.

Ante a insistencia dun público tan entregado tivo que deleitarnos cun amplo repertorio.

A experiencia foi fantástica. Grazas aos dous por compartir connosco este momento tan máxico!

Convivencia con valores. A alegría.

2011-06-03T10:02:00.001+02:00

Mural sobre a alegría

Desde o Departamento de Orientación, para rematar esta serie de valores que nos viñeron promovendo ao longo do curso, nos propoñen neste mes de xuño, para mellorar a convivencia, o valor da alegría.

A alegría é a virtude de vivir e obrar ben. O gozo que conduce ao perfeccionamento, máis alá das falsas alegrías que producen o bienestar material, o pracer efímero ou o optimismo iluso.

O importante é vivir alegre a pesar das duras probas da vida. Na san alegría, non existen intereses privados nin particulares. A verdadeira alegría parte da xustiza verdadeira; o contrario é alegría finxida.

A alegría está relacionada coa felicidade e o sentido da vida, non é posible se non se comparte cos demais. Para gozar da alegría, hai que primeiro sabela cultivar

En resume, a felicidade radica en vivir ben e en obrar ben,

Para rematar, aquí tedes algunhas citas, proverbios e refráns sobre a alegría

Citas:

Ippolito Nievo (1831-1861) Escritor italiano.

Se tedes o hábito de tomar as cousas con alegría, rara vez os encontraredes en circunstancias difíciles.

Benjamin Franklin (1706-1790) Estadista e científico estado-unidense.

Todo lles sae ben ás persoas de cáracter doce e alegre.

Ippolito Nievo (1831-1861) Escritor italiano.

Si tenéis el hábito de tomar las cosas con alegría, rara vez os atoparedes en circunstancias difíciles.

Albert Einstein (1879-1955) Científico alemán.

A alegría de ver e entender é o máis perfecto don da natureza.

Refráns:

Quen non buscou amigos na alegría, na desgracia non os pida.

Deixa a cama ao ser de día e vivirás con alegría.

A alegría en alma san se cría.

A alegría é un tesouro que vale máis ca o ouro.

A cara máis fea, a alegría a fermosea.

Se vives alegre, rico eres.

Proverbios:

A metade da alegría reside en falar dela. ( proverbio persa)

A alegría é o remedio universal de todo mal. (proverbio italiano)

Quen rí e canta o seu mal espanta. (proverbio italiano)

A alegría intensa é cousa seria. (proverbio indio)

“Ingrediente importante no menú de cada día é a alegría”.

Fontes:

Mi cumbre.

Proverbia.

Proxecto educativo: Aprendizaxe cooperativa

2011-06-02T13:27:00.003+02:00

Neste curso escolar un grupo de mestras deste colexio formamos un grupo de traballo para aprender sobre como ensinar ca Aprendizaxe Cooperativa.

Todas as compoñentes eramos conscientes da necesidade de desvincularse de tanta ensinanza individualizada e empezar cunha metodoloxía cooperativa, que ademais facilitara a aprendizaxe de toda diversidade de alumnado que temos nas aulas. Todos eles necesitaban aumentar o seu rendimento escolar, afianzar os vínculos cos seus compañeiros/as de aula e mellorar en seguridade e autoestima persoal.

Esta experiencia de Aprendizaxe Cooperativa permite ao alumnado traballar xuntos na consecución das tarefas, para axudar a aqueles que teñen máis dificultades para que cando o necesiten saiban pedir axuda, para optimizar ou maximizar a súa propia aprendizaxe e a dos outros membros do grupo.

Como todo traballo “en equipo”, necesita unha organización, ademais de ser un traballo impregnado de valores como son a axuda ós demais, a aportación individual de cada compoñente ao equipo, a responsabilidade de formar parte dun equipo e a corresponsabilidade nas tarefas e resultados das mesmas, isto poidemos contrastar que acontecía co alumnado pero tamén co profesorado do grupo de traballo, xa que a “cooperación e posta en común dos resultados da implementación nas diferentes aulas” se viu facilitada.

O resultado é que a formación neste eido facilitounos a reflexión individual e conxunta, para poder ter unha atención educativa máis eficaz co alumnado que atendemos e que por suposto reflicteu na calidade educativa.

O remate deste curso e despois das implementacións realizadas, da información recibida e asimilada podemos decir que toda esta formación emerxerá nunha mellor desenvolvemento da nosa actividade como docentes.

A coordinadora (mestra de P.T)

A insoportable levedade das bibes galegas.

2011-06-01T08:47:00.001+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

Uxía Senlle, a voz do Atlántico

2011-05-29T20:30:00.007+02:00

O vindeiro mércores día 1 de xuño, temos unha actuación moi especial no colexio. Nada menos que Uxía Senlle.

Uxía escribe e interpreta a música desde o máis fondo do ser, da alma. Lévao facendo desde hai moito tempo. É unha das voces máis importantes e populares da nosa língua.

“A emoción e a experimentación musical son dúas constantes na miña vida. O contacto e aprendizaxe doutras culturas marcan toda a miña traxectoria de máis de vinte anos. Galiza e a súa inmensa riqueza artística, as súas voces femininas e a nosa poesía acompáñanme no meu traballo desde a raíz. Esta tradición medra fluíndo con territorios portugueses, brasileiros e africanos, o que deriva nun son plural, íntimo, cálido e fresco no que me recoñezo.

Mirar ao Atlántico é un horizonte que me fala para eu expresarme máis alto e máis claro. Ese mar que nos une transvasa músicas de ida e volta nun eterno navegar de sentimentos. Ofrezo así a miña voz como instrumento que non minte, e desembarco en portos de esperanza, amor e desamor, compromiso, tenrura e alegría, nunha síntese da miña inquedanza vital”. Uxía

Tamén teremos a ocasión de cantar unha canción con ela.

Teatro para o 1º Ciclo

2011-05-20T12:39:00.002+02:00

O pasado xoves dia 19 de maio, tivemos na escola unha grata visita: o alumnado de 2º e 3º do CEIP de Petelos, representou para nós en exclusiva, as obras "Que sorpresa !" e "Ratiña Linda de Compostela", que fixeron a ledicia dos nenos e as nenas do 1º Ciclo e que foron largamente aplaudidos.

Bravo por eses actores e actrices que tan ben fixeron o seu papel !!

Letras Galegas 2011

2011-05-15T00:23:00.012+02:00

Letras Galegas 2011. Lois Pereiro

Despois dunha intensa semana chea de actividades relacionadas coa nosa lingua, o pasado venres 13 día de maio, tivemos o acto principal da celebración do Día das Letras Galegas na sala de usos múltiples do centro.
Como vén sendo habitual, dous alumnos presentaron unha biografía de Lois Pereiro, o autor homenaxeado este ano, con apoio dun vídeo.
A continuación houbo unha lectura de textos do autor e actuacións musicais ao que se lle adica este ano o Día das Letras Galegas, por parte do alumnado, con actuacións sobresalientes.
Finalmente, se lle fixo entrega dos premios aos gañadores dos difentes certames convocados por mor das Letras Galegas. Estos premios foron entregados polo profesor responsable da biblioteca Manuel Alonso Santorum, como despedida pola súa xubilación ao final deste curso.

O nosos parabéns a todos os gañadores e gañadoras.

Moitas grazas en nome de todos.

Letras Galegas 2011 - presentacion imagenes

Encontros "Plan de Mellora de Bibliotecas Escolares 2010/2011"

2011-05-05T00:49:00.000+02:00

Cartel anunciador das xornadas

Os pasados dias 7 e 8 de abril reuníuse en Santiago de Compostela o profesorado responsable das bibliotecas integradas actualmente no Plan de mellora de bibliotecas escolares, un programa da Consellería de Educación e Ordenación Universitaria, iniciado en 2005, e que inclúe neste curso un total de 374 centros públicos de distintos niveis educativos. Nesta ocasión, estivemos representados pola profesora Isabel Domínguez, compoñente do equipo da nosa biblioteca.

