O 3 de abril visitou o noso centro Andrea Maceiras, con motivo da lectura do libro “Volverás, golfiño”, por parte do alumnado de 5º e 6º de E.P.
Andrea contounos como chegara ela a idea de escribir este libro, o proceso de documentación que fixo que esta idea collera máis sentido, explicounos a historia do naufraxio no que ela se inspirou...
A continuación fixemos unha viaxe “virtual” ao faro do cabo Vilán, un dos punto emblemáticos da 'A Costa da morte', que é onde se desenvolve a súa novela.
Despois o alumnado realizoulle unha morea de preguntas sobre o libro, xa que a historia espertou moito interese.
Para rematar asinou os libros.
Unha mañá moi interesante. Grazas Andrea por dedicarnos o teu tempo e ensinarnos a querer un pouco máis a literatura.
No hay comentarios:
Publicar un comentario