Club de lectura de 6ºB: Chamádeme Simbad

O xoves 16 de xaneiro reunímonos en torno ao libro Chamádeme Simbad, un libro que fala  do alzheimer, da familia e os seus conflitos, do ritmo de vida actual que non permite coidar adecuadamente aos nosos maiores ou aos pequenos/as da casa... en definitiva un libro que transmite valores universais. 

Chamádeme Simbad resultounos unha aventura divertida que nos enganchou e gustou. 

Esta obra de Francisco Castro gañou o premio ao mellor libro infantil de 2009 concedido polos lectores da web Fervenzas Literarias. As súas ilustracións foron feitas por Manel Cráneo e está publicado dentro da Colección Árbore da Editorial Galaxia.
Os exemplares para este club foron prestados polos IES Ribeira do Louro.