Foi unha ocasión para profundizar no modelo da biblioteca escolar que se está a estender, como centro de recursos de lectura, información e aprendizaxe. Fíxose especial fincapé nos instrumentos que Internet pon a disposición das bibliotecas para o exercicio das súas funcións e facilitar a formación da competencia informacional do alumnado, e falouse de lectura e de poesía: cine e banda deseñanda centraron as experiencias dos centros, que se presentaron en mesas simultáneas. Tamén foi unha oportunidade para o encontro entre os membros dun colectivo que están a facer realidade as pequenas utopías que son todas e cada unha das bibliotecas escolares galegas.

Velaquí un vídeo resume destes encontros.

Fonte: Bibliotecas Escolares de Galicia

Exposición. Salvar libros

2011-05-03T13:21:00.013+02:00

Colaxe da exposición

A exposición cos libros que salvariamos da queima foi todo un éxito. Podemos estar tranquilos porque logramos salvar unha morea deles grazas a vosa colaboración.

Hainos de todos os tipos e, nin os bombeiros, xa sabedes aqueles que tolearan, poideron facer nada !!!.

Os equipos de “salvadores de libros”, traballaron arreo para que no futuro haxa moitos libros para todos e todas.

Uns salvástelos polo seu autor, outros polo seu título, tamén polos seus debuxos...

Moitas grazas polo voso traballo.

A Comisión da Biblioteca.

Convivencia con valores. A constancia

2011-05-02T18:05:00.001+02:00

Mural sobre a constancia no primeiro andar

Desde o Departamento de Orientación nos propoñen neste mes de maio, para mellorar a convivencia, o valor da constancia.

Como todos sabemos, as persoas que triunfan, xeralmente aprenderon a desenvolver unha gran capacidade de esforzo e constancia á hora de levalo a cabo.

Debemos ensinar ao noso alumnado a desenvolver unha gran capacidade de esforzo e para eso é necesaria a constancia que lles permita trazar un plan de adestramento que non deben de abandonar en ningún caso para acadar os obxectivos que se propoñan.

Os inimigos da constancia son actitudes como:

-“Mañá comezo”. Por que mañá ? Por que non hoxe mesmo ? Retrasar a realización de teus soños parece una perda de tempo.
-“Primeiro teño que facer outras cousas”. Está ben, pode ser, pero podes comezar hoxe a percorrer o camiño.
-“Hoxe non me sinto inspirado”. Entón cando ? As musas son caprichosas: ás veces non veñen se un non as chama.
-“Esperarei ata que se den as condicións que necesito”. E que ocurre se nunca se dan ? Non esperes a que o destino te poña no punto preciso; mellor crea ti mesmo as condicións; fai que as cousas sucedan.
-”É só un soño: nunca poderei realizalo”. Estaste derrotando de antemán. Este é un pensamento tóxico que frea o teu progreso e que merma a túa seguridade .
-“Estou desanimado”. A constancia non é cousa de ánimo, é cuestión de perseverancia

Visualiza a túa meta, fai un plan e diríxete a ela sen permitir que nada ni ninguén te deteña. Porque as grandes realizacións comezan cando alguén ten un soño que se propón convertir en realidade.

" Queda pouco para rematar, e se o éxito quero acadar, con ánimo debo traballar".

Fontes:

En clave de niños.

Conocimientos web

Os contos da Editorial OQO na tvG2

2011-04-30T14:06:00.000+02:00

A editorial OQO vén de anunciarnos que a canle tvG2 comezará emitir en maio, dúas series infantís de animación audiovisual feitas en Galicia e en galego por OQO filmes, sección audiovisual da editorial: Caracois e Os contos do Camiño.

A partires do día 2, os máis pequenos e pequenas, entre e 4 anos de idade, gozarán coas aventuras duns animaliños de xardín en Caracois, en horario de 7.30 8.00 de luns a venres.

Tamén con esta periodicidade semanal comezará a súa emisión o día 16 Os contos do Camiño. Deste xeito, os nenos e nenas de 3 a 7 anos poderán recoñecer novas versións de relatos que marcaron a evolución de distintas culturas. O seu horario neste caso será de 17 a 17.30 horas de luns a venres

Os rapaces terán a oportunidade de volver gozar das historias de contos tan coñecidos para os cativos como A bruxa regañadentes, Corre corre, cabaciña, Chocolata, Ollobrusco, Rato Tom e Rata Tomasa, A incríbel historia da nenapaxaro e o galopín...´, e dos que, a maioría deles, dispoñemos na nosa biblioteca.

Mais, desta vez, os personaxes cobrarán vida en formato audiovisual e as súas aventuras ―tantas veces lidas e relidas por milleiros de cativos grazas ao fondo das vosas bibliotecas― poderán seguilas na canle tvG2.

Nas dúas series, OQO filmes ―sección audiovisual de OQO editora― adaptou os álbums ilustrados da editorial ao formato audiovisual, a través da técnica de animación en stop-motion. E, ao igual que cos libros, a filosofía de ambas remite a unha aposta por un entretemento para os cativos de calidade e en galego: boas historias que merecen ser contadas, sexa en libro ou en filmes.

Para máis información: OQO, CRTVG.

Os maios 2011

2011-04-29T19:26:00.000+02:00

Cada primeiro de maio a vexetación sae á rúa en forma de "maio", unha construción de diferentes formas feita con elementos vexetais en función da zona na que se elabora e que pode ser enxebre ( con forma de cono) e artístico (cruceiros, carros...).

Os "maios" xestáronse para invocar o crecemento das plantas cultivadas e para protexelas de posibles ameazas naturais, coma os ratos, toupas... ou os sobrenaturais, as sempre temidas meigas que cos seus poderes poden botar un "mal de ollo" á colleita.
Aínda que os maios comezaron sendo festas propiamente vexetais feitas con pequenas construccións, co paso dos anos foron incorporando bailes e coplas con carácter satírico, completando o sentido popular da festa.
Aqui tedes o folleto deste ano do Equipo de Dinamización da Lingua Galega. Lembrade que o luns día 2 ímos a facer entre todos o noso propia maio.

Para máis información sobre a festa dos maios visitade:
Redondela.
Pontevedra.
Ourense.

Día Mundial do Libro e dos Dereitos de Autor

2011-04-22T22:15:00.001+02:00

O lugar da lectura. Carlos Negro

Cartel Oficial

O Día Internacional do Libro e do Dereitos de Autor é unha conmeración aos libros e aos derieitos de autor, promulgado pola UNESCO e que pretende fomentar a lectura, a industria editorial e a protección da intelectual por medio dos dereitos de autor.

A elección do dia 23 de abril procede da coincidencia do falecemento dos escritores Miguel de Cervantes, William Shakespeare e o Inca Gracilazo de la Vega.

Se queredes ler a mensaxe, que con este motivo escribiu a Directora Xeral da UNESCO, Irina Bokova, preme aquí. Non a deixedes de ler, paga a pena.

As Bibliotecas Escolares non poden pararse, neste mes de abril aínda que sexa período vacacional, este día non debe pasar desapercibido. O Día Mundial do Libro e dos Dereitos de Autor, é un día para reivindicar eses "lugares para a lectura" que construímos entre os lectores e os libros (calquera que sexa a forma que estes libros acaben tomando).

O poeta Carlos Negro agasallou ás Bibliotecas Escolares Galegas cun fermoso texto,"O lugar da lectura", e a Consellería de Educación editou con el un marcapáxinas para celebrar este 23 de abril de 2011. Agradecemos a Carlos Negro as fermosas imaxes do seu texto, aproveitamos para poñer a bufanda colorada e saímos pasear pola fenda do espello.

MARCAPÁXINAS (dobrar en sentido lonxitudinal)

Fontes e máis información:

UNESCO.

