Con motivo do Día Internacional para a eliminación da violencia contra a muller, que se conmemora o día 25 de novembro, reiteramos un ano máis a condena de calquera expresión de violencia contra as mulleres, en todas e cada unha das súas manifestacións.
Na semana do 25 de novembro dende as aulas traballáronse aspectos cara a concienciación da eliminación da violencia de xénero a través de diversas actividades, para que o noso alumnado sexa sensible hacía esta problemática: dende charlas, lecturas e cambio de letras de cancións, frases, murais cas pegadas das mans...
Dende a biblioteca encargámonos de realizar chaveiros de lazos lilas na impresora 3D para todo o alumnado de 6ºA e 6ºB, tamén unha mostra de libros sobre a violencia de xénero e a gravación de varios libros.
Un dos libros foi o de Daniel Martín e Ramón Trigo que escribiron unha historia sobre violencia doméstica con moito tacto co título "El mostruo".
Breixo e Vera de 6ºB déronlle voz a este libro.
Tamén quixemos dar voz ás ilustracións do libro "As mulleres que cultivaban néboas" da autora Bea Gregores. Un libro poético onde se fala da supervivencia ante a violencia de xénero pero sobre todo trata da esperanza.
O alumnado de 6ºA e 6ºB foron os encargados de realizar este fermoso traballo.
No hay comentarios:
Publicar un comentario