Isabel Zendal e Manuela Barreiro

 O alumnado de 6º A realizaron uns traballos de investigación para coñecer a figura de Isabel Zendal e Manuela Barreiro, dúas mulleres pioneiras na nosa historia. Como resultado final  quixeron realizar cun programa de radio.

Visitas femininas do Instituto de Investigacións Mariñas

O venres 14 de febreiro tivemos a visita, con motivo do día da Muller e a Nena na Ciencia, de Cristina Romero e de Luisa Martínez, traballadoras do Instituto de Investigacións Mariñas. 

Dicir  que Cristina Romero é técnica de biblioteca e documentación, está  encargada da Biblioteca do CSIC en Vigo.
Luisa Martínez é doutora.en Ciencias do Mar, desenvolve a súa carreira científica e divulgadora no Departamento de Oceanografía  é a responsable da Unidade de Cultura Científica da Delegación do CSIC en Galicia. Luísa é co-autora de unidades didácticas, guionista, participante na obra de teatro científico “Que traballo tan   curioso “e autora do álbum informativo “Puf! Vaia peido” da Editorial Galaxía.

Elas explicáronos en  que consiste o seu traballo,  o labor que realiza o seu Instituto en relación ao mar, aprendimos curiosidades sobre peixes e a  importancia dalgunha, das moitas, mulleres que foron pioneiras nos avances das ciencias.

Realizaron dúas charlas unha para os de 1º, 2º e 3º e outra para o resto de  maiores de Primaria.

Queremos dende aqui agradecerlle a Cristina e a Luísa por este fermoso día de aprendizaxe, e por suposto o esforzo de vir ata o noso centro.  
 

Os presentadores/as do acto.

 

Todos e todas iguais

O seguinte vídeo  dos desexos de igualdade  do alumnado de Infantil de cinco anos.

" Cando sexa maior eu  quero que... "

A muller e a nena na ciencia

A brecha de xénero nos sectores da ciencia, a tecnoloxía, a enxeñería e as matemáticas  persiste desde hai anos en todo o mundo. 

O 11 de febreiro é a data sinalada para pór o foco na pouca representación que aínda existe de mulleres nestes campos. Nos últimos 15 anos, a comunidade internacional fixo un gran esforzo inspirando e promovendo a participación das mulleres e as nenas na ciencia. 

 Dende a biblioteca quixemos aproveitar esta data para pór o noso granciño de area e dar visibilidade ás mulleres científicas, polo que realizamos un expositor con todos eses fermosos libros que tiñamos nos andeis onde as protagonistas son elas. 

Así mesmo voltamos a organizar, contando ca colaboración do Instituto Español de Oceanografía (IEO), varias charlas para todo o alumnado do centro ao longo de varias sesións, onde haberá moita información acerca   de fitoplanctón, mareas vermellas, toxinas...

 

Supermujeres, superinventoras

Non podíamos deixar de mencionar este gran libro que xa está nos andeis da nosa renovada biblioteca. Sandra Uve da man de Lunwerg Editores rende homenaxe a casi un cento de mulleres pioneiras con ideas brillantes que, a pesar diso, pasan desapercibidas en moitos libros de historia. 

A pesar do esforzo que supón recuperar referentes silenciadas e infravaloradas, das que pouco ou nada queda nas bibliotecas, a súa autora conseguiu un catálogo dunhas 3.000 mulleres. De todas elas, seleccionou 90 para un libro no que lle interesaban "as máis importantes, como Marie Curie ou Rosalind Franklin", pero tamén aquelas que destacan por "a forma na que loitaron para obter o seu invento".

A moitas delas non as coñecemos, pero as súas ideas brillantes transformaron a nosa vida. Nestas páxinas, Sandra Uve preséntanos a máis de noventa mulleres de todos os tempos que, ao contraxeito, lograron patentar un invento e, en definitiva, conquistar a súa liberdade física e intelectual.