Bibliotecas Escolares de Galicia.

2011-04-16T10:34:00.001+02:00

Arde o Pazo

2011-04-16T10:33:00.001+02:00

Cartel anunciador deste ano.

Hoxe, 16 de abril, celébrase a III edición da festa Arde o Pazo, organizada polo Círculo Cultural e Deportivo Santa Eulalia e a Asociación Xuvenil Mos-Keo Colectivo, na que se trata de conmemorar e recrear os sucesos históricos que tiveron lugar no concello de Mos entre marzo e abril de 1809. Esta celebración pretende divulgar esta parte da historia relacionada coa presenza do exército de Napoleón no Val da Louriña, os acontecementos e os personaxes máis destacados.

Programa de actos:

10:00 H. Apertura do mercadiño. Obradoiros de oficios artesáns tradicionais. Actuación do grupo folclórico A Nosa Terra de Pereiras

11:00 H. Cantares de cego durante toda a mañá a cargo de Luís “O Caruncho”

12:00 H. O exército de Napoleón chega a Mos

Representación dos acontecementos do 13 de abril de 1809. Irrupción dos soldados no mercado

Apresamento dos Marqueses

13:00 H. Proclama do Padre Giráldez. Chamamento á sublevación do pobo contra o invasor

13:30 H. Emboscada ao exército francés

14:30 H. Xantar popular

16:30 H. Regueifas: A cargo do trío de regueifas: Luís “O Caruncho”, Benito Lobariñas e Josiño Teixeira

18:00 H. Recoñecemento aos heroes da guerra no Val da Louriña

18:30 H. Aforcamento dos prisioneiros franceses

19:00 H. Actuación do Grupo folclórico Xógara de Sanguiñeda

20:30 H. Retorno dos franceses. Queima do Pazo

22:00 H. Concertos : O Son do Castelo. QUEMPALLOU.

Guía non discriminatoria

2011-04-15T22:41:00.008+02:00

Vimos de recibir da Secretaría Xeral da Igualdade, dous exemplares da Guía de literatura infantil e xuvenil non discriminatoria II, co obxectivo de achegar aos alumnos e alumnas, as obras máis significativas da literatura infantil e xuvenil en galego nas que se recolle máis claramente o valor da igualdade.

A guía foi elaborada pola Asociación Galega do Libro Infantil e Xuvenil de Galicia (GALIX)

As obras veñen presentadas por tramos de idades: 0-5 anos, 6-10, 11-14 e máis de 15.

Cada volume vai acompañado da súa ficha básica ( título, autor, ilustrador…, o argumento para comprobar se o texto interesa ou non e finalmente, unhas propostas de traballo concretas que tentan fomentar á reflexión sobre os roles do xénero, as clases sociais, etc.

Quedan a disposición do profesorado na Biblioteca, como un recurso para potenciar o desenvolvemento libre e integral do noso alumnado.

Canta música !

2011-04-07T21:28:00.002+02:00

Cartel anunciador

Chega ao noso concello baixo o nome de “Canta música!”, a campaña de dinamización lingüística Bocaberta, con xogos e aplicacións como ferramentas de promoción da nosa lingua.

Este obradoiro de canto e xogos ten como finalidade a aprendizaxe de cancións infantís, xogos relacionados con estas cancións e coa fala (como adiviñas, trabalinguas ou rimas), así como algunha melodía cantada acompañada dos ritmos básicos da nosa cultura musical, para o que empregarán pandeiretas, cunchas, castañolas e outras percusións menores.

Os obradoiros serán impartidos por Pablo Díaz e Olga Kirk, dúas persoas cunha prolongada traxectoria no eido da música tradicional galega e no seu ensino.
Aquí tedes toda a información:

Para nenos e nenas de 5 a 7 anos.

Día: 18 de abril de 2011.

Lugar: Multiusos das Pozas.

Inscrición: Do 8 ao 15 de abril no Multiusos.

Prazas limitadas

Para máis información: 986 33 94 04.

Convivencia con valores. Coidemos a natureza

2011-04-06T18:56:00.001+02:00

Mural sobre o coidado da natureza

Desde o Departamento de Orientación nos propoñen neste mes de abril, para mellorar a convivencia, o coidado da natureza e o medio ambiente.

O entorno físico, a natureza en xeral, deben ser preservados como valores humanos en sí mesmos, entendido esto como que de nada serviría conservar tales recursos se eles non están ao servizo das persoas, para mellorar a súa calidade de vida e para que os humanos poidan realizarse como tales.

E que podemos facer nós ?

Aquí tedes un decálogo medioambiental que, se o levaramos a cabo todos, axudaría moito

Consumir só as cousas que se necesitan. Non malgastar nin usar máis da conta.
Reutilizar todo o que poda evitar consumos innecesarios e así reducir o lixo.
Reciclar sempre na casa e alí onde me atope, e convencer a miña familia e amigos para que tamén o fagan.
Coidar o meu entorno: non tirar as cousas ao chan, usar as papeleiras e contenedores.
No malgastar a enerxía: apagar as luces cando non as use, poñer a calefacción só cando sexa necesario e a unha temperatura moderada. A enerxía é escasa e cara.
Aforrar auga sempre que sexa posible. Elixir sempre ducharse en lugar de bañarse.
Ir camiñando, en bici ou transporte colectivo sempre que se poda.
Evitar o uso de produtos tóxicos e aerosois e sustituílos por outros máis respectuosos co medio ambiente.
Coidar, respectar e protexer a natureza, as súas plantas e os seus animais.
Escoller sempre a educación, a solidaridade, o respecto e o civismo. Eso axudarache a querer aos demais, á natureza e a ti mesmo.

Para rematar, coidemos o noso planeta para un futuro mellor, porque senón o facemos, mira neste video que vén a continuación, xa veredes se paga a pena coidalo ou non.

Fonte de información e para saber máis:bioparc

Teatro: "A pedra e as formigas"

2011-04-04T18:22:00.000+02:00

Co motivo do Día Internacional do Libro Infantil ( 2 de abril ), o alumnado do 1º Ciclo de Educación Primaria, disfrutou hoxe da fermosa obra de teatro “A pedra e as formigas”, adaptación do libro do mesmo título do autor e ilustrador Jacobo Fernández Serrano, de Edicións Xerais de Galicia, que é unha divertida fábula de animais sobre a amizade, onde as cancións e adiviñas teñen un papel destacado para desvelar a intriga que se lle propón aos lectores, e que lles fixo pasar un momento divertido na compañía das formigas Dorotea e Indalecio.

Se queredes facer algunhas actividades relacionadas con esta obra, aquí tedes un LIM (libro de actividades) de Alfonso Marcos Fandiño do CEIP Espiñeira-Aldán.

LIM “A pedra e as formigas”.
E para rematar, varios momentos da representación.

Dia Internacional do Libro Infantil

2011-04-01T18:41:00.000+02:00

Cartel de Jüri Mildeberg

O sábado, día 2 de abril, como cada ano desde 1967, o IBBY (International Board on Books for Young People) celebra o Día Internacional do Libro Infantil, un día que, ademais de servir para facer chegar o amor polos libros aos máis pequenos, se conmemora o nacemento do popular escritor dinamarqués Hans Christian Andersen.
Cada ano, un país membro desta organización é o encargado de crear o cartel anunciador e de invitar a un autor importante para escribir unha mensaxe dirixida a todos os nenos e nenas do mundo.

Este ano correspóndelle a Estonia, que enviou o cartel de Jüri Mildeberg e a mensaxe de Aino Pervik.
Se queres localizar o fondo que temos na nosa biblioteca sobre Andersen preme aquí. Ademais, o xornal EL PAÍS presentou, unha colección dos contos de Hans Christian Andersen. Recollida en 8 entregas en formato DVD, é un percorrido polos contos de sempre escritos por Andersen e que foron adaptados ao formato de debuxo animado para os máis pequenos. Dispoñemos de todos eles na biblioteca.

