miércoles, 3 de julio de 2019

Entrevista a Elena

Nesta ocasión Jimena, Edu e Sira de 3ºB entrevistan a  Elena Zúñiga, a súa mestra do curso pasado. Para  rematar o programa  Eva  e Adrián cóntannos uns chistes. 
Esperando que vos guste, desexámosvos un feliz verán, onde as lecturas fagan boa compañía!!







lunes, 1 de julio de 2019

Entrevista ao profesor Manel

O alumnado de 3º B quixo realizarlle unha entrevista ao profesor de Educación Física, Manel, que se marcha do noso centro. Na aula pensaron e escribiron unha serie de preguntas que posteriormente realizaron ante os micrófonos de Radio Orbil.
Como en todo programa radiofónico hai unha batería de anuncios publicitarios variados. Escoitade, escoitade!!








lunes, 24 de junio de 2019

Rica froita

Os reporteiros e reporteiras  de Infantil de catro anos realizaron unha reportaxe  informativa  das froitas que tivemos na escola  mediante o O Plan Proxecta .


Disfrutando da Bblioteca creativa

Estes días de remate de curso o material que temos na Biblioteca Creativa serviu para que o alumnado disfrutara aprendendo.







miércoles, 19 de junio de 2019

Gañadores/as trivial inventos


Despois de todo un curso informándonos sobre os inventos, o alumnado tivo unha proba de coñecemento.  Os/as  máis sabios foron once nenos/as, dende a biblioteca agasallóuselles cun detalle.  

XOEL 4ºB
NOA 4ºA
LORENA 6ºB
ANTÍA 6ºB
OSCAR 6º B
ALBA 6º B
RAQUEL 6ºA

ALEJANDRO 6ºA
BREIXO 6ºA
SOFÍA 6ºA

ANTÓN 6ºB  
 Noraboa!!!



martes, 18 de junio de 2019

Recomendación lectora: Mortadelo e Filemón

Nesta ocasión Antonio e Raynier, de 3ºB, fannos una recomendación lectora, para o que se informaron con argumentos para convencer aos oíntes da lectura dos libros de Mortadelo e Filemón. Estes alumnos son uns namorados destes libros de banda deseñada


.

jueves, 6 de junio de 2019

ENTREVISTA AOS NENOS E NENAS DE 5 ANOS: A HORTA ESCOLAR


Estes días hai moito movemento na horta escolar e iso espertou a curiosidade dos nen@s de 1º B que observan todo dende a fiestra da súa aula.

Por esa razón, decidiron facerlle una entrevista aos alumn@s da clase de 5 anos para saber que está ocurrindo alí…





martes, 4 de junio de 2019

Día do libro

O 23 de abril celébrase o día do libro, un grupo do alumnado de 5ºB, Pedro, Aitor, Sherezade e Carolina,  investigaron e  explícannos á orixe desta data e o motivo polo que se celebra.

viernes, 31 de mayo de 2019

ANA CONTA...

O pasado venres, día 24 de maio, visitou a nosa biblioteca a  nai de Emma e Lía, alumnas de 1ºB, para contarnos o conto “SACAPENAS”.
Este conto foi moi divertido. Ademais, ao rematar, cada alumno/a fixo un sacapenas para poder contarlle as súas preocupacións e deixalo debaixo da almofada como facía o neno do conto.

Moitas grazas por vir, Ana!!!


 






jueves, 30 de mayo de 2019

Elvira Lindo

Este curso o libro de Manolito Gafotas tivo moito éxito, lérono en formato dixital o alumnado de 6ºB e en papel os de quinto, polo que un equipo de 5ªA formado por Xiana, Diego, Rafael e Lía elaboraron un programa para falar da escritora deste libro, Elvira Lindo.

miércoles, 29 de mayo de 2019

Únete a moda de tunear.

Un grupo de alumnas/o de 6º B, Antón, Lorena, Antía e Noa A., fálannos das ventaxas de tunear, en concreto o material escolar, e anímannos a seguir esta moda que esta de actualidade nas aulas de sexto. 

martes, 28 de mayo de 2019

Apadriñamento lector


Con algo de retraso emitimos este programa, onde  Sabela, Irene, Sabela, Adrián e Rui nos explican en que consiste a actividade dos Apadriñamentos lectores, que celebramos no día do libro, e as ventaxas de realizala.

domingo, 26 de mayo de 2019

Falando das ventaxas do noso colexio


Neste programa Tania, Icía, Esbeba, Sofía e Raquel de 6ºA falannos do xenial que é CEIP Pena de Francia.

jueves, 23 de mayo de 2019

Recomendacións lectoras: Manolito Gafotas

Un equipo de cinco alumnos/as de 5ª A, composto por Ariadna, Paula, Daniel, Carmen e Xian realizaron un programa onde nos recomendan a lectura do libro de Manolito Gafotas de Elvira Lindo. Escoitade, escoitade veredes que interesante. 

miércoles, 22 de mayo de 2019

Recomendacións lectoras: Mortos de Ningures

Empeza unha nova sección dentro da Radio Escolar "Recomendacións lectoras" onde se poderá falar dun libro e do seu autor/es, facer suxerencias, comentarios... sobre libros lidos. 
Resultado de imaxes para mortos de ninguresRealizaron este programa Nicolás, Pablo, Eva, Erika e Israel de 5º B que nos recomendan o libro "Mortos de Ningures" da editorial Everest; onde nos falan da trama, da súa opinión e do resto da clase sobre o libro e moitos máis datos de interese...

martes, 21 de mayo de 2019

Aprendendo cos escornabots en cinco anos

O  alumnado de  Infantil de cinco anos estiveron aprendendo  a utilizar os escornabots.  A actividade consistía en levar aos pequenos robots ata os nomes dos alumnos/as.

