Formación voluntariado da biblioteca

 Semana intensa de formación nos recreos do voluntariado da biblioteca. En total trinta e dous nenos e nenas ofrecéronse para axudar.

O luns tocoulle ao alumnado de quinto de EP que quere realizar labores de bibliotecarios e bibliotecarias, despois de realizar as explicacións sobre as diferentes tarefas e solventar dúbidas, tiveron que asinar un contrato de colaboración e responsabilidade, que posteriormente levaron para casa xunto cunha libreta da biblioteca.

Ata este curso o alumnado de cuarto no realizaba labores de voluntariado, pero neste si que van colaborar, xa que  hai un grupo  que estaba moi motivado por axudar na biblioteca. Así que este martes viñeron no recreo a aprender e tamén recibiron unha libreta de agasallo.

Por último chegoulles o turno ao alumnado de sexto que tamén tiveron o seu recreo de formación.

Para a semana virán no recreo a axudarnos a pór a biblioteca a punto para poder abrila en outubro.

Non podemos estar máis contentas por tantos colaboradores e colaboradoras entusiastas. Grazas