Casiña de libros

 Este pasado fin de semana a AMPA preparounos para o patio unhas preciosas sorpresas de madeira para que o alumnado poidese xogar.

Unha delas foi unha casiña para deixar libros e poder coller. Este luns o alumnado que acudiu á biblioteca quixo levar libros para meter na casiña.

Club de lectura de sexto

 A invasión dos trastos comezou! Nerea regresa cunha nova aventura chea de humor sobre os excesos no uso das novas tecnoloxías.

Lecturas na pérgola

Club de lectura maiores: A Culpa

 

O martes 6 de tivemos o noso derradeiro club de lectura deste curso, despois de pospoñelo unha semana por causa do apagón eléctrico.

O libro que limos foi "A culpa" de Maria Solar, unha lectura na que coincidimos todas que nos gustou moito.

Escrito nun estilo claro, directo, reflexivo e, en ocasiones, poético. Afonda con axilidade, nunha historia na que conflúen elementos propios da literatura confesional para xogar cos conceptos da identidade e da dominación.

“A culpa” son dúas historias unidas por unha herdanza. Mulleres atadas para sempre por un crime cometido. Unha relación que se converte en posesión, dominación e loucura. Novela negra, onde se sabe quen cometeu os asesinatos, todos terapéuticos ou iso parece... e cun final sorprendente.

De novo agradecemos á biblioteca Neira Vilas de Vigo que nos cedeu os libros para súa lectura. 

Para rematar a coordinadora da biblioteca deixáranos unha sorpresa nun paquetiño especial cunha mensaxe ben fermosa:

Eran uns chaveiros de madeira, realizadas coa cortadora laser, da silueta do noso grande Castelao, co logo do club de lectura. Que ilusión nos fixo!! Grazas!!

Contos na radio...Das y Zas aprenden a contar

Paula e Gabriela de quinto de primaria son unhas entusiastas bibliotecarias pero tamén son unhas entusiastas contadoras de contos.
Tiñan moita ilusión por ir a infantil de tres anos e despois de moitos ensaios a semana pasada foron a contarlles a historia de "Das e Zas", conseguiron que o alumnado estivese moi atento. Como o fixeron tan ben realizaron a gravación na radio.

As familias contan... "La promesa de las pandas"

A familia de Alex de 5ºB de Educación Infantil achegouse ao centro para compartir co alumnado o libro "LA PROMESA DE LAS PANDAS" de RACHEL BRIGHT da editorial Edelvives.

Un libro sobre o amor da familia e a importancia de cumplir as promesas.
" No alto das montañas, Coco e Ketu, dúas irmás, cachorros de panda vermello, viven baixo a protección da súa nai. Ambos prometen non alonxarse ​​e coidarse mutuamente. Pero, a medida que medran, o desexo de explorar faise cada vez maior.
Encantoulles a experiencia tanto ao alumnado como á familia. Grazas!!!

Martina e Keren contan... “ O polo Pepe”

Martina e Keren achegáronse a aula de 4º de EI, para contarlles o conto do “O POLO PEPE”, o cal  encantoulles porque ademais tiña as páxinas pop-up. 

                                  

Fixérono xenial e esperan volver a recibir máis visitas!! Moitas Grazas.

Gabriela conta... "El cocodrilo carnívoro"

 Gabriela de 4ºquixo contar un conto na aula de 6º de EI, onde está súa irmá Naiara. Gabriela veu acompañada da súa compañeira de aula,  Alba. Ambas contaron "El cocodrilo carnívoro". Elas como son  grandes artistas  introduciron o libro cunha pequeña obriña de teatro, a medida que ian narrando a historia. Ademais fixeron unhas etiquetas co nome de cada rapaz deseñadas por elas. Ao alumnado encantoulles!!

Canto traballo e ilusión mostaron nesta actividade!

