Educar na realidade

Na guía que estamos elaborando para empréstito tanto para o profesorado como para pais e nais, incluímos este libro"Educar en la Realidad" de Catherine L´Ecuyerque, que nos pareceu moi interesante sobre a reflexión que se prantexa sobre as novas tecnoloxías.

Según a autora os nosos fill@s aprenden en clave de realidade. Para poder captala, necesitan relacións interpersoais, contacto coa beleza e motivos para actuar con sentido. Necesitan sensibilidade, empatía, espírito atento. Con todo, nun mundo no que as pantallas están cada vez máis presentes, poden padecer un déficit de realidade.

Nese sentido, a autora desvela con evidencias claras unha serie de mitos educativos e demostra que a mellor preparación para utilizar as novas tecnoloxías de forma responsable ten lugar na realidade; é dicir, que a mellor preparación para o mundo online é o mundo offline.

Neste libro L´Ecuyer debúllanos a situación e percepción da infancia coas pantallas e fálanos do mundo palpable, do mundo sensorial que nos rodea, das relacións que se necesita construír.