Buscando a igualdade e o empoderamento no Día da Muller.

Neste curso os traballos  realizados polo alumnado para o 8 de marzo tiñan o obxectivo de por en valor a figura da muller e sensibilizar na igualdade de ambos sexos. A repercusión dos traballos  deixounos gratamente satisfeitas/os, tanto o artístico como escrito. 

A tarefa artística consistía en  debuxarse e ilustrar nunha cuartilla a silueta da súa cara;  eses pequenos debuxos foron colocados dentro dunha gran silueta de muller, baixo o lema "SOMOS IGUAIS"; convertíndose nun gran mural colectivo, na entrada da biblioteca, onde estamos todos e todas sen que haxa diferenciación ningunha.

En canto  aos traballos escritos a tarefa consistía en entrevistar a unha muller especial na vida do alumnado. O resultado foi ilustrativo e de gran aprendizaxe, rematando cunha  exposición onde se  mostran as mulleres  traballadoras e loitadoras que son importantes nas  vidas do noso alumnado.