Coñecendo Italia con 2ºA

                  

 O alumnado de 2ºA de primaria estiveron na radio gravando toda a información de interese sobre o país do que están estudando,  Italia, dentro do PDI do centro "Viaxando por Europa". Con esta gravación realizaron unha presentación para todo o centro.

Creacións creativas

 

Mulleres na ciencia

O alumnado de 3° e 4° recibimos unha visita moi interesante! E é que fixemos ciencia na biblio do cole. Pero non ciencia para nenos, senón ciencia de verdade! Descubrimos un montón de inventos feitos por mulleres, como o limpaparabrisas, o lavalouzas actual, os filtros do café... A que non o sabiades?? E ademais fixemos un montón de experimentos para comprobar eses inventos (e máis): como o xabón dispersa e limpa a sucidade, como separar as partículas de cor dunha pinga de tinta, como a auga pode desafiar a gravidade... E non só iso! Tamén comprobamos que o aire pesa ou que un billete de 5€ pode non arder! Foi xenial! Oxalá podamos seguir facendo experimentos científicos!!!

Programa de radio de 4º de EP

Produto do obradoiro de radio o alumnado de 4º elaborou este programa.

Programa de radio de 5º de EP

Produto do obradoiro de radio o alumnado de 5º elaborou este programa.

Obradoiro de radio

O mércores 5 de febreiro tivemos o obradoiro de radio, por estar a biblioteca no proxecto de "Radio na Biblio".

Este obradoiro foi impartido por Damián Alonso, que xa estivo en outras ocasións no centro. É dobrador profesional; moitas das películas que vemos habitualmente están dobradas por el, aproveitando este bagaxe fíxonos un percorrido por elas.

El realizou dous obradoiros, un para quinto de primaria e outro para cuarto. Na primeira parte ensinoulles a empregar a voz, a intensidade, o ton, o ritmo... Practicaron con textos moi divertidos. Na segunda parte por parellas mixtas elaboraron un guión, entre varios temas a elixir, a continuación ensinoulles as técnicas para gravar e realizaron a gravación de varios programas de radio.

Foi unha mañá moi frutífera, o alumnado aprendeu e desfrutou moito.

Grazas Damián pola túa visita!