Celebrando o Dia do libro co apadriñamento lector

Na semana do Día Mundial do Libro e do Dereito de Autor tivemos o noso apadriñamento lector-

A actividade consiste en que cada madriña e padriño a partir de 3º de E.P. foi a buscar ao afillado ou afillada para lerlles un conto no patio . O emparellamento fíxose da seguinte maneira:

-O alumnado de 3º de E.P. afillamento ao alumnado de 2º de EP.

-O alumnado de 4º de E.P. afillamento ao alumnado de 5 anos de Infantil.

-O alumnado de 5º B de EP afillamento ao alumnado de 4 anos de Infantil.

-O alumnado de 5º A de EP afillamento ao alumnado de 3 anos de Infantil.

Fixérono xenial! Grazas madriñas e padriños!

Foi unha actividade preciosa que esperemos queden nos recordos do alumnado. Aquí queda unha pequena mostra do que foi a actividade.

Contos na radio... "Quero peixe"

 

María de 5º A deulle voz ao libro de "Quero peixe"da editorial Verdemar.

Quero peixe! é un conto islandés para nenas e nenos que saben o que queren. Escrito e ilustrado pola premiada autora Áslaug Jónsdóttir, narra a historia dunha nena que ten moi claro o que desexa, pero nin papá nin mamá semellan entendela. Un relato divertido.

Unha viaxe polos libros

Realizamos o terceiro club de lectura do curso neste mes de abril co libro "La cena"; no que volvemos a desfrutar da diversidade de opinións e experiencias que expertou esta lectura. 

A continuación a reflexión enviada por unha entusiasta lectora do noso club de lectura:

“Para viaxar lonxe non hai mellor nave que un libro” Emily Dickinson

Rematou o club de lectura pero non remata aquí a viaxe.

Atopámonos en lugares afastados en espazo, en tempo, en formas diferentes de ver e entender a vida, en paisaxes e paises tan diferentes entre si como as persoas que fomos coincidindo na viaxe.

Espertamos con “Cabalos e lobos” nunha cidade de Vigo descoñecida, na que había alemáns,suicidios,asaltos da policía , boa arquitectura, dolor e alegría,...

Vivimos con “A nai de Frankenstein” o poder da igrexa no estado, a desvalidez das mulleres nas institucións mentais, a desvalidez dos propios facultativos que pretendían dignificar a vida das pacientes, a obsesión compulsiva do poder de ser cada vez máis grande negando e ocultando a verdade, sempre,...

Viaxamos coas “Crónicas de Jerusalén” pola banda deseñada, abríndo os ollos a realidade dese recanto do mundo tan insignificante dunha forma informal pero moi profunda abrindo os ollos a realidades esquecidas e presentes á vez.

Estivemos “Na cea” intercambiando opinións do que faríamos se nos pasara a nós algo parecido na nosa viaxe.

Saímos de Irán e percorremos media Europa con “Persépole” conseguindo rir nas situacións máis angustiantes,...

Sufrimos o agobio da Atenas colapsada pola crise giega co inspector Jaritos en “Liquidación final”, que forma angustiante de ir dun lado para outro con atascos en todas partes e vivir a Atenas clásica coa actual

Desfrutamos da gastronomía dos lugares ofrecida pola persoa que pilotaba a nave (bicas, froitas apetitosas de texturas e sabores especiais, tempo,..rico tempo que compartiu con nós) , das opinións das camiñantes que partían coma nós da ignorancia ante a viaxe que iamos emprender, de compartir opinións e vivencias

persoais que esas viaxes nos traían, diferentes olladas do camiño que se non se comparten quedan sen explorar.

Unha viaxe que comeza cada vez que abres un libro e mellora se tes con quen compartila, quen te axude a ver outras perspectivas, outros aromas que as veces pasan desapercibidos e cando alguén os describes captas tons que presentan e non percibías.

Risas, bágoas, fortes sensacións que liberan endorfinas e nos fai mellores persoas.As palabras para compartir.

Grazas Isabel que ese barco navegue eternamente polos marabillos mundos e podamos compartilo.

Que les?

O vindeiro xoves 23 de abril celébrase o Día Internacional do Libro, este ano pasámolo na casa.
Dende a biblioteca desexamos darlle unha importancia especial, queremos demostrar que ler fainos únicos e que, nestes días de confinamento, siga medrando a maxia da lectura e se contaxie.
Por este motivo necesitamos a axuda de todos/as: alumnado, familia e profesorado.

Propoñemos que nos enviedes unha foto ou un vídeo:

-Unha foto de cada un de vós, no lugar da casa onde normalmente ledes, mostrando a portada do libro que estedes lendo.

-Un vídeo, dun minuto aproximado, recomendando un libro que  lérades ou estedes lendo.

Con todo ese material realizaremos unha gran montaxe para o 23 de abril.
                             

         Esperamos con impaciencia eses envios.
Tedes de prazo ata o martes 21 de abril.
Envialo ao correo do voso titor/a ou ao da biblioteca:efprim@gmail.com

Actividades do Día do Libro.

Na semana do Día do Libro, no noso centro programáronse diferentes actividades:

FOLLETO CON SUXERENCIAS DE ORBIL PARA AGASALLAR AOS CATIVOS CON MOTIVO DO DÍA DO LIBRO:

Neste papeliño, as familias recibiron suxerencias de libros para Educación Infantil, e os tres ciclos de Educación Primaria. Aquí tedes o folleto!

Recomendacións Día do Libro

Publish at Calameo or read more publications.

