Memoria de actividades do curso 24-25

A continuación vai un resumo visual de parte do que se fixo dende a  Biblioteca durante este curso. 

Volveremos en setembro con enerxías renovadas e novas ideas.

Feliz verán e  fermosas lecturas!

 

Entrevista de despedida da profesora Elisa.

 Outra das despedidas emotivas é a marcha para xubilarse  da profesora Elisa.

 Este curso remata unha etapa moi  bonita na súa vida profesional, pero ábreselle outro cheo de novas posibilidades, soños e retos por cumplir.. Vai ser difícil imaxinar o colexio sen a súa enerxía, a súa dedicación e ese sorriso que iluminaba cada día.
 Esperamos que esta nova etapa estea chea de alegría e bos  momentos. Feliz xubilación!
Realizámoslle unha entrevista,  as encargadas de facela foron Alicia e Leyre Lorenzo de sexto.

Entrevista de despedida da profe Loli.

 Este final de curso vai ser de moitas despedidas, unha delas é especialmente emotiva, xa que se vai a profesora Loli do centro, para empezar outra etapa diferente fóra do ensino.

 Loli deixa unha fonda pegada no noso colexio, pero sobre todo en cada persoa que tivo a sorte de compartir o seu bo facer. Non só foi unha grande profesional, senón tamén unha compañeira leal e un exemplo de innovación, esforzo, ilusión, creatividade... Botarémola moito de menos.

Como é habitual quixemos realizarlle unha entrevista na radio, sobre todo este periodo no centro e expectativas de futuro. As encargadas de realizarlle as preguntas foron, antigas alumnas súas, Aldara e Noa.

A aula de 4 anos na Radio!

O alumnado de 4 anos iniciouse na radio, coñecendo os seus elementos básicos e comezando a grabar sobre as súas comidas favoritas, xa que están a traballar a gastronomía. Fixéronno moi ben e gustoulles tanto que algúns xa preguntan cando poden volver!

Despedida de Virginie.

  Pablo A., Paula, Mauricio e Leia de quinto de primaria aproveitando que estabamos na radio quixeron gravarlle a súa titora unhas bonitas adicatorias polo remate de curso.

Bo Camiño Valentiño!

 Pablo A., Paula, Mauricio e Leia de quinto de primaria gústalles moito gravar na radio e se lles ocurriu que mellor que ler un conto en lingua galega. 

Atrevéronse con libro "Bo Camiño Valentiño!" da editorial Miau.

Entrevista a Elisabet

Ao alumnado de 1ºA gústalle moito gravar na radio. Se lle propuxo realizar unha entrevista a súa anterior titora, Elisabet, que se marcha do centro. Entusiasmoulle a idea da entrevista e así saíu o programa.

Las jirafas no pueden bailar

O alumnado de cinco anos de Infantil dramatizaron o libro "Las jirafas no pueden bailar" da editorial Bruño, na súa graduación, ante as familias e o alumnado de infantil. Ante realizouse unha gravación deste conto para poder empregar no festival.

Reflexión do alumnado de sexto sobre o colexio

O alumnado de sexto de primaria realizaron unha reflexión sobre o que significou o colexio nos nove anos que estiveron nel. As conclusión máis importantes de cada un deles quedou gravada neste audio.

A familia de Adriana Alonso conta..."Hay una dragona en tu libro"

Na aula de 4 anos, tivemos a visita da nai de Adriana Alonso, que veu contarnos un conto moiiiii divertido: "Hay una dragona en tu libro!!". Todos os nenos e nenas estiveron moi atentos e participaron para axudar a pequena dragona. Que ben o pasamos! 

Moitas grazas por vir e compartir estes momentos con nós! 

Uxía e o Mar

Esta semana o alumnado de Infantil tivo un contacontos moi especial, do libro "Uxía e o Mar", de Paula Merlán, o cal tiñan moitos nenos e nenas e por iso quixeron unha firmiña de recordo. Moitas grazas á Editorial Edicións Xerais e ao contacontos David, pasámolo xenial!

INAUGURACIÓN PÉRGOLA

O día 16 de maio, xunto coa celebración dos maios e das letras galegas, puidemos inaugurar a nosa extensión da biblioteca ao aire libre. Damos grazas a Juan, quen cordinou e traballou en todo o proceso xunto co Obradoiro do Concello (a quen tamén agradecemos o seu traballo). 

Agora todo o alumnado poderá desfrutar da lectura e da aprendizaxe significativa ao aire libre.

Lecturas na pérgola

Coñecendo Grecia con 2º B

O alumnado de 2º B estivo investigando sobre o país que lles tocou estudar neste curso , Grecia, dentro do PDI do centro "Viaxando por Europa". O que máis ilusión foi gravar toda a información.

Conta contos con Bea Campos

Hoxe o alumnado de Infantil tivemos unha visita moi especial, grazas ao Concello...a conta contos Bea Campos!! Para conmemorar o día das letras galegas, veu contarnos diversos contos da "Saia da Carolina contos e cantos", onde estivemos moi atentos e entretidos. Gustounos moitísimo, esperamos poder repetir!

Celebrando as Letras Galegas

 Celebramos o Día das Letras Galegas no colexio por todo o alto. 

Este ano quixemos que as familias foran participes das actividades que realizamos co alumnado, por iso decidimos que participaran na elaboración das alfombras florais que se elaboraron por cada aula no patio. 

Os cursos de quinto e sexto de primaria foron os encargados de crear os dous maios. Sendo o alumnado de quinto de primaria os que inventaron as coplas dos maios para  ese día cantarlle ao ritmo de pandeiretas, cunchas…

Como este ano dedícase  o Dia das Letras Galegas as pandereiteiras  tivemos a sorte que un grupo de nais viñeran a cantar acompañadas das súas pandeiretas.

Así mesmo a biblioteca encargouse de mostrar uns traxes tradicionais da nosa cultura acompañados de instrumentos musicais.

En definitivo unha xornada chea de cultura, identidade, convivencia, creatividade, diversión...