Fortes, soñadoras, tenaces, sensibles, intrépidas, as por fin protagonistas de Supermulleres, superinventoras retratadas en acuarela xunto a unha reprodución da patente orixinal do seu invento impulsaron un diálogo transversal e desenvolveron novas miradas á realidade doutras mulleres. Esta viaxe ao mundo da creatividade permite dar a coñecer a súa tarefa e o cambio significativo que supuxo cada un dos seus inventos na nosa historia.

Unha fermosa homenaxe, merecido sen dúbida, a un grupo de mulleres valentes que loitaron pola igualdade e a liberdade

Las chicas son de ciencias

Dende a biblioteca quixemos mercar libros ilustrativos de mulleres importantes e que millor que este libro que se publicou en febreiro deste ano.

Descubrimos con este libro as 25 supercientíficas que cambiaron o mundo e demostraron que as mozas son de ciencias, en canto a descubrimentos científicos. Agnodice, a primeira médica coñecida da historia, ata Rosalind Franklin, a química que descubriu a estrutura do ADN, pasando por Vera Rubin, a astrónoma que viu o que ninguén vía, as mulleres foron pioneiras en ciencias desde o inicio dos tempos

Un libro que a través dunha linguaxe sinxela e didáctica, unha vistosa presentación e un formato moi atractivo, tráenos a unha serie de mulleres que ao longo da Historia destacaron grazas aos seus descubrimentos e achegas científicas.

O lapis máxico de Malala, de Malala Yousafzai

A editorial Xerais tráenos un libro especial dende Paquistán para o mundo.
Un precioso álbum sobre o valor desmedido das palabras e a súa maxia, que nos conta en primeira persoa como unha serie televisiva pode facernos soñar cun lapis máxico, pero a propia vida fainos sentir que “calquera lapis pode selo”.
Describe as ansias dunha nena por facer felices aos demais,Decididamente unha historia imprescindible para ver e dar que pensar e falar á rapazada. Porque calquera día do ano é Día da Paz, tan desexada en Siria nestes momentos.

El futuro es femenino

Da man da editorial Nube de tinta chega O futuro é feminino, un libro de contos no que diversas escritoras e ilustradoras únense para empoderar a figura da muller. Trátase dun libro que reúne historias inspiradoras sobre as situacións nas que, tanto as nenas como as mulleres, enfróntanse día a día. Os seus protagonistas transfórmanse para enfrontarse a elas con valentía.

Como sería un mundo igualitario, un mundo feminista? Estes son os relatos que nos debemos contar as unhas ás outras para crear un lugar distinto, un lugar máis xusto, máis igual. Para coidarnos e querernos máis. Para dar voz ao que xa non se pode calar. E para ter voz, xa, dunha vez por todas. Contos únicos para nenas, mozas e mulleres (e para todos, en realidade), porque o futuro é feminino.

Un libro que seguro que disfrutaremos moito.

Valerosas

Acabamos de adquirir este interesante libro en banda diseñada sobre mulleres valerosas, dende científicas, actrices ou activistas, estas mulleres que foron atrevidas, decididas e loitaron por conseguir os seus soños e saír adiante nos seus respectivos períodos históricos. Moitas delas fixeron saltar polo aire os prexuízos sociais e demostráronnos que botarlle valor e perseveranza non é cousa só de homes. Algúns exemplos son: Wu Zetian, emperatriz chinesa que creou un esbozo do actual dereito laboral e instaurou os méritos para poder acceder a cargos públicos; Margaret Hamilton, a actriz aterradora especializada en papeis do mal que fixo da súa estraña beleza un referente en Hollywood; ou Agnodice, xinecóloga grega que tivo que vestirse de home para poder traballar e conseguir que as mulleres puidesen exercer a medicina no seu país.

Nun principio Valerosas foi publicado en liña na páxina do importante xornal francés Le Monde.