Se queres saber máis sobre a vida e obra deste personaxe preme aquí.

O mar do fin do mundo. O Dia Mundial da Auga

2011-03-18T22:04:00.002+01:00

Por un lado, vimos de recibir da Secretaría Xeral de Política Lingüística o documental "O mar do fin do mundo. O reino dos cefalópodos", como apoio aos docentes no seu labor diario en galego.

Posta de ovos dun choco

A costa de Galicia foi considerada durante séculos a finisterrae do mundo coñecido, cun mar axitado e misterioso, baixo cuxa superficie, ademais de historias e lendas, se atopa unha das máis ricas biodiversidades de todas as augas do noso planeta. Un mar cheo de vida. Esta extraordinaria abundancia débese ao afloramento oceánico, que lles achega nutrientes minerais as capas de auga superficiais. Aquí teñen o seu reino os cefalópodos, criaturas cunha inteligencia moi desenvolvida e capacidade de aprendizaxe moi notable. A súa gran versatilidade permítelles modificar o aspecto da súa pel para imitar a cor e o relevo do fondo e lograr unha camuflaxe perfecta para pasar inadvertidos e para cazar. Un capítulo moi interesante deste doumental son os comportamentos e pautas de reprodución, moi pouco coñecidos dos cefalópodos.

Nada menos que catro anos empregaron José Irisarri, Manuel E. Garci e Roger Hanlon en percorrer as aguas das rías galegas para levar a cabo este proxecto. Por primeira vez, conseguiron filmar distintas fases da reprodución de cefalópodos como o polbo ou o choco en liberdade.

Outros datos novos son as imaxes dun linguado sobre unha alga, as pautas de comportamento do peixe sapo a profundidades de 40 metros nas que nunca fora visto antes, ou a introdución de especies exóticas ou subtropicais pola subida, en case un grao, da temperatura do mar durante a última década.

En fin, un documental que non hai que deixar de ver e que, quedará a disposición do profesorado na biblioteca para a súa posible utilización.

Por outra banda, a Confederación Hidrográfica do Miño-Sil, remítenos 10 exemplares do libro “Os Bolechas queren saber…como aforrar auga” de Pepe Carreiro, coincidindo co Día Mundial da Auga.

Como aforrar auga. Pepe Carreiro

Con esta publicación, este organismo quere contribuir a que o alumnado tome conciencia da importancia que ten a utilización prudente e racional deste recurso vital para a supervivencia do ser humano e de todo o planeta, porque a auga é vida.

A través destes coñecidos personaxes de ficción da nosa literatura infantil, quérennos trasladar consellos prácticos para fomentar o aforro de auga, confiando na colaboración do profesorado nese gran reto que é a xestión responsable da auga, onde o comportamento cidadán constitúe a pedra angular.

Estes exemplares estarán á disposición do profesorado na nosa biblioteca

A Comisión da Biblioteca dálles as grazas por estas achegas ao noso fondo.

Exposición "Inventamos"

2011-03-06T21:43:00.004+01:00

Cartel anunciador da exposición.

O pasado xoves dia 3, no corredor de Educación Infantil, quedou aberta ao público a Exposición Tecnolóxica Interactiva “Inventamos”. Unha exposición realizada polo profesorado e alumnado de Educación Infantil sobre os inventos do tren, o coche, a radio, o teléfono, a cámara fotográfica e o reloxo. Esta exposición aborda o estudo destes inventos dun modo científico e lúdico. Os traballos foron realizados con material usado e de reciclaxe.

Magnífico traballo do profesorado de Educación Infantil e do seu alumnado. Parabéns desde a Biblioteca. Se podedes, non a deixedes de visitar. Paga a pena.

Aquí tedes algunhas fotos ilustrativas deste proxecto.

Entroido 2011

2011-03-05T17:59:00.000+01:00

Este ano foi declarado o Ano Internacional dos Bosques e no noso colexio quixemos sumarnos a esta celebración adicándolle o entroido deste ano.

Houbo disfraces de todos os tipos, sempre relacionados co bosque: árbores, leñadores, paxaros… e ata personaxes relacionados co mesmo.

Pero, para que teñades unha idea mellor do que foi, aquí tedes unha compilación de fotos desta celebración, celebrada o pasado venres día 4 de marzo.

Entroido 2011 - presentacion imagenes

Convivencia con valores. A cooperación

2011-03-04T11:42:00.022+01:00

Cartel sobre a cooperación

Desde o Departamento de Orientación nos propoñen neste mes de marzo, para mellorar a convivencia, o valor da cooperación.

A cooperación consiste no traballo en común levado a cabo por parte dun grupo de persoas cara a un obxectivo compartido, xeralmente usando métodos tamén comúns, en lugar de traballar de forma separada en competición.

A formación deste valor é esencial na educación, posto que se trata de que os homes e as mulleres, os nenos e as nenas, aprendan a obrar xuntamente cos outros cun mesmo fin.

Para sentar a base da aprendizaje deste valor nos nenos e nas nenas, é necesario ensinalos a facer moitas e variadas accións, como socorrer a outro, saber coordinar accións para realizar un traballo conxunto, prestar axuda a outros para realizar un fin común, sentir alegría colectiva polo logro dun resultado, defender aos compañeiros e compañeiras e axudarlos cando se atopen en dificultades…

A cooperación e axuda mutua debe ensinarse desde as primeiras idades, porque o neno e a nena, polo seu propio egocentrismo tende a querelo todo para sí e non compartirlo con ninguén, pero cando comeza a realizar accións a favor dos demais, o seu egocentrismo inicial cede o paso á conducta gregaria e cooperadora.

O reforzamento polo adulto dos comportamentos favorables a unha relación de axuda entre os nenos e nenas, é un dos elementos principais na aparición de emocións que acompañan os encontros cooperadores, e o pequeno, por acadar a aprobación do adulto, vai pouco a pouco manifestando cada vez máis aqueles comportamentos que se lles reforzan como positivos nas súas relacións cos demais, como é a axuda mutua.

O modelo proporcionado polo adulto é outro elemento moi importante, porque o neno e a nena tenderá a imitar o que lle ve facer aos maiores, así que na medida en que estos favorezan a cooperación e a axuda aos demais, o neno e a nena tenderá a imitar esas conductas nun inicio, e logo desenvolvelas por si mesmo.

De todas formas, o traballo cotiá do educador para formar este valor nos nenos e nenas non é doado, e require de moita paciencia e comprensión, e un gran coñecemento das particularidades dos nenos e nenas desta idade.

Cando o adulto reforza os comportamentos de axuda entre os nenos e nenas, lles anima a que os repita e os adopten como parte do seu comportamento habitual.

Fontes de información:

http://gl.wikipedia.org/wiki/Cooperaci%C3%B3n
http://www.waece.org/index.php

Horta escolar

2011-03-03T19:17:00.001+01:00

O director do centro, nos achega este escrito para que lle demos publicidade a través do noso blogue, sobre un novo proxecto.

""Nestes primeiros días de marzo, estamos a traballar na posta en marcha dun proxecto moi querido, que debido a diversas circunstancias, foise aprazando unha e outra vez. Imos preparar, no recuncho que hai detrás do ximnasio, cara as aulas de infantil, un rincón moi especial: A nosa horta escolar.

Será un recurso educativo máis, unha parcela onde poderemos cultivar chícharos, leitugas ou tomates, con árbores froiteiras e un galiñeiro. Naturalmente, prevalecerán os criterios pedagóxicos sobre os agrícolas e gandeiros.

O traballo pode comezar na clase coa elaboración de calendarios, gráficas climáticas, facendo sementeiros... e rematar elaborando marmeladas, conservas, ou creando un mercado. O que dea de sí dependerá de todos nós.

