25 N: Programas de radio para traballar a igualdade e o respecto.

No CEIP Plurilingüe Peña de Francia levamos semanas traballando cunha enorme ilusión na creación de varios programas especiais arredor do 25N.
Trátase dunha iniciativa impulsada polo Equipo de Biblio e construída grazas ao esforzo conxunto de todo o profesorado e á participación de todo o alumnado do centro —desde Educación Infantil ata Sexto de Primaria—. 
Cada clase preparou seccións adaptadas á súa idade: entrevistas, noticias de actualidade, poemas infantís, reflexións e moito máis, convertendo esta experiencia nun auténtico proxecto común no que cada voz tivo o seu espazo.
Este proxecto é para nós moito máis ca unha simple gravación: é unha oportunidade para construír comunidade, para escoitarnos e recoñecer o valor das palabras cando se usan para crear un mundo máis xusto. Cada achega, cada idea e cada voz do noso alumnado e do profesorado formou parte dun traballo colectivo que hoxe compartimos con orgullo.

Grazas por acompañarnos nesta viaxe educativa e emocional, e por seguir facendo da nosa biblio un lugar vivo e transformador.

Aquí vos deixamos os programas, que agardamos que chegue a todas as casas co mesmo cariño e compromiso co que foi creado. 

A continuación  os enlaces dos tres programas realizados :

https://boxabalar.edu.xunta.gal/index.php/s/F63NEXcmxJGiKAy

https://boxabalar.edu.xunta.gal/index.php/s/bBiNTJbDxF62a4E

https://boxabalar.edu.xunta.gal/index.php/s/4ra4zQKjBng6mLX

A continuación vai unha pequena reportaxe fotográfica dos diferentes momentos da gravación dos programas de radio.

25N: RECURSOS

O Día Internacional da Eliminación da Violencia contra a Muller, foi  aprobado pola Asemblea Xeral das Nacións Unidas na súa Resolución 50/134 o 17 de decembro de 1999, celébrase anualmente cada 25 de novembro, en memoria das irmás Mirabal. A proposta para que se celebrase nesta data realizouna a República Dominicana, co apoio de 80 países.

Un curso máis, seguimos necesitando accións para denunciar a violencia contra as mulleres e as violencias cotiás exercidas contra nenas, mozas e mulleres de todas as idades e condicións en distintos espazos e ámbitos, tanto privados como públicos.

Esta semana levamos a cabo no centro unha serie de actividades concretas para conmemorar o 25N e mostrar o noso rexeitamento á violencia machista:

1º- Realizamos  uns programas de radio ca gravación por parte todo o alumnado do centro, onde se traballaba toda esta problemática e os valores a infundir e estratexias a seguir para evitar a violencia. 

2º-Na biblioteca exposición de libros para poder traballar este tema.

3º-O propio martes 25 realizamos  unha carreira pola igualdade con todo o alumnado. 

PREME SOBRE OS ENLACES PARA VISUALIZAR O CONTIDO:

NI UN BIQUIÑO Á FORZA
VIDEO DE MAMÁS E PAPÁS
CANCIÓN DE ANDY Y LUCAS

En 2023 realizamos co alumnado de sexto un fermoso traballado onde lle deron voz ás ilustracións do libro "As mulleres que cultivaban néboas" da autora Bea Gregores. Un libro poético onde se fala da supervivencia ante a violencia de xénero pero sobre todo trata da esperanza.

Spot feito pola biblioteca do IES Lama das Quendas para o día internacional contra a violencia de xénero de 20012

Club de lectura de sexto

 A invasión dos trastos comezou! Nerea regresa cunha nova aventura chea de humor sobre os excesos no uso das novas tecnoloxías.

Magna- Tiles house

 Magna- Tiles house é un xogo que lle encanta ao alumnado, con el consiguen realizar unhas construcións creativas e cooperativas.  

Magna-tiles é un xogo de construción magnético cheo de posibilidades. As súas pezas imantadas permítennos xogar coa xeometría, as matemáticas, a luz, as formas e o magnetismo.

Historias de Samaín: Un mundo estraño

 Roi, Juan e Paula de 6º de EP crearon en equipo unha histora de medo para o tempo de Samaín.

Historias de medo de 2ºA

 O alumnado de 2ºA crearon e escribiron  en equipo as súas propias historias de Samaín, algunhas moi terroríficas, escoitade, escoitade!!

Samaín en 1ºA

 O alumnado de 1º A realizou un programa moi divertido sobre Samaín. 

Entrevista de despedida da profesora Tere

De novo temos que darlle a despedida do centro e do ensino a outra gran mestra, como á a nosa querida Teresa.