Valerosas:Clémentine Délait, Nzinga, Margaret Hamilton, Las Mariposas, Josephina van Gorkum, Lozen, Annette Kellerman, a exploradora Delia Akeley, Joséphine Baker, Tove Jansson, a ginecóloga Agnódice, Leymah Gbowee, Giorgina Reid, Christine Jorgensen y Wu Zetian.

O tomo 2 de Valerosas presenta outras quince impactantes retratos.

VISITA DE ISABEL BLANCO: "AS RECEITAS DE ROSAURA"

O mércores 21 de febrero tivemos a sorte de contar coa presenza no noso centro da escritora Isabel Blanco para presentarnos o primeiro libro infantil de receitas en verso escrito en galego.

"As receitas de Rosaura" é o título desta marabillosa obra que, ilustrada por Luz Beloso, narra a historia dunha cociñeira moi especial que todas as noites cociña receitas moi divertidas para que grandes e pequenos poidan reproducilas nas súas casas.

Os alumnos e alumnas de segundo de primaria foron os afortunados de poder estar unhas horas coa escritora, falando sobre o libro e sobre moitas outras cousas que foron xurdindo, pasando un rato moi agradable.

Grazas pola túa visita! 

VISITA DO CENTRO OCEANOGRÁFICO DE VIGO: CONTAMINACIÓN MARÍTIMA

Aproveitando a celebración do día Internacional da Muller e a Nena na Ciencia (11 de febrero), esta semana tivemos a sorte de contar no noso centro con tres mulleres científicas do Centro Oceanográfico de Vigo que viñeron a falarnos sobre a contaminación mariña, Isabel Ramilo, Virginia Filgueiras e Agueda Cabrero.

Todo o alumnado do centro puido disfrutar desta interesante actividade: dende os máis pequenos de 3 anos ata os maiores do centro, os nenos e nenas de 6º de primaria.

Divididos en catro grupos segundo a idade, os rapaces e rapazas aprenderon moitos datos interesantes sobre os lixos marinos, a contaminación das augas, o problema dos microplásticos e as súas consecuencias e tamén aprenderon a diferenciar os distintos tipos de plásticos segundo a súa composición mediante un taller manipulativo.

E como non podía ser doutra maneira puxeron en valor, mediante unha proxección, o importante traballo realizado por algunhas mulleres científicas, que foron olvidadas e ninguneadas, entre outras :Hipatia de Alejandría, Paulina Rubio H ,Rosalind Franklin, Marie Curie... e outras moitas, sen olvidar a Ángeles Alvariño, una muller galega oceanógrafa, zooplanctóloga e profesora precursora na investigación oceanográfica mundial (nome que leva un dos buques oceanográficos de Vigo)

Queremos dar as grazas a estas tres  científicas que nos visitaron Isabel, Virginia e Agueda, por a súa contribución a ensinarnos a súa profesión, fomentando a mellora do medio marino, abrindo camiños a outras mulleres e por suposto por adicarnos o seu tempo nunha maña moi ilustrativa. 

 


 

 
 
 

A muller na ciencia.

Facendo coíncidir ca data do 11 de febreiro (dia  Internacional da Muller e a Nena na Ciencia) quixemos que se visualizará o papel da muller na ciencia polo que se programa a organización dunhas charlas  realizada polo  Centro Oceanográfico de Vigo, sobre o tema a contaminación marítima.

En concreto serán catro charlas, para os diferentes ciclos, no día 19 de febreiro realizadas por tres mulleres expertas no tema. 

Este centro Oceanográfico quixo sumarse á iniciativa do 11 de febreiro que está a fomentar a realización de actividades para conmemorar esta efeméride, visibilizando o traballo das científicas e creando roles femininos nos ámbitos da ciencia que promovan prácticas que favorezan a igualdade de xénero no ámbito científico. Por este motivo, ao longo do mes de febreiro,  ofrecerá vinte e unha charlas en dezanove colexios e institutos das provincias de Pontevedra e A Coruña .  Nelas, dezanove mulleres do Centro (científicas, persoal técnico e persoal de administración) tanto a través da súa propia experiencia en investigación, como a través de referentes femininos en ciencia, visibilizarán o papel da muller.