Futura horta escolar do CEIP "Pena de Francia"

A parcela vai contar con nove bancais para plantación de hortalizas, nove árbores froiteiras: maceira, pereira, naxi, figueira, pexegueiro, nectarina, marmeleiro, e dúas ameixeiras. Cada unha destas árbores será coidada por cada un dos niveis do Centro. Terá tamén unha caseta para gardar as ferramentas, unha billa de rego, unha composteira e un galiñeiro para dúas ou catro galiñas que proporcionarán ovos e adubo para a horta.

Para comezar, cada nivel educativo vai ter un caderno-álbum onde irá reflectindo aquilo que lle pareza interesante sobre a árbore que se lle asigne: a foto da súa plantación coa data, as primeiras flores, as primeiras follas e froitos... Ese caderno pasará no curso seguinte ao nivel correspondente.

Na horta imos plantar ou sementar diversas hortalizas, se algún curso ten un especial interese, algunha idea a levar a cabo, que o comunique. Este curso imos improvisar un pouco.

O galiñeiro non ten máis que coidalo, proporcionando alimento e auga as galiñas, para o que se admiten colaboradores/as voluntarios/as.

A partir de aquí, quedo á vosa disposición para recibir suxestións e mesmo colaboración"..

Mos, 3 de marzo de 2011

O director

A Comisión da Biblioteca Escolar, aproveitando que estamos a celebrar o Ano Internacional dos Bosques, súmase a esta gran iniciativa cos medios dos que dispón. Para comezar, nos números 50, 504 e 58 da nosa CDU, temos unha morea de libros de consulta sobre estes temas e que vos poden axudar moito. Se premes aquí verás algúns deles.

Visita do escritor Ricardo Alcántara.

2011-02-26T14:36:00.004+01:00

Ricardo Alcántara

Libros do autor

O pasado 22 de febreiro, viu ao noso colexio o escritor uruguaio Ricardo Alcántara, autor dos libros que, desde a biblioteca, se recomendaran para as vacacións de Nadal.

Fixeronse varias sesións nas que o autor foi dando conta destes libros e anécdotas relacionadas con eles.

Ao remate das sesións e logo de responder a preguntas dos nenos e nenas, dedicou e asinou nos libros que mercaran.

Finalmente, o director do centro, lle deu un agasallo como lembranza da súa visita ao noso colexio e que el agradeceu.

Ao alumnado de Educación Infantil lles falou sobre os libros Tento e mailo mar, Tento y el miedo e Tomás y la goma mágica.

Ao alumnado do 1º Ciclo de Ed. Primaria sobre os libros recomendados: Tomé e o lapis máxico e ¿Quién ayuda en casa?.

Ao alumnado do 2ºCiclo de Ed. Primaria sobre ¿Quién recoge la caca del perro?

O libro que se comentou cos alumnos e alumnas do 3º ciclo foi ¿Quién quiere a los viejos?.
Os colaboradores da biblioteca de 5º lle fixeron unha entrevista. Se a queredes ver, está no seu blogue.

Na biblioteca hai bastantes títulos de Ricardo Alcántara. Preme aqui. para ver algúns deles. Hai máis pero aínda están se catalogar.
Por último, os deixamos con varios momentos desta visita.

2011 ANO INTERNACIONAL DOS BOSQUES

2011-02-24T11:38:00.001+01:00

Rosalía de Castro ( 1837-1885 )

Tal día coma hoxe, 24 de febreiro, pero do ano 1837 naceu unha das escritoras galegas máis importantes de tódolos tempos e tamén unha precursora na defensa dos bosques e montes galegos, Rosalía de Castro, como asi o podemos comprobar nunha obra publicada en castelán titulada “En las orillas del Sar” (1884),disfrutade desta pequena mostra que aquí os deixamos:

Bajo el hacha implacable, ¡cuán presto
en tierra cayeron
encinas y robles!;
y a los rayos del alba risueña,
¡qué calva aparece
la cima del monte!

Los que ayer fueron bosques y selvas
de agreste espesura,
donde envueltas en dulce misterio
al rayar el día
flotaban las brumas,
y brotaba la fuente serena
entre flores y musgos oculta,
hoy son áridas lomas que ostentan
deformes y negras
sus hondas cisuras.

Ya no entonan en ellas los pájaros
sus canciones de amor, ni se juntan
cuando mayo alborea en la fronda
que quedó de sus robles desnuda.
Sólo el viento al pasar trae el eco
del cuervo que grazna,
del lobo que aúlla.

Rosalía de Castro

Comisión da Biblioteca Escolar

Exposición "Colección Zanchi. Grandes mestres"

2011-02-23T21:19:00.000+01:00

Descendimento da Cruz. Rubens (1577-1640)

Ata o próximo 20 de marzo pode visitarse na Sala de Exposicións do Centro Cultural Novacaixagalicia de Vigo, a que é, sen dúbida, unha das ofertas plásticas máis importantes dos últimos anos na veciña cidade de Vigo: "Colección Zanchi. Grandes mestres”, con 27 artistas de primeira orde.

Nesta exposición hai pezas únicas, como a escultura "Átropos", de Michelangelo, xa que é dos poucos traballos que o xenio do Cinquecento italiano realizou en bronce e a tamaño natural. Os debuxos preparatorios acompañan á escultura na exposición.

A mostra invita a coñecer as distintas escolas europeas desde el século XVI ata o XIX, a través de obras como dúas xoias do mestre barroco Rubens: "O descendimento da Cruz" e "Susana e os vellos".

A exposición amosa dous Turner, que é un avance do que será despois a arte impresionista.

A escola española tamén está presente con tres expoñentes: Murillo, ("San Antonio de Padua de xeonllos fronte a Xesús" ), Ribera ("San Pablo Apóstolo") e Claudio Coello ("San Xosé").
A temática relixiosa ten un importante peso nesta exposición, con pezas como "A Virxe do pescozo longo" (Parmigianino), "A Virxe e o neno" (Mantegna); "Ecce Homo" (Tiziano), o espectacular "Incredulidade de Santo Tomás" (Caravaggio), e "A sagrada familia" (Fra Bartolomeo).

En fin, unha exposición que hai poucas oportunidades de poder ver na nosa zona, e ademais de balde. Se podedes non a deixedes de visitar en familia, paga a pena.

Aquí tedes os diferentes horarios.

“Colección Zanchi. Grandes mestres”

Sala de Exposicións do Centro Cultural Novacaixagalicia.

Policarpo Sanz, 13. Vigo
Do 20 de xaneiro ao 20 de marzo
De luns a venres, de 18.00 a 21.00 horas
Sábados, domingos e festivos de 11.00 a 14.00 e de 18.00 a 21.00 horas
Visitas guiadas: de martes a venres ás 19.00 horas. Domingos ás 18.00 horas. Asistencia libre e gratuita.
Fonte de información: http://www.obrasocialcaixanova.com/es/cultura

Proxectoterra

2011-02-16T22:48:00.002+01:00

Todo o material do Proxectoterra

O Colexio Oficial de Arquitectos de Galicia continuando co programa centrado en educación primaria no marco do Proxectoterra, que ten como obxectivo formar aos escolares na percepción e observación do contorno que lles rodea, ven de completar o material didáctico que faltaba por enviar e que consiste nas correspondentes guías do profesorado, os cadernos de actividades do alumnado e o material audiovisual complementario.

Lembramos que este proxecto dirixido a Educación Primaria, ten como obxectivo formar aos alumnos e as alumnas dos tres ciclos de primaria na percepción a observación e a identidade co contorno que lles rodea, partindo de cinco entidades de estudo: aldea, parroquia, vila, cidade e área metropolitana.
O material é específico para cada ciclo, centrándose no primeiro ciclo na percepción dos espazos, no segundo na observación e comparación de espazos e no terceiro na análise e reflexión sobre a identidade territorial.
O material didáctico, que se divide en cadernos e actividades e bandas deseñadas que serven de fío condutor para montar diferentes actividades, inclúe material audiovisual con 12 spots de debuxos animados de Miguelanxo Prado, así como vídeos que achegan a diversidade territorial. Vai dirixido fundamentalmente á área de Coñecemento do Medio.
Este material, está a disposición do profesorado na biblioteca do centro aínda que pendente de catalogación.
Aquí tedes a presentación deste interesante proxecto.

