8 de marzo:Día Internacional da Muller

Un ano máis celebramos o 8 de Marzo, que pretende lembrarnos que as mulleres aínda siguen sendo tratadas de xeito diferente aos homes na sociedade e ata na propia casa.

No ano 1978 as Nacións Unidas declarararon o 8 de marzo como o Día internacional da Muller Traballadora, coma unha homenaxe ao acontecido no ano 1908 en Nova Iork.

A comezos do século XX, moitas mulleres incorporáronse ó traballo nas fábricas nunhas condicións moi duras: xornadas laborais moi longas, de doce e máis horas, recibindo salarios inferiores aos dos homes.

A medida que as mulleres se ían incorporando ao mundo laboral, facíase máis evidente que aquela situación non era xusta, e pouco a pouco empezaron a organizarse.

Unha das protestas, reivindicando mellores condicións laborais, foi a que protagonizaron  as traballadoras da fábrica textil Cotton de Nova Iork, en Estados Unidos.

Era o 8 de Marzo de 1908 e as traballadoras encerráronse no interior para pedir que se lles reducirá a súa xornada laboral a 10 horas.

Os propietarios da fábrica decidiron incendiar o edificio para facelos sair de alí, pero o resultado foi de 129 traballadoras mortas.

A cor lila con que se identifica este día é porque dese ton era o tecido que estaban a facer as obreiras o día que morreron.

Asi cada 8 de marzo  debe ser  un recordatorio da morte desas 192 mulleres  por defenderen uns dereitos  laborais dignos.

Hoxe as reivindicacións non cesan, dado que o mundo avanza pero non para as mulleres, onde sigue existindo a desigualdade laboral, desemprego, malos tratos por parte dos seus compañeiros, etc.

Por tanto o  8 de marzo é a data onde  reivindicamos que ás mulleres correspondelles os mesmos dereitos e igualdade de oportunidades que os homes. 

Traballar na igualdade é un principio básico na nosa escola e no día a día.
Dende a Biblioteca preparamos lecturas variadas para tratar en torno a esta data.