O martes 23 de abril, Día Internacional do libro, celebrámolo con apadriñamentos lectores, que consiste na lectura dun alumno/a máis maior a un máis pequeno.
Previamente nas semanas anteriores organizamos as parellas, para que o alumnado soubese a que persoa lle ían ler, tamén tiveron que elixir o libro e ensaiar para ese día.
Así ese día ao finalizar o recreo cando tocou o timbre o alumnado foi ás aulas a buscar o libro para a lectura e a toalla para sentarse, mentras os de infantil esperaban no seu patio.
A continuación cada alumno/a foi buscar ao neno/a ao que tiña asignado e buscaron un sitio axeitado para o seu momento de lectura.
Foi unha actividade satisfactoria para o alumnado, que resultou moi bonita; axudou o día luminoso e o noso fermoso patio.
Todos/as desfrutamos moito deste día en torno á lectura. A continuación deixamos a mostra con estas fermosas fotos!
No hay comentarios:
Publicar un comentario