"XII Salón do Libro Infantil e Xuvenil: É mentira". Pontevedra

2011-02-12T10:30:00.000+01:00

Cartel anunciador

Desde o 6 de febreiro ao 19 de marzo de 2011, estase a celebrar en Pontevedra, unha nova edición de “XII Salón do Libro Infantil e Xuvenil: É mentira” e que chega de novo para facernos gozar da literatura e o amplo universo que o rodea.

Este ano está dedicado á mentira. “Queremos de verdade descubrir as mentiras que nos contan os personaxes dos contos, ou a mentira que é a historia que estamos a ler, tamén queremos xogar coa mentira como tema na literatura, e como non! ver a mentira das vosas propostas plásticas”, segundo os organizadores.

O Salón do Libro está pensado para o goce compartido. Nenos e adultos que se divirten e descobren xuntos o mundo dos libros. Por iso prepararon un amplo programa de actividades para toda a familia. Para os máis cativos e tamén para os maiores.
Queren que te sintas como na túa casa, que consideres o Salón do Libro como o teu espazo. Un lugar onde pasar a tarde lendo na sala de lectura, explorando os espazos fantásticos creados para a ocasión, tomando un café no aparcadoiro de pais e nais, gozando dunha tarde de teatro, escoitando contos, asistindo a obradoiros e conferencias…
Se podedes, non o deixedes de visitar.
Consulta toda a información sobre o calendario de actividades, exposicións e espazos, obradoiros, fotos…

Convivencia con valores: O traballo

2011-02-11T11:34:00.000+01:00

Mural sobre o traballo.

Desde o Departamento de Orientación nos propoñen para o mes de febreiro o traballo como valor.

Seguindo co tema de educar en valores, parécenos, un dos máis importantes.

A carencia de forza de vontade nos nenos e nenas de hoxe é evidente. Hoxe, máis ca nunca, é necesario fomentar a capacidade de autocontrol dos nenos e nenas para que sexan capaces de soportar os esforzos da vida en sociedade. Cando os nenos e as nenas medran sen ter loitado polas pequenas cousas cotiás, é posible que se convertan en adultos medíocres, débiles, inconstantes, caprichosos, e incapaces de cumprir tarefas e obxectivos.

Porque traballando adquiren unha serie de cualidades que os fan mellores e os axudan a mellorar aos demais.

Co traballo realizan, desenvolven a súa personalidade, enriquecense persoal e culturalmente. Ademáis dálles a ocasión de establecer vínculos con outras persoas, de servir á sociedade, de facela progresar, de contribuir a mellorar as condicións de vida dos seres humanos.

O traballo dálles a ocasión de exercitar unha serie de virtudes. Por exemplo a laboriosidade, o non deixar entrar en eles a preguiza ou a desidia. O desexo por poñer en práctica a perfección na tarefa realizada, o fuxir de deixar as cousas a medias, a chapuza para saír do paso, o quedar ben sen máis. A puntualidade para comezar e rematar as tarefas cando teñen que facelo. A alegría e o optimismo para traballar sempre con boa cara sen complexo de vítimas. O dar humanidade as relacións de traballo, evitando as tensións que se poidan producir.

Por último, importante tamén é vivir a xustiza no traballo profesional, exercida con aqueles que, en certo modo, dependen de nós. Coñecer e poñer en práctica as implicacións morais do noso traballo.

O traballo ben feito daranos unha satisfacción que nos compensará por todos os malos ratos que houbesemos pasado.

Ano Internacional dos Bosques

2011-02-09T19:57:00.006+01:00

A Asamblea Xeral das Nacións Unidas declarou 2011 como Ano Internacional dos Bosques ao recoñocer que estos ecosistemas e a súa ordenación sostible contribúen "significativamente" ao desenvolvemento, a erradicación da pobreza e ao logro dos obxectivos de desenvolvemento do Milenio.

Con este fin, promoveráse a acción internacional en pos da ordenación sostible, a conservación e o desenvolvemento de todo tipo de bosques, incluidas as árbores fóra deles.

O lema elexido para a campaña é "Os bosques, para as persoas", co obxectivo de resaltar o papel fundamental dos seres humanos na protección dos bosques, fogar de 300 millóns de persoas no mundo, especialmente pobos indíxenas que están tamén ameazados.

E que podemos facer nós para contribuir ?

Pois continuando coa campaña levada a cabo o ano pasado por A Sociedade Galega de Medio Ambiente ( SOGAMA), de concienciación sobre a necesidade de reducir o lixo, vos propoñemos o seguinte para protexer os bosques.

Reduce, Reutiliza e Recicla o papel ( A regra das tres erres). Para axudar a preservar os bosques é moi importante o reciclado de papel. Reciclar o papel usado é unha excelente forma de aforrar madeira.
Evita a compra de produtos de papel desbotable que utilizas habitualmente como panos de mesa e os panos de man e sustitúos a ser posible polos de tea.
Reutiliza o papel para varios usos antes de levalo a colector azul para a súa reciclaxe. Utilizando o papel polas dúas caras, ou cando che den un agasallo, desenvolveo con coidado e aproveita o papel de envolver para outras ocasións. Desta forma evitas utilizar máis papel, que o necesario.

Unha vez que rematou a súa vida útil, hai que acordarse de levalo ao colector azul, para o seu tratamento e transformación en novo papel.

As ventaxas de reciclar papel son obvias:

Reduciríase a corta de árbores e a necesidade de plantar en grandes áreas coníferas ou eucaliptos (as árbores máis ricas en celulosa). En Galicia temos bos exemplos do que non se debe facer.
Reduciríase o consumo de auga e enerxía. O papel reciclado só require o 10% de auga e o 55% da enerxía necesaria para obter papel a partir de pasta virxe.
Xeneraría menos dunha cuarta parte da contaminación, incluso tendo en conta as sustancias químicas utilizadas para quitar a tinta do papel.
Solucionaríanse parte dos problemas de almacenamento de lixo.
Un mesmo papel pódese reciclar entre tres a oito veces.

Pensa que, para fabricar unha tonelada de papel a partir de celulosa virxe se necesitan 2.400 kilos de madeira ( aproximadamente 16 árbores que tardan uns 20 anos en medrar ), 200.000 litros de auga e aproximadamente 7.000 kW/h de enerxía.

Tamén é posible consumir produtos con etiquetas ecolóxicas de “madeira xusta” con certificación FSC. O logotipo da certificación forestal FSC garantiza ao consumidor, que os produtos que compra proceden de bosques xestionados de forma racional, onde se promove a mellora social e o aumento da calidade de vida das poboacións locais, e a conservación da biodiversidade.

E se che gustan as árbores, mira o que se pode chegar a facer con eles.

Baseados en técnicas non destrutivas e que non perxudiquen a vida da árbore, os arboescultores van manexando os brotes e pólas para darlles unha forma específica.

Nos anos 20, Axel Erlandson comezou a experimentar con varias técnicas de Arboescultura. Pronto atopou varias maneiras de curvar, dobrar e incluso fusionar as pólas de distintas árbores para crear “árbores sorprendentes e nunca antes vistos”. Cando lle preguntaban como conseguira tan magníficas obras de arte, el respondía cun sorriso: “falo con eles”.

Aquí tedes unha mostra.

Canastra de árbore. Axel Erlandson

E xa para rematar, a ambiciosa serie documental da BBC "Planeta Tierra" (Planet Earth) de 11 capítulos, e que amosa as imaxes máis impactantes e sorprendentes da Natureza, adícalle os 5 primeiros aos bosques. Aquí tedes o primeiro.

