Encontros con autoras, Andrea Maceiras

O 3º ciclo de E.P leu durante o curso o libro, "A folla azul" de Andrea Maceiras.

A Amazonia é un mundo verde e único. Tamén é o fogar de moitas tribos indíxenas que viviron alí desde o inicio dos tempos. Algunhas delas manteñen relación coa civilización, mentres que outras decidiron permanecer voluntariamente ocultas no corazón da selva.

A miña tribo é unha delas. Eu son Husu Aké, membro da tribo dos Tacaré, filla da Nai Terra e habitante do mundo verde. E esta é a miña historia.

Tivemos a sorte de contar coa súa presencia no cole para falar do libro e asinalos.

Moitas grazas Andrea, ata pronto!

VISITA DO ESCRITOR IAGO LÓPEZ

O venres día 3 de maio visitou a nosa biblioteca o escritor  IAGO LÓPEZ para presentarnos o seu libro: 

“O COCIÑEIRO MARTIÑO E AS CENORIAS DESAPARECIDAS”.

A motivación foi tal que  fixeron sombreiros de cociñeiros/as e tartiñas de cenorias para degustar. 

Encantounos a súa forma de representar este conto tan fermoso e como involucrou ao alumnado para que tamén eles participaran na historia.

Moitas grazas pola visita IAGO LÓPEZ!

Agustín Fernández Paz

Agustín foise discretamente como era el , deixándonos orfos

.Agustín Fernández Paz (Vilalba, Lugo, 1947-2016) é un dos escritores máis coñecidos e valorados no ámbito da Literatura infantil e xuvenil, en Galicia e no resto de España. É autor de máis de corenta e cinco títulos dirixidos preferentemente a lectores infantís ou xuvenís. Os seus libros, escritos en galego, tradúcense habitualmente ás outras linguas españolas: castelán, catalán e eúscaro. Tamén se traduciron diversos títulos ao coreano, portugués, francés e árabe.

Destacamos entre as súas obras as seguintes:

• As flores radioactivas

• Contos por palabras

• Trece anos de Branca

• Cartas de inverno

• As tundas do corredor

• Cos pés no aire

• Aire negro

• O meu nome é Skywalker

• A escola dos piratas

• Luz de Senegal

Durante a súa traxectoria, Agustín recibiu varios galardóns polas súas obras. O premio Lazarillo, Edebé Xuvenil, Barco de Vapor, Merlín, protagonista Jove, Edebé Infantil, Rañolas, Raíña Lupa, Martiño Sarmiento, Xosé Neira Vilas ou o premio  Trasalba.

 Agustín pensaba que as palabras posuían a forza necesaria para cambiar o mundo e afirmaba que os libros eran imprescindibles para axudar a soñar e a vivir.