domingo, 18 de marzo de 2018

IZAN O DA SACA: VI CLUBE DE LECTURA

izan o da saca-xabier quiroga-9788499149400

Este é o título elexido para o vindeiro clube de lectura de adultos/as, que se celebrará o 22 de maio ás seis da tarde na biblioteca.
Xabier Quiroga volve transitar pola historia máis recente ideando unha novela que se adentra no enigma que supón o paso dos nazis fuxidos cara a América: a misteriosa “ruta das ratas” pola nosa terra.
O Fiscal Superior de Xustiza recibe do seu editor un paquete que contén, ademais dun cartafol con noticias de varias mortes sen relación aparente, unha novela. Nela, un taxista con dotes investigadoras e lector empedernido acepta o delicado encargo dun coñecido político e empresario galego: desentrañar un suposto pasado nazi co que os seus inimigos poden relacionalo. Comeza así, ademais dunha engaiolante procura pola xeografía física e humana deste país, unha perigosa pescuda sobre un dos feitos históricos máis intrigantes da posguerra: a misteriosa «Ruta das ratas» ao seu paso polo noroeste da península Ibérica e cara ao refuxio nazi en América do Sur. Mesturando realidade e ficción, coa mestría da madurez narrativa e facendo encaixar as múltiples pezas desta novela negra nun insólito final, Xabier Quiroga atrápanos nunha trama que, da man do Reiniña, o seu protagonista, remexe no escuro duns feitos agochados no pasado pero que, sen remedio, salpican o presente.
Un libro que dará moito que comentar. Esperemos que o leades e asistades ao noso clube.

No hay comentarios:

Publicar un comentario