Concerto "El humor en la ópera"

2011-02-03T18:51:00.000+01:00

Os alumnos e alumnas do 3º ciclo, fixeron unha saída escolar a Vigo, dentro das actividades programadas para o presente curso.

En primeiro lugar deron un paseo pola zona portuaria e visitaron o centro comercial A Laxe.

Logo asistiron, no Centro Cultural Novacaixagalicia, ao concerto El Humor en la ópera, a cargo da Camerata Lírica de España, que fai unha homenaxe á ópera cómica e ao xenio de Mozart, acercando o xénero que tanto amou ao gran público, mediante a selección de catro das mellores e máis representadas óperas buffas da historia da música; Die Zauberflöte (A Frauta Máxica), Così Fan Tutte (Asì fan todas), Il Barbiere di Siviglia (O Barbeiro de Sevilla) y L'Elisir d'Amore (O Elixir do Amor). As dúas primeiras compostas polo propio Mozart e as outras dúas por Rossini e Donizetti dous dos compositores máis importantes do xénero, que seguiron o seu ronsel.

Para elo elexiron os números máis espectaculares de cada obra mostrándoos como o compositor require na súa máis alta calidade musical e vocal pero engadíndolle sorpresas interpretativas que interrelacionen ao espectador co o que está vendo, de forma que comprenda en cada momento a idea do compositor. El Humor en la ópera, convértese nunha representación moi áxil, amena e divertida, á vez que ortodoxa nas formas clásicas da ópera que nunca se deben abandonar.

Para a maioría dos alumnos e alumnas foi o primeiro contacto coa ópera e, en xeral, a experiencia foi positiva.

Na biblioteca tamén temos moita información sobre a música. Preme aquí e verás unha parte do que podes atopar.

E, se queredes lembrar algúns momentos desta obra, aquí tedes a súa actuación no Auditorio de Ourense no pasado mes de xaneiro.

O deus Xano

2011-01-31T17:44:00.003+01:00

Hoxe, 31 de xaneiro de 2011, celebrouse a inauguración da estatua do deus Xano, instalada no acceso ao colexio e consistente nunha réplica do deus tallada en pedra polo escultor mosense Marcos Escudero.

Á inauguración asistíu a alcaldesa de Mos, Nidia Arévalo, acompañada de varias concelleiras e o propio Marcos Escudero.

O obxectivo da instalación desta réplica do deus Xano é rescatar e divulgar o sentido desta representación pétrea. Segundo o Concello, trátase de “rescatar” debido ao descoñecemento desta imaxe entre os mosenses e de converter a Xano nunha imaxe que identifique ao Concello de Mos, e que, ao mesmo tempo, os mosenses se identifiquen con el.

“É unha reprodución a tamaño real da imaxe do deus Xano que foi atopada na década dos anos 70, cando se realizaban traballos de mellora dun tramo de camiño (Camiño Real) no lugar de A Brea, barrio de Os Castros na Parroquia de Dornelas (Mos). Actualmente está no Museo de Pontevedra, e é unha das poucas atopadas en Galiza que se pode encadrar dentro da Plástica Castrexa de época. Esta reprodución realiceina coa axuda de Seve Lago Palmero e David Iglesias Debén, membros do colectivo “A Carroucha”, e decidimos donala ao centro escolar”, segundo palabras do autor.

O director do centro, en compañía de profesores e profesoras, e un grupo de alumnos e alumnas de Educación Infantil, deulles as grazas en nome do Centro por esta donación.

Aquí tedes varios momentos do acto.

Dia da Paz 2011

2011-01-28T23:27:00.041+01:00

Vimos de celebrar o Dia da Paz e Non Violencia deste ano. Despois de levar a cabo diversas actividades durante a semana, rematamos esta celebración con dous actos singulares:

A plantación dunha oliveira no patio para lembrar esta data.
Celebración Dia da Paz no salón de actos.

A oliveira é unha árbore cargada de lendas e símbolos xa que é considerada como símbolo de forza espiritual, de coñecemento, de beleza e principalmente da paz.
É unha árbore que chega a vivir moitísimo tempo. A que plantamos hoxe, xa ten… 35 anos !!
Dentro duns anos, poderedes vir a vela como vos dixo Arcadio e, lembrar tal dia coma hoxe cando erades pequenos, e para a que, a maioría de vós, contribuístes con algo.
O acto celebrado no salón de actos tivo varios apartados: unha visión das actividades levadas a cabo nas aulas, corredores e tamén un recitado de frases alusivas a paz por parte dos alumnos e das alumnas de 6º B e que se rematou cantando Color Esperanza do arxentino Diego Torres por parte de todos.
Aquí tedes unha reportaxe desta celebración

Dia da Paz 2011 Slideshow: CEIP’s trip from Vigo, Galicia, Spain to Mos (near Redondela) was created by TripAdvisor. See another Redondela slideshow. Create your own stunning free slideshow from your travel photos.

Saída escolar a Vigo: O Castro e o CAT

2011-01-24T18:15:00.000+01:00

Os alumnos e as alumnas de 2º, acompañados polas súas profesoras, Mª Carmen e Susana, fixeron unha saída escolar a Vigo, onde visitaron o parque de O Castro para ver as árbores e plantas, xa que están a piques de comezar o tema do bosque, precisamente, no Ano Internacional dos Bosques.

Logo, despois de recuperar forzas e xogar un pouco, foron ao Centro de Artesanía Tradicional ( CAT ), onde participaron nun obradoiro de olería.
E como sempre, se queredes saber máis sobre estos temas, non deixedes de visitar a biblioteca, onde hai moita e boa información nos números 37, 58, 70 e 74 da nosa CDU.
Aquí tedes varios momentos desa visita.

Visita ao Esteiro do Miño

2011-01-23T12:15:00.000+01:00

Garzota. Foto de J.L. Calleiras

Por fin, os alumnos e as alumnas do 3º Ciclo, poideron levar a cabo a visita, programada xa para o mes de decembro pero suspendida por mor da climatoloxía, ao Esteiro do Miño,

Mirade se é famoso este esteiro, que xa foi visitado por "Os Bolechas" de Pepe Carreiro, iso si, estes o fixeron en globo.

Na estación ornitolóxica situada na Pasaxe, os recibiu Agustín Ferreira, membro da Asociación Naturalista “Baixo Miño” ( ANABAM).

Logo, fixeron unha pormenorizada visita a exposición que esta asociación ten na estación ornitolóxica sobre o mundo das aves e a fauna da zona.

Despois comezaron a Ruta da Marisma, de 1,5 km.de recorrido e que consistiu na observación das aves acuáticas que utilizan a desembocadura do Miño como área de invernada.

Se queredes ter máis información sobre esta saída escolara visitade o blogue “Os quintos da Pena” e teredes unha cumprida información sobre a mesma

Pero, para os máis cativos que non tivestes a ocasión de momento de ir, aquí tedes un pequeno video de Agustín Ferreira, para que teñades unha idea do que se pode ver alí. Que o disfrutedes.!!

Pero, se queredes coñecer moito máis sobre o mundo das aves, non deixedes de ver a “Enciclopedia de las aves de España” da que tedes unha ligazón no lateral deste blogue.
E finalmente, na nosa biblioteca, preme aqui, hai unha morea de libros temáticos, guías, cadernos de campo… por se che interesa o tema.

Convivencia con valores. A paz

2011-01-15T17:36:00.002+01:00

Cartel sobre a paz

Desde o Departamento de Orientación nos propoñen este mes de xaneiro, para mellorar a convivencia, o valor da paz.

A paz é un valor que adoita perderse facilmente de vista. Cando unha nación entra en conflito con outra e temos que vivir as súas consecuencias ou cando na familia os problemas ou pleitos comezan a xurdir, comezamos a apreciar o valor que ten a paz.

