Celebramos o 8 M cun acto para todo o alumnado de primaria, no que estivemos acompañadas da atleta Soledad Castro.
Quixemos aproveitar o Día Internacional Da Muller, para traer ata o noso
centro a unha muller relevante como Soledad Castro, unha atleta de recoñecido
prestixio tanto a nivel nacional como internacional, xa que ten un amplo
palmarés de logros, destacando varios campionatos do mundo e campionatos
europeos, tanto en pista de aire libre como en campo a través.
O concello de Mos recoñeceu a importancia de Soledad Castro no deporte,
colocándolle o seu nome ao pavillón que está ao lado do noso centro. Ademais
desta distinción, é medalla ao mérito deportivo no noso concello.
Soledad Castro naceu e vive en Dornelas, Mos, moi
preto do colexio.
Ela acudiu
acompañada da súa irmá Dorinda; esta falounos da importancia do 8M e da necesidade de seguir
loitando pola igualdade da muller; explicou con exemplos que aínda queda moito
por conseguir, non só no noso entorno senón noutros moitos.
Pola súa
parte, Soledad foi contándonos a súa historia a través de obxectos importantes,
que foi mostrando… dende unha medalla obtida en Corea, un diploma, un boneco… Aprendimos moito con ela: a importancia das
rutinas diarias para avanzar, do esforzo, de non redirnos ante as adversidades
e seguir adiante, do valor do compañerismo…
Unha mañá preciosa
chea de aprendizaxe e cariño da man das irmáns Castro. Grazas polo voso exemplo e compromiso e polo tempo que nos adicastes.
No hay comentarios:
Publicar un comentario