Conmemorando o Día da Diversidade Funcional

O martes 5 de decembro conmemoramos o Día da Diversidade Funcional ca representación do libro da editorial Kalandraka "Orellas de Bolboreta". As bibliotecarias de 5º e 6ºB foron as encargadas de presentar o acto e interpretar aos diferentes personaxes. 

Asistiron a este acto todo o alumnado do centro. Fixérono xenial!! Todas unhas artistas!!

Contos na radio...Mapache quiere ser el primero

Rematamos por este curso no programa Contos na Radio co  título " Mapache quiere ser el primero" da editorial Nube ocho. Este libro o elixiu Alba Giráldez de 3º de EP por ser un dos seus preferidos, que foi a encargada de darlle voz. Encántanos esta actividade que esperta tanto interese!!

Visita de Sabela Fernández

 O venres 2 de xuño Sabela Fernández visitou ao alumnado de primeiro e segundo, que leron o seu libro «Que queres ser de maior, pequena?»

Na súa visita realizou un recorrido polo seu libro mediante diferentes actividades lúdicas,  nas que participaron os nenos e nenas aportando as súas ideas con imaxinación. A continuación asinou os libros.

Sabela Fernández Trelles é mestra especializada en Audición e Linguaxe e licenciada en Psicopedagoxía. É autora de diversos artigos e materiais de ámbito pedagóxico, como o proxecto de estimulación da linguaxe oral «O Dragón Pepón» (2010). Como autora de literatura infantil publicou «As aventuras de Mariña e Lucas» (2012), así como os álbums ilustrados «Augusta e os seus medos» (Xerais, 2015) e «O ladrón de soños» (Xerais, 2018), ambos ilustrados por Alicia Suárez. O último libro dela «Que queres ser de maior, pequena?» (Xerais, 2021) foi ilustrado por María Brenn.

Contos na radio... Maruxa

Con motivo do Día do libro Uxía, de 5º A de Educación Primaria, gravou ca súa voz o texto do libro de  " Maruxa" da editorial Kalandraka. Despois editaremos un código de barras para poder escoitalo.

Maruxa e Pepiño vivían na aldea. Maruxa cosía, varría e labraba. Pepiño cantaba, folgaba e durmía. Mais un día… Maruxa decide dar unha lección ao seu marido.

Club de lectura de 6ºB " Cartas de Inverno"

O venres 3 de febreiro tivemos o club de lectura de 6º B sobre a novelas gráfica "Cartas de Inverno" de Agustín Fernández Paz.

Un libro que espertou moito interese, de feito estaba anotado para a lectura a metade do alumnado e remataron léndoo todos e todas.

Gustoulle a temática, o misterio da historia e  as ilustracións.  Falamos moito e pasamos moi ben en torno a este libro.

Club de adultos/as: Crónicas de Jerusalén

                                

Xa temos data para o primeiro club de lectura de maiores neste  novo curso. 

O encontro será o martes 15 de novembro ás 17.30 horas na biblioteca.

Nesta ocasión é un libro de banda deseñada: "Crónicas de Jerusalén" de Guy Delisle.

Animádevos a participar pedindo un libro á biblioteca do centro, a través dun alumno/a, un mestre/a...

Guy Delisle é un debuxante nacido en Quebec, Canada. A pesar de que traballou para varios estudos de animación é máis coñecido polas súas novelas gráficas. Os seus traballos máis famosos son Shenzhen (2000) e Pyongyang (2003) que relatan as súas experiencias nestas cidades asiáticas.

Co libro "Crónicas de Jerusalén" ganou o premio ao mellor álbum no Salón Internacional de Cómic de Angouloume  en 2012.

  

O principio: escoitar e ver.

A viaxe das bolboretas: escoitar e ver.

Apadriñamento lector

Con algo de retraso emitimos este programa, onde  Sabela, Irene, Sabela, Adrián e Rui nos explican en que consiste a actividade dos Apadriñamentos lectores, que celebramos no día do libro, e as ventaxas de realizala.