Preme na imaxe para ver o vídeo


domingo, 19 de mayo de 2019

Contos na radio: O GALO QUIRICO

Seguimos dándolle voz aos contos da biblioteca, nesta ocasión eleximos O Galo Quirico. 
As encargadas da biblioteca de realizar o programan foron:  Carmen e Xiana de  5º, Alba, Laura, Noa, Uxía, Irune e  Antón de 6º, ao frente dos mandos estaba Noa Arosa de 6º.

jueves, 16 de mayo de 2019

Coñecendo a Antonio Fraguas na radio.

O alumnado de 6º A: Alba, Noé , Ainhoa, Alejandro e Raquel, da man da súa titora Cristina, realizaron un programa de radio onde entrevistaron ao autor homenaxeado neste ano nas Letras Galegas, Antonio Fraguas.

miércoles, 15 de mayo de 2019

Día das Letras Galegas

NOVIDADES LITERARIAS PARA  CELEBRAR O DÍA DAS  LETRAS
O Día das Letras é unha data consagrada á exaltación e promoción da nosa literatura e da nosa lingua arredor da cal se celebran no noso país, e no estranxeiro, numerosas producións e eventos culturais de homenaxe á figura escollida. O 20 de marzo de 1963, coincidindo co centenario da publicación de Cantares Gallegos, de Rosalía de Castro, os académicos de número Francisco Fernández del Riego, Manuel Gómez Román e Xesús Ferro Couselo propuxeron a celebración do Día das Letras Galegas.
O 28 de abril do mesmo ano, en Xunta ordinaria, a Academia resolveu, por unanimidade, aprobar esta proposta e declarar Día das Letras Galegas o 17 de maio de cada ano.
Desde 199 o 17 de maio, Día das Letras Galegas, é festividade oficial en Galicia. Constitúe, ademais, a meirande conmemoración da nosa cultura e, arredor dela, desenvólvense numerosos actos organizados non só desde a Academia, senón tamén desde a Xunta de Galicia, os concellos, os centros de ensino e outras entidades ou agrupacións civís que participan, en conxunto, no labor de coñecer, honrar e difundir a memoria e a obra da persoa homenaxeada.

ANTÓN FRAGUAS – El amante de Galicia. | galiciaunicaEste ano a figura a recordar é de Antonio Fraguas Fraguas, nado  na parroquia de Loureiro (Cotobade[a]), o 28 de decembro de 1905 e falecido en Santiago de Compostela o 5 de novembro de 1999, foi un destacado historiador, etnógrafo, antropólogo e xeógrafo galeguista. En 1923 fundou, xunto con outros compañeiros, a Sociedade da Lingua, que tiña como principais obxectivos a defensa da lingua e a elaboración dun dicionario. Foi membro das Irmandades da Fala, do Seminario de Estudos Galegos e catedrático de ensino secundario depurado polo franquismo. Formou parte do Instituto de Estudos Galegos Padre Sarmiento e da Real Academia Galega, foi director e presidente do Museo do Pobo Galego, membro do Consello da Cultura Galega e cronista xeral de Galicia. Dedicouse ó estudo da cultura e do territorio galegos desde distintos eidos, con especial atención e mestría á antropoloxía. A súa figura foi recoñecida en vida co Pedrón de Ouro, a Medalla Castelao, o Premio Trasalba, o Premio Otero Pedrayo, o Premio das Artes e das Letras de Galicia e o Premio San Martiño de normalización lingüística

.

martes, 14 de mayo de 2019

Compartindo o club de lectura con Xulia Alonso

O martes 7 de maio tivemos  o clube de lectura  do libro "Futuro Imperfecto " nesta ocasión tivemos a sorte de que nos acompañara a autora do libro, Xulia Alonso.
Falamos do libro, das vivencias en torno a drogadición: a dependencia, a pérdida de valores, de amizades, da familia,  da invasión do VIH e da discriminación... pero tamén falamos  da recuperación, da importancia dos lazos afectivos para superar obstáculos e do futuro con esperanza.
Estivemos dacordo que este libro debería ser de obrigada lectura nos Institutos como medio para reflexionar. 
"Non se pode volver atrás, nin regresar a un estado anterior e instalarse nel...cada momento é único e algúns, ademais, marcan un punto sen retorno..."
Un encontro cálido, emotivo e de aprendizaxe  da man de  Xulia,,. que coa súa sabiduría encandilounos durante máis de dúas horas.
Despois da charla tivemos ocasión de disfrutar dunha variedade de froitas de temporada, creando un momento de comunicación máis fluída.
Queremos dende aqui agradecerlle que viñese a compartir o seu tempo e as súas vivencias con todas nós. 
Como ben dixo unha compañeira  "Xulia regalounos  unha inxección de enerxía e positivismo".





 

Asinounos os libtos