Nos vinte anos que leva con nós foi mestra en educación infantil e dende hai uns anos especialista en PT, tamén foi xefa de estudos, secretaria e directora, ademais de ser a presentadora, dinamizadora e animadora nos festivais e actos do centro…

Que dicir de Tere?? Comprometida, integra, humilde, entusiasta, acolledora, alegre, emotiva… Toda a comunidade educativa vaina botar en falta.

Desexámoslle o mellor nesta nova andaina!! 

Como en cada despedida realizámoslle unha pequena entrevista. Mara e Vera, de quinto de primaria, foron as encargadas de realizarlle as preguntas. 

Historias de Samaín: A inxeniosa idea do esquelete

 Valeria, Borja e Pablo Comesaña crearon en equipo esta historia de Samaín.

Historias de Samaín: "Un medo pequeno con patacas"

 Daniel, Alba e Leia de 6º de EP crearon en equipo unha historia de medo por Samaín.

Historias de Samaín: Paula e Alba de 6º.

 Empezamos cas historias creadas polo alumnado con motivo de Samaín. Esta é a historia que crearon Paula e Alba de sexto.

Samaín na biblioteca

Na festa de Samaín o centro decórase para celebralo. Como non podía ser doutra maneira a biblioteca tamén se decora.

Diseñando creacións

 

A biblioteca no tempo de recreo é,  para algúns alumnos,  un espazo de encontro cos compañeiros que teñen intereses similares, como son neste caso as construcións. O material que temos, grazas o orzamento da biblioteca creativa, dá cabida a todas estas mentes con ganas de crear.

Nova mascota "Orbil" para a biblioteca

 Despois dun mes intenso de traballo xa temos unha nova mascota Orbil para a biblioteca. 

Unha vez publicadas e explicadas as bases do concurso, cada alumno/a confeccionou  a súa creación, houbo despois unha selección previa. 

Con eses debuxos finalistas  realizamos un mural, a entrada da biblioteca, que serviu para  o proceso de votación, onde todo o alumnado pasaba por ali a votar.

O venres 24 no recreo os finalistas acudiron á biblioteca a coñecer o veredito, cada un deles recibe un marcapáxinas da súa ilustración.

A creación ganadora foi a do alumno de sexto Yago Panadero.

Día das Bibliotecas: 24 de outubro

Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

O lema deste ano, "Contra a desinformación: bibliotecas", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na loita contra a desinformación.

As bibliotecas combaten a desinformación non só a través dos seus recursos, como as coleccións de libros e prensa ou as bases de datos, senón tamén a través dun uso adecuado das novas tecnoloxías. E, por encima de todo, as bibliotecas son un dique de contención contra a desinformación grazas ao seu persoal bibliotecario, que traballa como curador de contidos e apoio aos usuarios na procura de información a través de fontes fiables e contrastadas.

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio, lugares que contribúen á formación dunha cidadanía crítica, activa e comprometida. O seu traballo de deseño e planificación de actividades e servizos desenvólvese cunha perspectiva de Axenda 2030 poñendo o foco en que ninguén das nosas comunidades educativas debe quedar atrás.

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS.

 

3ºB na radio

 

O alumnado de 3ºB tiña moita ilusión por gravar e escoitarse na radio, decidimos que os chistes, adiviñas e trabalinguas podían ser unha boa opción de programa.  Despois dunha sesión de traballo este foi o resultado.

Mochilas viaxeiras

Un novo ano as mochilas viaxeiras volveron a viaxar ás casas do noso alumnado, que con gran entusiasmo volveron acollela. Levando libros de diferente temática e revistas, co fin de propiciar momentos de lectura compartida en familia. 

Na mochila tamén levan un tríptico e unha libreta, nesta poden tanto o alumno/a como as familias realizar suxestións ou contar a experiencia de lectura compartida no "diario da mochila", incluso realizar debuxos ou fotos.

Club de adultos do primeiro trimestre

 

Buscando unha nova mascota

                          

Neste inicio de curso decidimos que tiñamos que cambiarlle a silueta  a nosa mascota Orbil, para iso propuxemos un concurso onde o alumnado elaborara a súa, para a súa posterior elección entre todas as mascotas realizadas.

 O día das Bibliotecas Escolares será onde se coñecerá ao gañador/a e a súa creación.

Formación do voluntariado da biblioteca

Nesta semana tivemos a formación do voluntariado de quinto e sexto que vai formar da biblioteca.  Once alumnos de sexto e dez de quinto.

A encargada da formación foi a mestra Tere que con toda a paciencia foi explicando as diferentes tarefas que hai que realizar. Deulle moita importancia a clasificación  e a orde alfabética  no andeis, ao “tejuelo”, a responsabilidade de asistir, ….Para rematar leron o contrato de colaboración e o asinaron cada un deles e a coordinadora da biblioteca.