Neste curso se nos concedeu o Proxecto Biblioteca Creativa, co obxectivo de apoiar a cultura da experimentación e a investigación, dos robots e da linguaxe de programación na biblioteca escolar, integrados no Plan de mellora de bibliotecas escolares.
Fomos selecionados un total de 25 centros de toda a Galicia.
A persoa encargada no noso centro deste proxecto vai ser a mestra Melisa, que recibirá formación e terá a obriga de ensinar ao resto do profesorado. Teremos que montar catro escornabots e programar actividades con eles.
Que é un Escornabot?
Escornabot é un proxecto de código/hardware aberto cuxo obxectivo é achegar a robótica e a programación aos nenos e nenas.
O Escornabot básico pode programarse cos botóns para executar secuencias de movementos. A partir de aquí, a imaxinación é o único límite nas posibilidades.
No hay comentarios:
Publicar un comentario