II INTERCAMBIO DE LIBROS:
Os nenos e nenas que quixeron participar nesta actividade, tiñan que traer ao cole, entre o 10 e 11 de abril, un libro para facer o troco. Este libro, sería cambiado por un vale, que o 24 de abril, utilizaría para facer o intercambio.
A actividade foi un éxito, os nenos quedaron moi contentos cos seus novos libros!

intercambio día do libro 2014 - Movie Maker

VISITA DUNHA CONTACONTOS DO CONCELLO: 
 O xoves 24 de abril viñeron do concello de Mos para contarnos "O inventor de monstros", a historia de Ramoncete, un neno que non quería aprender a ler, pero que gracias a Don Mostrocho, dono dunha tenda e inventor de monstros alucinantes, descubriu un marabilloso mundo na lectura.


contacontos concello 2014 - Movie Maker

Día do libro.

Son numerosas as actividades que se programan nestes días en todo o mundo, igual que son moitos os carteis que se fan en honor a el, e aquí tedes moitos e moi diferentes, pero sempre ca mesma mensaxe: a sabiduría, a imaxinación, a fantasía, o enriquecemento... que acompaña aos libros. 

FELIZ DÍA DO LIBRO!!

Día Internacional do Libro Infantil.

Comeza o mes de abril, e con el, unha data moi sinalada, o Día Internacional do Libro Infantil, en conmemoración a Hans Christian Andersen, que naceu faría hoxe, 209 anos. Dende o ano 1967, o IBBY celebra este día tratando de despertar na xente a importancia que teñen os libros nestas idades e o amor por eles. Cada ano elixen unha Sección Nacional que será a patrocinadora deste día, sendo os encargados de elixir un tema, un autor que escribirá a carta aos nenos e nenas do mundo, e un ilustrador que realizará o póster promocional. Este ano foi a sección irlandesa, concretamente Niamh Sharkey a ilustradora e, Siobhán Parkinson a autora da carta aos nenos do mundo.

CARTA AOS NENOS DO MUNDO

OS LECTORES, a miúdo lle preguntan aos escritores como escriben as súas historias - De onde saen as ideas? Veñen da miña imaxinación, contéstalles o escritor. Ah, claro, adoita responder o lector. Pero, onde está a túa imaxinación, de que está feita e é certo que todo o mundo ten unha?
Ben, responde o escritor, está na miña cabeza, por suposto, e está composta de imaxes e palabras e recordos e rastros doutras historias e palabras e fragmentos de cousas e melodías e pensamentos e rostros e monstros e formas e palabras e movementos e palabras, ondas e arabescos e paisaxes e palabras e perfumes e sentimentos e cores e rimas e pequenos estalos e asubíos e sabores e explosións de enerxía e adiviñas e brisas e palabras. Todo iso xirando aí dentro e cantando e comportándose como un calidoscopio e aboiando e sentándose e pensando e rañando a cabeza.
Por suposto que todo o mundo ten imaxinación: sen ela, non seriamos capaces de soñar. Porén, non toda imaxinación ten as mesmas cousas dentro dela. Probablemente, a imaxinación dos cociñeiros conteña na súa maioría sabores, da mesma maneira que a imaxinación dos artistas conterá sobre todo cores e formas. A imaxinación dos escritores está principalmente chea de palabras. 
Para os lectores oíntes de historias, as súas imaxinacións tamén se nutren de palabras. A imaxinación dun escritor traballa, dá voltas e dá forma ás ideas, aos sons, ás voces, aos personaxes e aos acontecementos ata convertelos nunha historia; esta historia non está composta doutra cousa que non sexan palabras, batallóns de garabatos desfilando polas páxinas. Entón ocorre que, de pronto, chega un lector e eses garabatos cobran vida. Seguen estando na páxina, seguen parecendo garabatos pero tamén están choutando na imaxinación do lector, e este dá forma e fía as palabras para que a historia agora teña lugar na súa cabeza, como tivo lugar na cabeza do escritor.
Este é o motivo polo que o lector é tan importante para unha historia como o é o escritor. Só hai un escritor para cada unha delas, pero hai centos ou miles ou incluso ás veces millóns de lectores de historias, que len no mesmo idioma que o do escritor ou que quizais ata lean traducións en moitos outros idiomas diferentes. Sen o escritor, non nace o conto; sen todos os miles de lectores arredor do mundo, o conto non chegará nunca a vivir todas as vidas que pode vivir.
Todo lector dunha historia ten algo en común cos outros lectores desa mesma historia. Separadamente, aínda que tamén dalgunha maneira xuntos, eles recrearon a historia na súa propia imaxinación: unha acción que é tanto privada como pública, individual como común, íntima como internacional.
É, posiblemente, o que os humanos fan mellor.
Seguide lendo!

Siobhán Parkinson
Autora, editora, tradutora
e gañadora do Premio na nÓg

Traducción: Concha Blanco

Día do libro

O Día do Libro, tamén denominado Día Internacional e Día Mundial do libro, é un acontecemento anual que se celebra o 23 de abril. Esta conmemoración realizouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor.

Durante este mes, con motivo deste data, dende a biblioteca programáronse actividades diferentes, chegando mañá a celebración do primeiro mercadiño de intercambio de libros usados, que se desenrolará na hora do recreo e proxecto lector, no salón de usos múltiples, poderán participar todos aqueles que trouxeran libros para cambiar, presentando o seu correspondente vale para poder escoller outro.

Este vídeo vai adicado a todas aquelas persoas que "coidan" do libros e gostan da lectura, fomentándoa.