A paz é o froito da convivencia san entre os seres humanos. Para facela posible é necesario un ordenamento social xusto, no que todos os cidadáns teñan as mesmas oportunidades de desenvolverse como persoas e lles sexan respectados os seus dereitos fundamentais.

Os que practican a paz saben que esta non é simplemente a ausencia de conflitos, pois os homes sempre foron e serán conflitivos, senón a capacidade de manexar ditos conflitos e superalos por medio de métodos non violentos como a protesta pacífica, o diálogo e a negociación.

Mahatma Gandhi

Tamén o dia 30 deste mes, celebramos o dia da paz e non violencia.

Nesta data conmemórase a morte de Mahatma Gandhi líder nacional e espiritual da India, asasinado en 1948 por un integrista hindú. O Día Escolar da Non-violencia e a Paz celébrase desde 1964 e recoñecida pola ONU desde 1993.
O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. Neste día, os centros de ensino convértense en instrumentos de paz e entendemento entre persoas de distinta formación, raza, cultura e relixión. A mensaxe básica deste día é:

“Amor universal, Non-violencia e Paz. O Amor universal é mellor có egoísmo, a Non-violencia é mellor cá violencia e a Paz é mellor cá guerra”.
Aquí tedes algunhas frases célebres sobre a paz.

Non hai camiño para a paz, a paz é o camiño (Gandhi).
Nunca houbo unha boa guerra nin unha mala paz (Benjamín Franklin)
Nunca comeces unha pelexa, pero remátaa (John Sheridan)
O esencial é estar en paz cun mesmo ( Voltaire )

A música foi sempre un instrumento eficaz para a concienciación, para a denuncia e para ofrecer novas propostas á vida.

Son moitas as cancións que nos invitan a participar e cooperar, a razoar e analizar o mundo no que vivimos e nos anima á acción para transformar, de forma creativa, a realidade que nos rodea.

A música xogou un papel moi importante na educación para a construción da Paz
Aqui tedes algunhas desas cancións.

E se queredes ver unha relación con máis de 20 festivais e concertos históricos celebrados para recadar fondos e conseguir apoios para realizar proxectos que auxiliaran e protexeran aos máis necesitados, visitade este blogue, onde tedes moita información sobre concertos multitudinarios destinados a causas solidarias con todos os datos.

Novidades

2011-01-11T12:29:00.000+01:00

Vimos de recibir da Consellería do Mar, como aportación para o coñecemento dos nosos portos, dous exemplares da serie Os Bolechas queren saber…: como é un porto.
Con esta aportación, preténdese que os nosos nenos e nenas saiban como son os nosos portos, as actividades que neles se levan a cabo e o valor que teñen para a cultura e o patrimonio marítimo de todos os galegos e galegas e como fomento da lectura dos máis pequenos e pequenas.
Quedan a vosa disposición na zona de infantil da nosa biblioteca.
Tamén aproveitamos para informar doutras novidades incorporadas ao noso catálogo.

Nadal 2010

2010-12-23T16:46:00.002+01:00

CEIP "Pena de Francia"

E chegaron as vacacións de Nadal!!. Aqui tedes algunhas estampas desta celebración no Colexio.

E coma sempre, non podían faltar as imaxes do clásico Festival de Nadal que se celebra anualmente, coa participación de todos os alumnos e as alumnas do Centro.

A Comisión da Biblioteca Escolar, en nome do todo o profesorado do Centro, desexamos a todos e todas unhas felices Festas de Nadal e Aninovo.
Estas son as postais de felicitación do noso alumnado.

Postais do alumnado

E para rematar, queremos felicitar aos Quintos da Pena, pola "sorte" que tiveron este ano na loteria.

Recomendacións Nadal 2010

2010-12-17T23:19:00.015+01:00

Estimados pais e nais:

Coma todos os anos no Nadal, queremos aproveitar para recomendarvos un libro para os/as nenos/as coma agasallo dos REIS MAGOS.

Este libro empregarase despois na escola para realizar unha animación a lectura coa visita do propio autor, Ricardo Alcantára, por iso, consideramos moi interesante que os Reis Magos llo regalen os/as nenos/as. Todos os libros están publicados pola EDITORIAL EDELVIVES.

Libro recomendado para Educación Infantil. 3 anos.

Tento e mailo mar. Ricardo Alcántara.

Libro recomendado para Educación Infantil. 4 anos.

Tento y el miedo. Ricardo Alcántara

Libro recomendado Educación Infantil. 5 anos.

Tomás y la goma mágica. Ricardo Alcántara

Libro recomendado para 1º Ciclo de Ed. Primaria. 1º Curso

Tomé e o lapis máxico. Ricardo Alcántara.

Libro recomendado para 1º Ciclo de Ed. Primaria. 2º Curso

¿Quién ayuda en casa?. Ricardo Alcántara.

Libro recomendado para 2ºCiclo de Ed. Primaria (3º e 4ª)

¿Quién recoge la caca del perro?Ricardo Alcántara

Libro recomendado para 3º ciclo de Ed. Primaria ( 5º e 6º)

¿Quién quiere a los viejos?. Ricardo Alcántara

Se queredes ter máis información de todos estes libros, visitade esta páxina da Editorial Edelvives.

A Comisión da Biblioteca Escolar

Bocaberta 2010 - 11

2010-12-13T10:50:00.006+01:00

Vimos de recibir da Secretaría Xeral de Política Lingüística, un CD interactivo para os nenos e as nenas de 3 a 8 anos, dentro da campaña de dinamización lingüística Bocaberta, con xogos e aplicacións como ferramentas de promoción da nosa lingua.

Este CD nos vén moi ben como complemento das presentacións de PowerPoint que a propia editorial nos manda, xa que estamos subscritos a ela, canda os libros, pero a maiores, son narrados e con xogos e diversas actividades interactivas sobre os contos.

O CD instalarémolo nos PCs da aula de Informática, para que os alumnos e as alumnas de Educaión Infantil e 1º Ciclo de Ed. Primaria, poidan facer as actividades, xa que na biblioteca non sería posible.

Neste CD veñen as coleccións nanOQOs e a colección O. Todos os libros destas coleccións atoparédelas na sección de Educación Infantil.

Xa por último, aqui tedes o video promocional da campaña.

Solidaridade. OPERACION KILO.

2010-12-12T10:51:00.006+01:00

Dende o colexio, e colaborando coas familias, tentamos de traducir á realidade os valores que pretendemos afianzar nos nosos/as nenos e nenas.

Precisamente, desde o Departamento de Orientación, nos propoñen este mes de decembro, para mellorar a o desenvolvemento dos nosos alumnos e alumnas e que se basa na igualdade que une a todos os seres humanos, o valor da solidaridade

Un valor que nos axuda a ser unha mellor sociedade e que non soamente debe de vivirse en casos de desastre ou unha emerxencia.

Con este motivo, un ano máis, colaboramos gustosos con cáritas na “OPERACIÓN KILO”
Xa sabedes que consiste na recollida de alimentos para a súa posterior distribución entre familias do noso concello que pasan necesidade. Os momentos económicamente non son bos pero nestes casos é cando a solidaridade faise máis necesaria.
Podedes aportar a vosa colaboración antes do día 17 de decembro.

En nome de todas as persoas sen recursos, moitas grazas pola vosa aportación.

Taller de ciencias

2010-12-11T12:02:00.000+01:00

Os alumnos e as alumnas de 6º B, unha vez rematada a unidade “Electricidade e magnetismo”, levaron a cabo un taller coa realización práctica do estudiado no tema. Hai que ver o interese amosado por aprender a montar un circuito eléctrico a partir dun esquema. Os resultados están á vista.

Noraboa polos traballos realizados. Tamén aproveitan para felicitaros o Nadal.
Aquí os tedes.

Se estades interesados no tema, a parte do que poidades atopar en internet, non deixedes de mirar na nosa biblioteca no número 50 da nosa CDU, hai unha morea de libros sobre o tema.