Pum pum! Quen hai?

 O pasado martes, o noso alumnado de educación infantil gozou moitísimo da experiencia do teatro, onde non só se divertiron, senón que tamén tiveron a oportunidade de descubrir un dos xéneros literarios máis máxicos e emocionantes.

Unha vivencia chea de aprendizaxe e diversión!!

Tarabelos Teatro no centro

A biblioteca sufragou e organizou, para o luns 13 de maio, dúas obras de teatro co grupo de teatro Tarabelos para todo o alumnado. Na primeira obra  estiveron Educación Infantil, 1º e  2º de E.P. e na segunda 3º,4º,5 e 6º de E.P

Desfrutaron dunha obra teatral en galego titulada "Sabela e o paxaro máxico" puideron compartir risas, expectación, sorpresas, creatividade, imaxinación...e todo na nosa fermosa lingua!

Actividades na semana das Letras Galegas

         

Un ano máis celebramos no centro a semana das Letras Galegas con actividades diversas:

Como cada curso,  especialmente nesta semana, nas diferentes aulas adícase a traballar a figura homenaxeada das Letras, neste caso Luísa Villalta.

A comisión da biblioteca organizou un recuncho cos libros da autora e un expositor, na entrada da biblioteca, coas novidades mercadas nestes dous últimos meses en lingua galega.

Ademais a Biblioteca sufragou e xestionou, para o luns 13 de maio, dúas obras de teatro co grupo de teatro Tarabelos para todo o alumnado.

O mércores 15 teremos durante toda a mañá o festival das Letras Galegas onde haberá actuacións de cada grupo de clase e proxección de vídeos de Luísa Villalta.

O xoves 16 de maio contaremos ca actuación no centro do músico Magín Blanco, subvencionado pola Comunidade de Montes de Tameiga.

------------------------------------------

Este ano o 17 de maio está dedicado á poeta coruñesa Luísa Villalta (1957-2004), coincidindo co vixésimo aniversario do seu falecemento.

Luísa Villalta naceu o 15 de xullo de 1957 na Coruña. Titulada superior de violín, a música foi un elemento principal na súa mocidade, chegando a formar parte da Orquestra de Santiago e da Xove Orquestra de Galicia.

Tras licenciarse en Filoloxía Hispánica e en Galego-Portugués pola Universidade de Santiago de Compostela en 1982, apostou por dedicarse ao ensino.

Escribiu poesía, teatro, narrativa de ficción, ensaio, articulismo e tradución.

Visita de Sabela Gago

O martes 24 de maio recibimos a visita de Sabela Gago, de Sarabela Teatro, que realizou un contacontos moi divertido para infantil e primeiro ciclo da educación primaria que fixo as ledicias dos máis pequenos do colexio co único poder (e moi importante) da palabra e a xesticulación! Rímonos moito e desfrutamos cos seus contos e as súas rimas. Esperamos contar con ela de novo o vindeiro curso!

Camiño do Samaín

 O alumnado de 3º B realizan para a radio unha obra de teatro titulada "Camiño do Samaín".

Carabuñas

 Aqui tedes a gravación da obra de teatro de Carabuñas, interpretada polas bibliotecarias de 5º



Se queredes seguir disfrutando de Carabuñas ir ao bloguer  de Infantil

Teatralización de Carabuñas

O día 29 de abril para rematar a celebración do día do libro, dende a Comisión de biblioteca organizamos a dramatización de “Carabuñas”, libro que se lle pedirá ao alumnado de Infantil por Nadal.

Houbo moitos ensaios, compra de traxes e decoración, ingredientes que resultaron fundamentais para que encandilaran a todo o público existente, infantil e primeiro curso. 

As alumnas de 5º, bibliotecarias, Noa, Fátima e Aroa realizaron un traballo marabilloso. Noa interpretou a Carabuñas, Aroa a intrépida Blanca e Fátima cunha entonación perfecta foi narrando a historia. Noraboa!!

A atención e o silencio foi total, o  que  fixo que se poidera gravar cunha moi boa calidade.

Día do teatro

O  27 de marzo celébrase o día Mundial do Teatro, e como neste 2016 agasallamos  a  Manuel María, queremos facer memoria  dalgunhas das súas obras dramáticas:

• Auto do taberneiro 
• Auto do labrego 
• Auto do mariñeiro (brevísima farsa dramática en tres tempos) 
• Barriga verde 
• Unha vez foi o trebón 
• Auto trascendental do ensino tradicional 
• Aventuras e desventuras dunha espiña de toxo chamada Berenguela 
• Auto do Maio esmaiolado 
• Abril de lume e ferro 
• Auto do Castromil ou a revolución dos baúles 
• Unha vez foi o trebón e Farsa de Bululú 
• A lúa vai encoberta 
• Edipo

TEATRO: As laranxas máis laranxas de todas as laranxas

 

Se pinchas aquí accederás a toda a información sobre a obra e onde está previsto presentarse.

En outubro estará en Pontevedra e en novembro en Vigo e Tui