11 de febreiro: día da muller e a nena na ciencia

A Asemblea Xeral das Nacións Unidas decidiu proclamar o 11 de febreiro de cada ano Día Internacional da Muller e a Nena na Ciencia.

Nos últimos 15 anos, a comunidade internacional fixo un gran esforzo inspirando e promovendo a participación das mulleres e as nenas na ciencia. Desafortunadamente, elas seguen enfrontándose a barreiras que lles impiden participar plenamente nesta disciplina. De acordo cun estudo realizado en 14 países, a probabilidade de que as estudantes rematen unha licenciatura, unha mestría e un doutoramento nalgunha materia relacionada coa ciencia é do 18%, 8% e 2%, respectivamente, mentres que a probabilidade para os estudantes masculinos é do 37%, 18% e 6%.

Vivimos nun mundo global e diverso onde a igualdade non está conseguida en moitos aspectos, un dos que nos preocupa e ocupa é a brecha de xénero e a tecnoloxía. É por iso que o 27 de novembro, coincidindo co 165 aniversario do falecemento de Ada Byron, presentouse o Manifesto INSPIRA: Abrindo espazos a nenas e mulleres en ciencia e tecnoloxía. 

Manifiesto:

Vivimos nun mundo global e diverso onde a igualdade non está conseguida en moitos aspectos. Un que nos preocupa e ocupa é a brecha de xénero e a tecnoloxía.

Son feitos demostrados que menos mulleres elixen unha profesión tecnolóxica, menos mulleres traballan no mundo científico/técnico, as mulleres chegan a postos de menor importancia e perciben salarios inferiores en postos de igual relevancia.

Estes feitos non se deben a un menor gusto, a unha menor capacitación, a unha inferior vocación, ou a un inferior desempeño. Son os factores sociais, culturais e educativos os que empoderan, recoñecen e incentivan menos ás mulleres que aos homes. Son os estereotipos, procesos de socialización, roles de xénero, machismos ocultos cos que construímos a educación e a sociedade os que fan crer que as mulleres son menos capaces e os que provocan que as mulleres sexan menos valoradas, social e economicamente.

Esta realidade pódese cambiar, e facelo é relevante. Xogámonos moito. E nos concierne á sociedade no seu conxunto e a cada unha das persoas e entidades que a formamos. Este manifesto constitúe un compromiso, das persoas e organizacións que se adhiren a el, de traballar activamente pola igualdade entre mulleres e homes no ámbito científico-tecnolóxico, a través das seguintes liñas de acción:

1. Reflexionar e revisar a falsa crenza de que xa hai igualdade. Coñecer os datos que demostran que esta igualdade aínda non existe e hai moito traballo que facer por conseguila.

2. Recoñecer publicamente que mulleres e homes temos as mesmas capacidades, dereitos e responsabilidades, e merecemos por tanto o mesmo recoñecemento.

3. Dar a coñecer as consecuencias da falta de igualdade existente, e traballar para concienciar á sociedade da necesidade de accións positivas para evitalas, promovendo un sistema científico-tecnolóxico responsable e diverso.

4. Visibilizar ás mulleres científicas e tecnólogas históricas e actuais, pondo en valor o seu traballo e construíndo novos referentes.

5. Reverter os estereotipos sociais, desmitificando as crenzas sobre os roles de xénero; facilitando información sobre as carreiras científicas e tecnolóxicas; e dando a coñecer o amplo abanico de posibilidades profesionais das STEAM (Ciencia, Tecnoloxía, Enxeñaría, Arte e Matemáticas).

6. Favorecer un contexto social e educativo no que as nenas se vexan animadas, capaces e recoñecidas para que poidan elixir o seu futuro sen condicionamentos.

7.Contribuír ao empoderamiento das mulleres, desenvolvendo accións en todas as dimensións para conseguilo.