Formación de radio para o profesorado

 Con algo de retraso chegou a formación da radio ao profesorado do centro. O martes 21 de novembro todo  o profesorado reunímonos na aula onde esta instalada a radio recibindo explicacións sobre a gravación de programas e edición.

Visitas guiadas á biblioteca

  Esta semana  realizamos visitas guiadas das diferentes aulas á biblioteca para que coñeceran as normas que hai que seguir, situación dos diferentes materiais, a orde nos distintos andeis, pasos a seguir para localizar un libro… en ocasións houbo tempo para realizar algún xogo de busca do libros ou simplemente ler ou xogar co material da biblioteca creativa.

😇

Formación en radio

A primeira semana de setembro foi moi intensa. As tarefas foron moitas tanto de organización, horarios, programacións,  colocación e orde de materiais... pero tamén houbo tempo de formar ao profesorado no uso da radio escolar e no programa Audacity. 

Aqui tedes a mostra!! 

Visitas de formación para uso da Biblioteca

Os primeiros días de setembro co alumnado serviunos para dar formación na biblioteca sobre horarios, normas, usos, emprego e ubicación dos diferentes materiais. Nalgúns casos  aproveitamos para prestar libros para casa.

 

Obradoiro de Radio

O día 9 de marzo tivemos  un obradoiro, toda a mañá, de radio impartido por Damián, de Escolas nas Ondas.

Este obradoiro lograse por participar a biblioteca no proxecto da “Radio na Biblio”.

 Optaron a esta formación parte do alumnado de 5º e 4º de E.P, que máis tarde ensinarán aos demais compañeiros/as.

Durante esa mañá coñeceron a utilización do programa de gravación Audacity que se emprega na radio, así como se lles ensinou técnicas de locución, entoación, vocalización...

A experiencia foi moi positiva tanto en aprendizaxe como en diversión. 

A continuación a gravación realizada durante a mañá de traballo.

Comezamos ca radio

 Empezamos ca radio en canto a elaboración horarios para ir a gravar, ensaios e  formación tanto  de  alumnado como de profesorado.

Obradoiro de radio

O día 13 de febreiro, Día Mundial da Radio,  foi unha xornada especial; tivemos a formación da radio do alumnado de cuarto e quinto, para o que contamos toda a mañá con dous membros de Ponte nas Ondas, Gerardo e Damián. 

Traballaron na dicción, na proxección  de voz, entoación e locución, ensináronnos como redactar e locutar nunha radio e  déronnos a coñecer o emprego do programa Audacity.
Un día de festa onde aprendimos moito da man destes dous grandes profesionais. Agora só queda pór en practica todo o que nos ensinaron.

Día Mundial da Radio: programas e formación

O 13 de febreiro conmemórase  o Día Mundial da Radio. O noso centro vaino a celebrar ca gravación de programas e cunha xornada de formación para o alumnado de cuarto e quinto de primaria, onde aprenderán diferentes técnicas de vocalización, expresión, entoación, etc, asi como gravar e editar programas de radio, este alumnado será o encargado de ensinar ao resto.

Este día de conmemoración da radio é unha oportunidade para que o mundo celebre a radio e o seu impacto nas nosas vidas. A radio infórmanos, transforma e une. Reúne a comunidades de todas as profesións e condicións sociais para promover un diálogo construtivo para o desenvolvemento

A radio é un medio de comunicación único para celebrar a diversidade humana e constitúe unha plataforma para o discurso democrático. A radio segue sendo, ademais, o medio de comunicación máis usado en todo o mundo

Os obxectivos da xornada son concienciar ao público e aos medios de comunicación acerca da importancia da radio, alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión.

Este 2020, no Día Mundial da Radio, a UNESCO fai un chamamento a todas as emisoras de radio para defender a diversidade, tanto nas súas redaccións como nas ondas radiofónicas.

Formación do profesorado na biblioteca

O  primeiro  mes do curso aproveitamos o profesorado tamén para refrescar coñecementos no  emprego do programa Meiga e de explicación da nova orde nos diferentes  andeis e o sistema de clasificación na biblioteca.

FORMACIÓN RADIO

Ao inicio de curso recordamos  o funcionamento da Radio Escolar. A profesora Elena  foi explicando pormenorizamente os pasos a seguir para unha boa gravación.

Formación alumnado

O alumnado de primaria recibiu neste curso, de novo, formación  sobre as normas, diferentes recunchos, uso... da Biblioteca, nas semanas anteriores á apertura.

 Baixo o lema "Coñece a túa Biblioteca" o diferentes cursos foron visitando e aprendendo.