FELICES VACACIÓNS DE VERÁN

Despois de moito traballo, Orbil colle vacacións. 

Di que volve o 1 de setembro, a ver se é verdade...

Que o verán esté cheo de libros e bos momentos.

FELICES VACACIÓNS!

 

ENCONTRO CON ANGIE ROA

O xoves pasado contamos coa compañía de Angie Roa, escritora de Mos.

            

Os nenos e nenas de 3º e do club de lectura de 5º tivemos a sorte de poder ler a banda deseñada "Noa e a cidade sen maxia", compartindo momentos coa súa autora para falar desta histora sobre Noa, unha nena que medra escoitando relatos sobre unha cruel batalla librada por culpa da maxia, da que todo o mundo renega.

Tamén houbo tempo para estes fermosos agasallos por parte de Angie, que sorte tivemos!

                                                    

Club de lectura " As Gratitudes"

 O día 19 celebrouse o último club de adultos deste curso  e con el remata a miña andaina, despois de dez anos ao cargo como coordinadora. Naceu no terceiro trimestre de 2016 co obxectivo de ter un lugar de encontro para compartir lecturas.

Desde entón, foi un espazo máxico onde cada encontro  nos permitiu  explorar mundos novos, debater, reflexionar e construír unha comunidade unida polo amor á lectura.

Con cada novo libro lido as conversacións transformábanse e con cada novo encontro os vínculos entre os que asistíamos íanse facendo máis fortes. Sentinme privilexiada de poder levar todos estes anos este espazo neste centro.

Elixín para terminar o club de lectura a lectura das "Gratitudes" Delphine de Vigan porque me parecía un xeito fermoso e significativo de agradecer a todas as persoas lectoras que me acompañaron durante estes anos.

É un libro delicado, íntimo e profundamente humano, que invita a reflexionar sobre a memoria, os vínculos e a importancia de dicir “grazas” a tempo. Con esta elección quería pechar o ciclo poñendo no centro algo que atravesou cada encontro do club: a compañía, a escoita e o intercambio compartido ao redor dos libros.

A novela lémbranos que ninguén constrúe un camiño só e que, moitas veces, as palabras e os feitos máis importantes son os máis simples. Quería reflexionar sobre a gratitude como forma de recoñecer os vínculos construídos ao longo deste tempo e valorar a comunidade lectora que se foi formando.

Para rematar expresar a miña gratitude ás persoas lectoras que compartiron nalgún momento esta biblioteca durante estes anos.

Boas lecturas.

BÚSQUEDA DO TESOURO NA BIBLIOTECA

 Para celebrar o día do libro, todos os cursos, dende os pequenos e pequenas de 3 anos ata o alumnado de 6º, fixeron unha búsqueda de Orbil, a nosa nova mascota.

Tiveron que levar a cabo por equipos diferentes acertixos e probas, todas relacionadas con libros que poden atopar na biblioteca, dende "A vaca que puxo un ovo" ata "Harry Potter". 

Todos e todas conseguiron atopar a Orbil, fixeron unha labor excelente.

CLUB DE LECTURA PARA ADULTOS O PRÓXIMO MARTES

 

23 DE ABRIL - DÍA DO LIBRO

 Outra das actividades que fixemos para conmemorar o día do libro, foi unha lectura compartida entre grandes e pequenos de todo o cole.

Resultou unha experiencia marabillosa mesturando natureza e lectura.

23 DE ABRIL - DÍA DO LIBRO

 Que mellor forma de celebrar o día do libro que estreando un novo rincón no noso patio.

A ANPA adaptou este espazo para que sexa acolledor, e hoxe empregámolo para facer lectura ao aire libre no tempo lector.

       

Tamén buscaron outros lugares onde facer unha lectura compartida.

Club de lectura para as familias

Neste trimestre o libro que lemos no club de letura para adultos tiña por título "Detective Ferruchi".

Versa sobre a intriga en torno a un asasinato onde a protagonista feminina, Sol Cortés, investiga o caso case á par que a policía. É unha novela che de alusións á realidade feminina no laboral, social e emocional durante os anos noventa. Así comprobamos que o pasado pode volver ser presente nalgúns aspectos.

Reunión club de lectura 5ºEP

O xoves de 9 de abril levouse a cabo a reunión do 2º trimestre do club de lectura de 5º co libro "Sopa de Europa".

Que ben o pasamos viaxando polos diferentes países a través da lectura! 

E canta información intercambiamos daqueles países aos que algúns e algunhas xa visitamos, sobre todo Italia, Francia e Portugal.

Obradoiro de cartón

Os nenos e nenas de 1º e 2º de primaria tiveron este martes un obradoiro no que elaboraron o seu propio dragón de cartón, vendo así formas de divertirse empregando un material tan sinxelo como é o cartón, sendo así unha forma de reciclalo no colexio e na casa. 

O obxectivo deste obradoiro era traballar a creatividade, a imaxinación e a sustentabilidade

Grazas a Ton por esta experiencia.

21 DE MARZO - DÍA DA POESÍA

 Para celebrar o día da poesía que foi o pasado sábado día 21,

esta semana tivemos nos corredores do noso cole os Carriños poéticos.

Nestes carriños tíñamos tanto o profesorado como o alumnado, acceso a libros de poesía adaptados ás diferentes idades.

  

Novidades lectoras

                                     Na biblioteca temos novos libros de lectura en inglés.

Compartindo momentos con Érica Esmorís.

 O venres anterior, 13 de marzo, tivemos a sorte de contar coa visita da escritora de "Patio de luces", Erica Esmorís.

Os nenos e nenas de 3º e 4º puideron desfrutar dun tempo de calidade coa autora do libro que estiveron lendo na clase, falar con ela e descubrir os segredos do seu proceso creativo.

Mulleres coa natureza

Aquí vos deixamos algunhas fotos de como foi o proceso de traballo para levar a cabo o concurso do 8M: búsqueda de información no mural exposto fóra da biblioteca e a través do QR, actividade con material de Polos creativos...

Este concurso contou con varios gañadores e gañadoras que levaron de premio un marcapáxinas do 8M.

Noraboa!