Memoria de actividades do curso 24-25

A continuación vai un resumo visual de parte do que se fixo dende a  Biblioteca durante este curso. 

Volveremos en setembro con enerxías renovadas e novas ideas.

Feliz verán e  fermosas lecturas!

 

Ideas para realizar na casa con nenos e nenas

                Pincha no enlace para ver o PDF coas actividades:

                      👉 IDEAS PARA FACER COS NENOS E AS NENAS

E TI... PARA QUE CRES QUE É BENEFICIOSA A LECTURA?

Aquí tedes o preciosa que quedou a parede de acceso á biblioteca coas aportacións dos alumnos e alumnas respondendo a esta pregunta.

Moitísimas grazas pola vosa colaboración !!

LER É BO PORQUE...

Clube de lectura

Este ano, durante os recreos dos mércores do segundo trimestre levouse a cabo un clube de lectura con nenos e nenas de sexto de primaria. O libro elixido foi Charlie e a fábrica de chocolate, de Roald Dahl.

Fixéronse moitas actividades: unha lectura compartida e posta en común, degustación de chocolate, buscaron información de Roald Dahl, e por último, unha sesión de cine!!!

Foi unha experiencia moi boa tanto para os nenos e nenas, como para as mestras Rosa e Isabel encargadas da actividade!

Aquí deixamos algunhas fotiños!!!

Actividades da semana da poesía.

Aquí tedes as actividades que realizamos con motivo do Día da Poesía:

Bibliocarro Poesía: 

Un Bibliocarro para Infantil e outro para Primaria con libros de poesía que foi viaxando por tódalas aulas do centro.

Bibliocarro poesía - Video Maker

Recital no Día da Poesía:

Os nenos e nenas do centro prepararon as súas poesías que recitaron de diferentes maneiras: en grupo, individual, con teatro de sombras, acompañados de peluches... Pasámolo moi ben recitando poesías!

Dia poesía 2014 - Video Maker

Concurso Mandela

Celebramos no cole un novo concurso sobre Nelson Mandela con cuestións diferentes para o primeiro, segundo e terceiro ciclo de Educación Primaria. Comprobamos que os nenos e nenas aprenderon moitísimo sobre a súa vida!

Mural de Nelson Mandela

Cuestións sobre Nelson Mandela

XV Salón do Libro Infantil e Xuvenil de Pontevedra

Do 14 de marzo ao 5 de abril celébrase no Pazo da Cultura de Pontevedra o Salón do Libro Infantil e Xuvenil, co título: COCIÑANDO CONTOS. Un suculento menú de obradoiros para nenos e adultos, contacontos, espectáculos, concertos, e moitas máis actividades. 

Animádevos a pasalo ben en familia rodeados de contos e aventuras!

Os Bibliocarros

Dende a biblioteca, presentamos os Bibliocarros, carriños cargados de libros relacionados con temas de actualidade que estemos traballando no centro, e que estarán un día enteiro en cada aula, para pasar ao día seguinte a outros compañeiros. Aquí deixámosvos algunhas fotos do Bibliocarro da Paz, e estade atentos, porque moi pronto chegarán as aulas con temas novos!

Formación curso 2013-2014

Aquí tedes aos nenos e nenas de Primaria do cole na formación do uso da bibilioteca.

Orbil agárdavos na biblioteca!!!!

Orbil abre as portas da nosa biblioteca hoxe, dez de outubro, cargado de novidades e aventuras para este curso 2013-2014. 

Aquí déixavos unha guía da biblioteca para lembrar como se organizan os libros, os horarios, o servizo de préstamo e algunhas normas.

Publish at Calameo or read more publications.

E unha táboa cos horarios da biblioteca para este curso.

Esperamos a vosa visita!!

25 de novembro: Día Internacional contra a violencia de xénero

Estamos a vivir nunha sociedade que empeza a sensibilizarse e a rexeitar a violencia que se exerce contra das mulleres. A escola e a familia son ámbitos privilexiados dende os que se pode e se debe traballar para erradicala. Profesorado e, sobre todo, os proxenitores, xogan un papel decisivo no establecemento dos xeitos de relación das rapazas e rapaces. O exemplo é o que máis educa.

As criaturas aprenden dentro da familia a integrar as súas relacións,absorben como esponxas os xeitos de comportamento das persoas adultas e máis tarde na escola ao se relacionaren cos seus iguais van incorporando outra serie de habilidades sociais tales como cooperar, poñerse no lugar da outra persoa, facer amizades.Polo tanto, o traballo dende o sistema educativo tamén é necesario; a prevención da violencia de xénero convértese en algo ineludíbel e pode abranguer actuacións xerais, básicas e concretas. A escola debe ser o lugar para fornecer valores como o respecto, a igualdade dentro da diversidade e da diferenza, o espírito crítico, é un espazo onde se aprende a pensar, a analizar, a descubrir,...é por isto un dos sitios idóneos para previr calquera tipo de violencia.

Dende a Comisión da Biblioteca facemos unhas propostas encamiñadas a sensibilizar ao noso alumnado na difícil función de facer unhas relacións entre os sexos máis respectuosas e pacíficas.

Propostas de actividades

Publish at Calaméo or browse others.

PREME SOBRE OS ENLACES PARA VISUALIZAR O CONTIDO:

NI UN BIQUIÑO Á FORZA

VIDEO DE MAMÁS E PAPÁS

CANCIÓN DE ANDY Y LUCAS

LETRA DA CANCIÓN EN TU VENTANA DE ANDY Y LUCAS

Violencia de xénero é toda aquela violencia que se produce contra a muller por pensar que esta é inferior. Non esquecemos países nos que a muller é maltratada polo mero feito de selo.  Non esquecemos o sufrimento, o medo, o terror...que padecen. Non queremos esquecer, por iso dende a escola imos elaborar un gran lazo de esperanza, que colocaremos na  entrada, para que posteriormente todo o alumnado coloque o seu encima.