Visita de Luís Vallecillo á biblioteca

Dende a editorial Consorcio agasalláronnos coa actuación de Luis Vallecillo. Onde desfrutamos da música e do humor os nenos e nenas de infantil e primeiro de primaria.

Luis Vallecillo é músico, compositor , dramaturgo e titiritero. Artista multidisciplinar.

 

Actividades literarias no Culturgal

No Pazo da Cultura de Pontevedra celébrase o Culturgal 2015, este 4, 5 e 6 de decembro , no Pazo da Cultura de Pontevedra.

As actividades literarias destacadas do programa para o sábado 5 son:

– 11:45 h. O recuncho do ebook. Espazo Foro.

– 12:15 h. Presentación revista cultural A Pedreira. Concello de A Lama. Espazo Libro.

– 12:30 h. Concerto presentación do disco libro Sira e o robot. Adventures on Titan, de Mark Wiersma e Miguel Mosqueira, publicado por Galaxia. Espazo Carpa.

– 12:45 h. Presentación de Romaría de historias, de Xosé Neira Vilas, publicado por Galaxia. Espazo Libro.

– 13:15 h. Recital e conversa con María do Cebreiro (autora de O Deserto) e Gonzalo Hermo(autor de Celebración), promovido por Apiario. Espazo Libro.

– 13:30 h. Presentación dos especiais da Revista Luzes sobre política e cultura. Espazo Foro.

– 16:15 h. Os modos do mármore + 3 poemas, de Ondjaki, publicado por Através Editora. Espazo Foro.

– 16:45 h. Mesa redonda: Literatura de fantasía en galego, promovida por Urco Editora. Espazo Libro.

– 17:00 h. Sinatura de exemplares de O Deserto, de María do Cebreiro e de Celebración, porGonzalo Hermo. No stand de Apiario.

– 17:30 h. Recital poético de Isaac Xubín co poemario Tempo de exilio, de Joseba Sarrionandia, publicado por Kalandraka. Espazo Libro.

– 19:00 h. Recital poético A boca da terra, de Manuel Rivas, publicado por Xerais. Espazo Foro.

– 19:00 h. Presentación da Axenda Feminista 2016. Elas na ciencia, por Lila de Lilith e Observatorio da Mariña pola Igualdade. Espazo Libro.

– 19:00 h. Sinaturas de Érica Esmorís, Andrea Maceiras e Héctor Cajaraville. No stand de Xerais.

– 19:30 h. Conversa con Marcos Calveiro, autor de Fontán (Premio de Narrativa Breve Repsol), Manuel Portas, autor de Lourenço, Xograr (Premio García Barros) e Arantza Portabales (Premio de Novela por Entregas de La Voz con Sobrevivindo), publicados por Galaxia. Conduce o xornalista Tino Santiago. Espazo Libro.

– 19:30 h. Sinatura de Manuel Rivas. No stand de Xerais.

– 20:15 h. Conversa con Érica Esmorís, autora de Nena e o mar (Premio Merlín), Andrea Maceiras, autora de Europa Express (Premio Jules Verne) e Héctor Cajaraville, autor de De remate (Premio Xerais). Conduce o xornalista Tino Santiago. Xerais. Espazo Libro.

– 21:30 h. Dar de contar a quen pasa. Con Candido Pazó, Celso Fernández Sanmartín, María Lado e Lucía Aldao. Espectáculo de pago. Auditorio

A escola que queremos por F. Tonucci.

Vólvenos a sorprender o psicopedagogo Francesco Tonucci con este discurso claro e grandilocuente sobre o modelo de escola a lograr.

Cantares Gallegos:150 anos.

Este 17 de maio ten unha especial relevancia ao se cumpriren 150 anos da publicación de Cantares Gallegos, o primeiro libro íntegro monolingüe do renacemento da nosa literatura culta. Por este motivo en todo o país, houbo, hai e haberá actos tentando proxectar a figura e obra rosaliana. 

Dende o noso colexio recordámos a Rosalia no día da poesía, pero especialmente no festival das Letras Galegas, que celebramos o día 15, organizado pola Comisión de Dinamización da Lingua Galega, foi un luxo escoitar aos nosos cativ@ con esas voces tan doces, recitar poemas ben fermosos da nosa poeta máis internacional, tamén tivemos música e premios   de curtas, narración e poesía dentro dun concurso organizado por esta comisión e por suposto non faltou a referencia a figura de Roberto Vidal Bolaño... en definitiva toda unha homenaxe a Língua.
Para máis información http://aluademos.blogspot.com.es/

Picasso, 40 anos despois

Un 8 de abril de hai 40 anos, en 1973, faleceu o xenial pintor Pablo Picasso en Mougins, na Costa Azul francesa.

Pablo Diego José Ruiz Picasso foi unha figura excepcional protagonista e creador inimitable das diversas correntes que revolucionaron as artes plásticas do século XX, a súa obra inmensa en número, en variedade e en talento. Ademais foi unha persoa comprometida ca política, estivo afiliado ao partido comunista e apoiou con firmeza ao bando republicano na Guerra Civil .

En 1937 pinta un dos cadros máis célebres e comprometidos "O Guernica" en París.

Se queredes coñecer máis, está a lectura do divertido poema de Carlos Reviejo : Este Picasso es un caso, que nos ofrece o blogue biblioBN da

E.E.I. Barrionovo -Pastoriza