Esmeraldina, a pequena defunta

Despois do éxito do anterior libro de Escarlatina, Ledicia Costas, que estivo hai uns meses no noso centro,  acaba de publicar na editorial Xerais un novo  libro chamado "Esmeraldina, a pequena defunta", que de seguro fará as delicias dos lectores, como o anterior.

O Hotel Fantastique está no medio do Salvaxe Oeste. Nas súas cociñas a pequena Esmeraldina é feliz, aprendendo todos os trucos culinarios da man da súa avoa A Tremenda, unha chef de sona mundial. A vida avanza entre pucheiros ata que un andazo de febre escarlatina acaba coa vida da nena. A noticia da súa morte corre como a pólvora entre os habitantes do alén, e empezan a chegar ao hotel defuntos de todas as procedencias, dispostos a instalarse.