Comezamos

Empezamos un novo curso con moita ilusión e ganas de dinamizar a biblioteca, tendo moi presente as normas fronte ao Covid-19 .

No curso pasado o protocolo de uso da biblioteca permitíanos estar en pequeno grupo con moitas limitacións.

Neste curso, adaptándonos á nova situación sanitaria e os avances nas restricións, o protocolo permítenos usar a biblioteca en grupos burbulla. Por tanto todos os cursos poderán ter unha sesión semanal para estar na biblioteca.

No recreo, como hai moitos cursos en primaria, decídese que cada día da semana vaia unha soa aula, de tal modo, que asistirán cada quince días.

En canto ao alumnado voluntario da biblioteca, para manter os grupos burbulla,  haberán encargados/as en cada aula, a partir de 3º de EP, que farán as funcións de bibliotecario/a  no recreo.